كل مايخص سوناتا 2018 مميزات وعيوب

7 1

لايمكنك التصويت حتى الحصول على 20 نقطة على الأقل
إضغط هنا للإخفاء

wd-alharbi 638
قبل 5 سنه و 10 شهر

السلام عليكم

كثير من الناس يسأل دائما عن السوناتا أو يحتار بين الصناعة الكورية واليبانية ،،، ودائماً نقرأ هذه التساؤلات !!


انا مريت بهذه التجربة وحبيت انقلها لكم وبكل المعلومات التي اخذتها وجربتها بختصار ....



قبل عامين تقريباً كنت ابحث عن سياره جديده وكنت محتار جداً بين السوناتا والكامري ،، سألت وبحثت كثيراً عن هذه السيارتين لم أجد اجابة شاملة وكافية ، لكن توصلت الى :

ان الصناعة اليبانية لها جودتها وسمعتها بين الناس ( ولها مبيعه ) .
ان الصناعة الكورية ذات جوده متوسطه وسمعتها لها مؤيد ومعارض ( ومالها مبيعه ).

بعد البحث الطويل والاسألة ، قلت ابتوكل على الله واخذ السوناتا لميزتين فقط ،،

الاولى / رخص السعر والقطع ..
والثانية / مميزات عالية حتى في الستاندر منها .


والحمد لله اخذت سوناتا ٢٠١٨ ستاندر وابنقل لكم مميزات وعيوب السياره وبعض الصعوبات والعقبات لهذه السياره :

اولاً : المميزات ،، السوناتا الجديده وزنها ٢ طن وتعتبر اثقل من الكامري ب٥٠٠ كيلو لانها الكامري وزنها ١٥٠٠ كيلو وهذا يفيد في رساوة السياره ولكن يأثر على العزم قليلاً.
عزل الصوت جيد جداً ،، مميزات رائعه في الستاندر مثل مثبت السرعه و الحساسات والكاميرا الخلفيه ،، جنوط كروم ،، بساطة التصميم والصيانه .


ثانياً : العيوب ،، ضعف العزم ،، لابد من الاستمرار في جدول الصيانه لان القطع الاستهلاكيه ضعفيه مثل فلتر الهواء والمكيف لازم يتغير باستمرار كل بعد ٢٠ الف تقريباً والا يتلف بسرعه ،، الوكاله مبالغه جداً في اسعار الصيانه ،، الوكاله ايضاً تلزمك بأن تعمل الصيانه عندهم لكي لا يتم الغاء الضمان نهائياً .وانا بنفسي سألت وجلست مع مدير الصيانه في وكالة يوسف الناغي ،،
السياره تحتااااااج لسائق هااااااادئ لان المكينه ضعيفه اذا كانت رجلك حاره ماطول معك ،، الزيت لابد تغير لزوجه قليله مثل ( 5w30 & 10w30 ) ،، السياره تحتاج واحد مهتم يغير كل شي بانتظاااااام من زيوت وفلاتر وغيرها ..


لو تدقق في العيوب تجد ان اكثر الناس ماله ومال القروشه يبي يغير اي قطعه اذا تلفت مباشره وهذا الي عودنا عليه الصانع الياباني لكن الكوري لاااااا تبي سياره تعيش معك اهتم بكل شي في وقته لان القطع مصممه كل شي له وقت معين..



ولا ننكر ان التنافس الان بين الشركات اصبح ملحوظ وكل صناعه لها جودتها وسمعتها..


نصيحه اخيره / الاهتمام باصيانه الدوريه الاستخدام العادل والهادئ هو المعيار الاهل لجميع السيارات وبالاخص السوناتا ( الصناعه الكوريه ) .


ودمتم بود ^_^

إبلاغ

الردود