بعد كم كيلو يتغير زيت القير

تغير الزيت فقط ATF SP IV
أحد الأصدقاء أول تغييرة سوناتا بعد 190 ألف ، والحين السيارة ماشية فوق ال 300

المهم تشتري الزيت من الوكيل

وتغيره عند أقرب بنشري أو ورشة متخصصة

شغل اليد لا يزيد عن 50 ريال ، وممكن يقبل 30 ريال

تحتاج 4 أو 4.5 لتر غير متأكد

والأفضل إنزال الزيت السابق وقياس كميته ووضع نفس الكمية

واستخدام السيارة بهدوء لألف كيلو

لا تحتاج إلى تغيير فلتر القير ولا يتغير إلا في حال التوضيب لا قدر الله

عزيزي على حسب القير

القير التماتيك الافضل بعد 60 الف

القير cv بعد 100 الف

القير العادي مالي علم فيه

والافضل تاخذ الزيت من الوكاله واقرب بنشري يكون متمكن يغير لك الزيت

وبعد التغير تكون سواقتك هاديه

وفقك الله

بالنسبة لقير السوناتا غيره كل ١٠٠ الف او ٨٠ الف لانه زيتها long life الجيل الرابع عمره طويل وممشاك حاليا مناسب للتغيير

لو ما سويت برمجة تجي نتعة

مع احترامي لجميع الاخوة المجتهدين بعض كلامهم فيه غلط
وافضل شي تستشير هو كتاب دليل المالك

حسب كلام دليل المالك المخصص للسيارة وتقدر تفتحه وتشوف القسم رقم 7 صفحة رقم 10
مكتوب بالجدول زيت ناقل الحركة الأوتوماتيكي لايلزم الفحص او الصيانة


وفي القسم 7 صفحة رقم 12 مكتوب يتغير زيت ناقل الحركة الأوتوماتيكي كل 100 الف كيلومتر
بشرط تنطبق عليك شروط ظروف القيادة القاسية وهي كالتالي:

A : القيادة بصفة متكررة لمسافات قصيرةة أقل من 5 أميال (8كم) في ظل
درجات الحرارة المعتادة أو أقل من 10 أميال (16كم) في ظل درجات
الحرارة دون الصفر.

C : القيادة على الطرق الوعرة أو المتربة أو الموحلة أو غير المعبدة أو التي
ينتشر بها الحصى أو حبيبات الملح.


F : القيادة في مناطق الازدحام المروري في درجة حرارة تزيد عن
32 درجة مئوية.


G : القيادة على المنحدرات صعودا أو هبوطا، أو على الطرق الجبلية بشكل
متكرر


I : قيادة سيارات الدورية أو سيارات الأجرة أو السيارات التجارية أو قطر
المركبات.



اذا انطبق عليك إحدى هذه الشروط لازم تغير زيت القير كل 100 الف كيلومتر واذا ما انطبق عليك شي.. فما يحتاج تغير زيت القير


هذا وصلّ الله على نبينا محمد وعلى آله وصحبه أجمعين

وش اللي ما يتغير تبي القير يخبط

مشكله فيه ناس ماادري كيف تفهم اللي يقرا ردي صح بيفهم كلامي..
اولاً المنتدى ليس محتكر للسعودية فقط فيه ناس من دول ثانيه تستفيد منه
ثانياً انا اعطيت نظره عامه عن كلام المصنع مهو كلام من راسي

الظروف هذه تنطبق تقريبا على 99% من مناطق المملكه

يعني لازم يتغير زيت القير على ممشى 100 الف كحد اقصى

يا حبيبي خذ الكلام الاكيد وركز معي من تجربة 
اول شي تغييره مثل تغيير زيت المكينة جدا بسيط وتقدر تغيره بنفسك اذا تبي 
الشي الثاني اشتر ٤ علب من الوكالة  ATF SPIV العلبة الزرقاء ولو تكتب فقوقا بيطلعلك صورته
تقريبا العلبة فالوكالة حول ٧٠ وبرا حول ٥٠ لكن خلك عالوكالة اضمن 
فك سرة القير من تحت وخله ينزل كامل ونظف السرة ببنزين من الرايش لانها مغناطيس 
تعبئة الزيت من فوق صامولة بلاستيك تفكها وتعبي الزيت 
( كيف تعرف كم الكمية والعيار  اوقف عند البطارية جهة الشمعة اليسار وانظر جهة القير تحصل غطا اسود راكب في جنب القير هذا حول عيار الزيت فك الغطا وعبي الزيت الين يطلع الزيت من الغطا حق العيار قفل غطا العيار وقفل غطا التعبئة )ومبروك عليك ولاتشد على السيارة فالبداية 
وترا ماتاخذ الاربع علب كاملة بس اشتر الرابعة احتياط 

وبدون فلتر التغيير الفلتر داخلي ويتحمل ولا يتغير الا مع التوضيب على كلام الوكالة 

وبالنسبة لبترومين سبق ورحتلهم بغيره عندهم اجباري تغير من نفس زيتهم وسحبت عليهم

بيض الله وجهيكم جميع ،، مشكورين وما قصرتم