النترا والتوسان

شفت توسان تقيمه للاستهلاك للأسف ع ماذكر سيئ
وأيضا مع اخوي ٢٠١٨ النترا
يشتكي من استهلاك الوقوود
مكينه ٢٠٠٠
والاخوه يفيدونا اكثر اهل الخبره

يارجال التوسان يقلون يصرف بنزين والانترا يقلون تصرف والسوناتا تصرف لاتسمع كلام الناس اناتوي مشتري سوناتا 2019 قبل لااخذها كلن يقول تصرف بنزين انحش والله واستئجرها يومين واجربها والله الموتر مايعرف الصرفيه اكيد فيه مواتر اقل صرفيه منه بس الموتر مايصرف الفل اعبيه 73 ريال يمشيني 700 كيلو داخل البلد اشوف صرفيته ممتازه جدا الحمدلله لها الحين معي قريب الشهر مرتاح جدا معها 
امابخصوص تاخذ التوسان ولا الانترا هذا الخيار راجع لك تبي موتر رفيع وكبير خذالتوسان تبي صغير هذلك النترا بخصوص قطعهم كلهم متوفره الهيونداي بشكل عام قطعه متوفره بشكل كبير اماالاسعار يفيدونك الشباب ان شاءاالله 

سلمك الله
يهمني الفرق في الوقود والعزل هذا أهم شي

خذلك فرة علنيسان اكس تريل تراه ممتاز :) واستهلاكة متوسط بفضل قيرCVT وعلفكرة التوسان يجي في امريكا قير دبل كلتش 7سرعات
واظن تقريبا كل قيور هيونداي هي دبل كلتش (تاكد من الوكالة)

لان قير الدبل كلتش مختلف عن القير الاوتوماتيكي التقليدي والتنتيعات فيه دايم تصير اذا غيرت اسلوب سواقتك (يعتبر طبيعي)

هذا وبتوفيق واذا تحب القيور التقليدية عندك الراف فور انتظر صدور الشكل الجديد

عندي توسان الشكل الجديد مكينة ٢٠٠٠ سي سي. الفل يمشيك تقريبًا ٧٨٠ كم (الاستهلاك حسب العداد ١٤.٥ كم \لتر). استهلاكها ممتاز جدًا داخل المدينة وعلى السرعات الأقل من ١١٠. في الخطوط السريعة وعلى السرعات العالية استهلاكها عالي جدًا. عزلها ممتاز مقارنة في فئتها. اذا استعمالك داخل المدينة فخيار ممتاز اذا خطوط سريعة ففيه خيارات أفضل (قد تكون مكينة ٢٤٠٠ أفضل في الخطوط السريعة).

بالفعل كنت ناوي على توسان
بس دوامي خط غير نهاية الاسبوع
مكينه 2000 ما تجمل و تصرف مع السرعه و التجاوز
فضلت عليه راف فور و الحمدلله مع انه اذا شغلت وضع التوفير eco mode
يحد من عزم المكينه نظام لتوفير الاستهلاك
اللي استعماله دايم خط قير CVT اوفر و انعم
بس احرص على تغيير زيته و لا تتسارع بقوة او تدعس له يحتاج تدرج

١٤٠٥
كان معك باجيرو اخباره

راح تالف من زمان الله المستعان
مشكور على سؤالك
خلاص سامحتك بس لا عاد تسب في النيسان هههههه

ههه. ابشر النيسان صديق الإنسان من زمان

الله يعوض عليك باطيب منه والحمدلله ع السلامه
صراحه بيني وبينك الموتر الجديد اذا تأجير لاقدر الله صار شي
التأمين يفكك من خسارته ع الاقل ياخوك تطلع بربع الخساره
وأيضا التأمين يفكك بإذن لله من الطرف الثاني

والراف فور ماشاء الله مبروك الله يعطيك خيره ويكفيك شره
ممممتاز

امين الله يجزاك خير
الدفعة الاولى راحت ٤٥٠٠ ريال
رجع منه الفين بعد شهرين معاملة و اعفوني من بقية الاقساط
الراف فور بدون دفعه و قسطه حليل حدود ١٤٠٠

النترا صرفيتها ممتازة لكن  منافساتها أقل صرفية منها مثل الكورولا وبشكل عام الهيونداي تصرف أعلى بقليل من التويوتا  وأما أسعار القطع ف النترا أرخص ومتوفرة بكل مكان وكذلك الأكسنت  وصيانتها سهلة على الورش   وأما عزل النترا فلا بأس  مقبول وأنا أتكلم  عن السرعات المنخفضة أما العالية فلا أعلم 

النترا صرفيتها ممتازة لكن  منافساتها أقل صرفية منها مثل الكورولا وبشكل عام الهيونداي تصرف أعلى بقليل من التويوتا  وأما أسعار القطع ف النترا أرخص ومتوفرة بكل مكان وكذلك الأكسنت  وصيانتها سهلة على الورش   وأما عزل النترا فلا بأس  مقبول وأنا أتكلم  عن السرعات المنخفضة أما العالية فلا أعلم   وأما الإختيار فهو راجع لك  السيدان مريحة وللبلد وصرف أقل والكروس أوفر قريب منها وتصلح شوي للبر بحكم وجود الدبل  ولكن على خفيف  وصرف أعلى للوقود .