أضف سؤال أو موضوع جديد          

محتار بين اكثر من سيارة

up 2 down 0
ab77od 6
قبل شهر



السلام عليكم
محتار بين اكثر من سيارة
امبالا ستاندر
كونا فول كامل
ماليبو نص فل
ميتسوبيشي اكليبس كروس فل كامل

المواصفات في الكونا والميتسوبيشي افضل بكثير لكن يعيبها المكينة الصغيرة والحجم الصغير
الامبالا وسيعة ومكينتها افضل لكن مواصفاتها اقل
الماليبو متوازنة فيها موواصفات حلوة ومكينتها اقوى من الكونا والاكليبس
وكلهم اسعارهم بحدود الثمانين الف ولا اقدر ازيد اكثر من كذا

ايش تنصحوني مع اني اميل للكونا لكن طفشت من هونداي اخذت من قبل النترا و سوناتا
والامبالا جيدة لكن ناقصة بعض المواصفات اهمها فتحة السقف







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


امبالا ستاندر >> افضلهم كمكينه لانها 6 سلندر وبرضه وسيعه ومريحه بالخطوط
كونا فول كامل >> شكلها جميل جدا وحلوه وميزتها مرتفعه طبعا عن الامبالا لكن يعيبها مكينتها صغيره
ماليبو نص فل >> الماليبو حلوه ومكينه افضل من الكونا واقل من الامبالا لكن كقطع غيار راح تتعبك شوي او تلزمك بالوكاله بسبب عدم انتشارها وحجمها اصغير من الامبالا طبعا
ميتسوبيشي اكليبس كروس فل كامل >> مع احترامي شكلها جدا مستفز وخاصه الخلفيه ويعيبها قطعها غاليه ومكينتها صغيره والكونا افضل بمراحل من كل النواحي ...

لو حددت استخدامك للخطوط او اليومي او عدد افراد العائله واعمارهم كان ساعدناك اكثر لانه في تعارض بالاختيارات لانه سيدان وجيوب صغيره ... شوف المازدا cx5 كخيارات ممكن لكن للامانه ما اعرف سعرها لكن اعتقد تقدر تقارن بالسيارات اللي محتار بينها واهم استخير الله وجرب السيارات من الوكاله قبل الشراء


up 2 down 0
camaro28 768
قبل شهر



وعليكم السلام

استخير قبل كل شيء وشخصيا ارشح لك الكونا او ميتسوبيشي بالنسبة للشفر ابعد عنه لاني ماشوفه افلح بغير التاهو والله اعلم


up 1 down 1
yahya alajlani 616
قبل شهر



وعليم السلام ، نصيحة لاتنسى قارن بين اسعار قطع الغيار اذا ميزانيتك ووضعك المادي محدود
ومبروك مقدما والله يعطيك خيرها ويكفيك شرها
تحياتي لك.


up 2 down 0
hofo 215
قبل شهر



وش فايدة مواصفات فول و الا حتى عدس كامل
و سيارة ضيقة يعني تاخذ توسان نص فل افضل من كونا فل كامل
او عندك اكستريل او راف استاندر اكبر مكينه
هذي مقارنة الكروس اوفر فئة الجيوب و كلها ما تصرف بنزين
اما السيدان الماليبو فئة و الامبالا فئة
يعيب الشفروليه السيدان قطع الغيار سواء خارجي او حتى استهلاكي
فقط بالوكالة و السعر مرتفع و ممكن الثنتين يتوقف انتاجهم
كل سيارات السيدان و نزلوا بليزر شكل جديد كروس اوفر
في امريكا بنفس مواصفات الامبالا
و الماليبو في افضل منها كثير

٨٠ الف مبلغ طيب الله يبارك لك
وسع خياراتك مر كل الوكالات و شف اعلانات المعارض بالموقع
فكر بكل احتياجاتك مستقبلا"
من تجربة جيب لو بدون دبل كروس اوفر افضل من السيدان
اوسع من داخل مرتفع عن الارض و الشنطة تنفع لتحميل الاغراض
اذا ببالك سيارة سيدان اشتري اقل فئة و سيارة معروفة و موفرة
ممكن تطفش منها تحصل بيعه لها ما تتخسر كثير
عندك التيما نص فل او مازدا 6 الباقي اغلى من 80
فتحة السقف جربتها فترة شوي تستعملها ثم تنساها علطول
اذا تبغى فل كامل بفلوسك شف الشانجان و غيره من الصيني
بس مغامرة احسب حساب كل شي و الله ييسر امرك


up 2 down 3
1405-1985 1174
قبل شهر



ارشحلك الامبالا


up 0 down 0
rashidy 439
قبل شهر



نصيحة ابعد عنهم وفكر بشي غيرهم او اذا مضطر خذ امبالا شبه وكاله فل كامل 


up 1 down 0
sultan1010 4
قبل شهر



انا اقول لوتعيد النظر وتشيل تفكيرك نهائيا عن الامبالا والماليبو يكون افضل ، خلوصها الارضي نازل وماتتحمل كثر الحفر والمطبات اللي عندنا ، هذا بالاضافه الى ان منتجات الشفر بشكل عام كثيرة المشاكل والاعطال خصوصا الكهربائيه منها ،

الافضل من وجهة نظري اذا تبغى سيارات حقت كرف وتحمل وتعيش معك صح ارشحلك الاتي :
1- هيونداي توسان
2- هيونداي كونا
3- تويوتا راف فور

وفيه خيارات ثانيه طبعا بس هذه الافضل من وجهة نظري من ناحية الانتشار والتحمل وتوفر قطع الغيار وخدمات مابعد البيع وما الى ذالك
وبالتوفيق مقدما


up 0 down 3
bakeetdo99 49
قبل شهر



كونا هذي اللي مدري وشي بسعر توسان و اصغر من كريتا ضيقه
و الكريتا باقي تنزل احسب الكونا بديلة لها


up 0 down 1
1405-1985 1174
قبل شهر



اولا واخيرا شف الي ترتاح له نفسك .. والي يعجبك ويعجب اهلك 

من ناحية كونا احس شكلها يرفع الضغط ولا احس انها بتستمر لان نزلت حاليا ولا انتشرت بقوه مثل باقي المواتر 
والشفر طيب بس قطعه ويبيله عنايه 
المتسبيشي مواترهم ممتازه يابانيه اصليه ، لكن القطع وتوفرها هو العيب 
يعني اذا استخدامك هادي وداخل مدينه ومتوفره القطع فيها موتر ممتاز 

واذا تبي غير من اللسته الي قلت 
عندك التوسان نص فل موتر حلو شكلا ومواصفات وقطع وكل شيء 

وعندك الي اطلق منه راف فور خليجي فل كامل تلاقيه باعلانات حراج ٢٠١٨ 
يجي جلد فتحه خرايط بصمه شنطه كهرب ووو سعره مع الضريبه ٨٨ الف
موتر ممتاز جدا جدا يكفي مكينته وقيره كامري 
بس بيتغير ٢٠١٩ 

وعندك التيما نص فل تطلع مع الضريبه ٧٠ 
جنوط ومثبت وبصمه وتشغيل عن بعد 

استخير ربك وخذ لفه عليهم وربي بيسرلك الصالح

وبالتوفيق


up 1 down 0
m7md 33 780
قبل شهر



اذا ناوي على الكونا فيه نوع مكينه تيربوا شفتها عند الناغي ما شاء الله والعزم اذا يهمك العزم فهي اقوائهم وتقدر تشوف تسارعها باليوتيوب


up 0 down 0
alshehri1985 20
قبل 4 أسبوع و يوم



انصحك في امبالا، أفضل من الافالون ٢٠١٩ بالعزل والثبات والرساوه
ولو على فتحه السقف صدقني معي ماليبو مافتحتها الا مرتين مره بالوكاله عشان الاستلام قبل شهر والان لها ٤ شهور ولا فتحتها، ارشح لك الامبالا مافيه مقارنة اصلا بين الخيارات


up 1 down 0
hossam 6724 293
قبل 4 أسبوع و يوم