أضف سؤال أو موضوع جديد          

حل جزئي مشكلة قساوة النترا فل كامل جلد 2017

up 15 down 25
ساهر الليل. 122
قبل شهر و أسبوع



مساء الفل ع الجميع
طبعا مراتب النترا الجلد كأنك جالس فوق حجر
يعني ماهي مثل اي سياره مراتب جلد عادي
الخطوات تغير مرتبة السائق من التشليح تاخذها قماش
تكلفك من 100 الى 150 وقت التركيب افصل اصبع البطاريه السالب
وافصل الفيش تخت المرتبه كبس واشتر العده الخاصه لفك
المسامير اذا المسمار محجر عطه 3 ضربات بشاكوش ثم ابدا فك
2 غير جنوط السياره الى 15 اصليه كوريه وحجم الكفرات عرض 205
ارتفاع 65 خذ نوع كفرات جيد انا خذيت دانوب او دنلوب
حساسا هوا الكفرات ينقل عادي بدون مشكله النتيجه بعد هذي التغييرات
السياره صارت اريح ع الخط والمطبات
قومة السياره صارت ثقيله نوعا ما
الفرامل تكون اضعف من السابق
وقت الامطار اعتبر سيارتك تريله ولاتسرع
لان ممكن تهج بك ايضا مع المنعطفات لاتسرع
بيكون صوت الكفر مرتفع نسبيا
استهلاك الوقود راح يزيد اكثر من السابق
الاذرعه بتحتاج الى صيانتها كل فتره
بتعرف اذا صار فيه رجه بالسياره
هذي الطريقه مفيده خاصه لمن يعانون من آلام الضهر
الكثير يجيه آلام بضهره ويروح مستشفيات مايعرفون السبب
مايدري إن سيارته الكلبيه هي السبب
لذلك من بيشتري سياره يبعد عن السيارات الصغار
خاصه اذا كان يمسك خطوط
عليكم بالسيارات الكبيره افضل كامري مازدا 6 وغيرها
بستثناء السوناتا ملكة تخبيط المكاين
وتحياتي للجميع ارجوا التقييم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك طيب وشكرا عالنصيحه 

لكن دام بتسوي كل هالحوسه ليتك اخذت نص فل وارتحت 

وبالنسبه لي السيارات الصغيره العمليه مو مستاهلها تاخذها فل 
ستاندر او نص ويكفي
اقصد النترا وكرولا ويارس واكسنت وكذا 
لان انت بتكد ما بتتدلع فيها 

اهم شي حجم المكينه 

وفعلا الجنوط الصغار اريح بكثييير 
حتى بالسيارات الكبيره يوكن وكذا 
جنط ٢٠ قاسيه حيل وجنط ١٧ ماتحس ب شيء 


up 8 down 2
m7md 33 780
قبل شهر و أسبوع



ماكنت ادري والله بيصير هالفلم لكن صار اللي صار


up 8 down 6
ساهر الليل. 122
قبل شهر و أسبوع



فعلاً ركبت انا النترا فيها مراتب جلد ٢٠١٧ وقاسية ونفس الكلام الفيلوستر ٢٠١٤ تجي جلد ونفس نوعية الالنترا قاسية، اريح مراتب جلد بالكوري ازيرا


up 2 down 0
hossam 6724 293
قبل شهر و أسبوع



باالله عليك اخذ موتر فل كامل واقعد ارقع فيه اغير مراتبه واحوس فيه واركب جنوط 15 ابيعه واشتري ستاندر احسن لي  فيه حل انك تخفف المطب او القساوه تغير الكفرات الي عليها بكفرات ارفع كذا معقول امااقعد اغير جنوط ومراتب سلامات 


up 7 down 3
fhody44 458
قبل شهر و أسبوع



فهودي كلامك سليم لكن السيارات المستخدمه ماهي مضمونه
وش الفايده اخذ تساندر وبالنهايه الصياره كانت تالف وتم تصليحها
بكذا اكون مقاول الصناعيه لا والله ابقى ع سيارتي اصرف
واذا جيت ابيعها ارجع الجنوط والمراتب مكانها


up 1 down 3
ساهر الليل. 122
قبل شهر و أسبوع



ياخوي السيارة صارت كلبيه من لعبك فيها الله يصلحك

يعني عشان احل مشكله اجيب 10 غيرها بلاها مانبيه

حلها حزام ظهر عريض من الصيديليه شد ظهرك فيه اذا وراك سفر


up 6 down 1
fanar1 639
قبل شهر



- مو كل مقاعد قاسية معناها غير صحية للظهر. لو رحت المستشفيات قسم الاصابات الخطيرة كلها سراير وكراسي قاسية. مستحيل تشوف كراسي تغوص فيها مثل الامريكي ( اللينكون و الكاديلاك والمراكيز) المريح ما يعني انه صحي. 
- الاضرار اللي راح تصير في السيارة اكبر من نفعها. 
- في طريقة ابسط وهي تغير الحشوات الداخلية اسمها cushion تطلبها من النت من شركات متخصصة و في محلات تبيعها، ومايتغير شئ في شكل المقعد نفس جلد بلدة، اما اني ارقع السيارة هذه صعبة. 
ولو لاحظتوا السيارات الالمانية عادةً تكون اقسى من الامريكي مع اختلاف مواد التصنيع. 


up 10 down 1
dell2012 848
قبل شهر



حليت مشكلة وحدة وسببت مشاكل كثيرة .. على ما قالوا كلن بعقله راضي
تحياتي لك


up 2 down 0
sauaad 71
قبل شهر