أضف سؤال أو موضوع جديد          

رايكم بخصوص السنتافي 2018 او هل فيه بديل اخر

up 1 down 0
rashed1559 4
قبل 3 شهر



السلام عليكم ورحمة الله

اخواني احتاج مشورتكم ( للي عندهم خبرة في استخدام السنتافي )
بحكم اني طلعاتي للبر متوسطة وابو عائلة والميزانية 100.000 واقساط من بنك
استفساري
1- صرفية الوقود ( بحكم ان البنزين ارتفع سعره ويمكن يزيد في المستقبل )
2- تحمل السيارة
3- راحة الداخلية والعزل الخارجي
4- اسعارها بعد البيع
5- افضل وكيل لها
6- هل السيارة تصلح للبر او لا من حيث قوة الدبل
7- سعر قطع الغيار والصيانة عند الوكيل ؟؟
8- هل يوجد بديل اخر حول سعرها

وللمعلومية انا محتار بينها وبين الاكسبلور والفورتشنر

فما رايكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اهلين
من منضوري الكيا موهافى فيها المواصفات الاتبيها خصوصا بالبر وارخص
بس فيها قساوه ( غير مريحه)
السنتافى اريح


up 1 down 0
رضا يوسف 1545 42
قبل 3 شهر



أنا جربتها فترة بسيطة 
العزل مقبول 
قطع الغيار الاستهلاكية معقولة غيرت قماشات أمامية ب ٢٤٠ وغيرت كراسي مساعدات أمامية الحبه ب ١٣٠ وغيرت بطانة كفر ب ١١٢ وكل القطع وكالة بالنسبة للبودي ماعندي خلفية عن أسعاره بس اسمع انها غالية 

سعر البيع : يطيح شوي وشف حراج ٢٠١٥ نص فل على ٤٥ وحولها 

صرفية البنزين الفل تقريبا من ٨٠ الى ٨٥ يمشيك حول ٤٠٠ كيلو داخل المدينة أشوف إنه يصرف شوي 

الدبل ممتاز فيه وأدائه جيد لاماكن الرمل الخفيفة الطعوس خذلك جيب 


up 0 down 0
mohammed shareef 973
قبل 3 شهر



رضا يوسف،، الموهافي يكسر الظهر ومتعب سيارة قوية بس عديمة الراحة


up 0 down 1
mohammed shareef 973
قبل 3 شهر



يعطيكم العافية ومنتظرين ردود باقي الاعضاء


up 1 down 0
rashed1559 4
قبل 3 شهر



السنتافي حلو
لكن من عيوبه يصرف بنزين مقارنه بالسيارت الي بفئته
قطع الغيار الاستهلاكية رخيصه لكن الاكسسوارات جدا غاليه
لكنه يتحمل الكرف وخدوم
الله يرزقك ما تتمناه ويرزق الجميع


up 0 down 0
alshehri1985 22
قبل 3 شهر



الاكسبلورر افضل من ناحية التكييف من فوق للركاب بالخلف
و الدبل فيه نظام تضاريس و ان كان دفع رباعي مستمر مثل السانتافي
بس كنه شوي مرتفع ينفع للبر على خفيف
و ايضا" المرتبة الكبيرة اكبر
مدري عن سعر الوكالة لو تننظر رمضان تنزل عروض لو على موديل ٢٠١٨
اما الشكل الجديد توه فقط اعلان بينزل ٢٠٢٠ و بيرتفع سعره فوق
بالمعارض اذا حصلت جديد خليجي لو مخزنه سعره معقول استاندر دبل ب١٠٠

السانتافي الجديد اذا بتشوف اربع سلندر ب٩٥ بالمعارض و الست ب١٠٥
اما شكل ٢٠١٨ ضيق و خلاص انتهى و اذكر كم موضوع نزل في عيب طقة بالقير او نتعه

اما الفورشنر فئة ثانيه دفع خلفي و الدبل اقوى حق بر و ما تخاف عليه
غير مريح للخط و للعائلة النزول و الطلعه منه يتعب
و غالي و يصرف بنزين الاربع و الديزل بسعر الست سلندر !
و ان كان الافضل بسعر اعادة البيع مطلوب اكثر من الراف فور و ان كانوا كلهم تويوتا


up 1 down 0
1405-1985 1097
قبل 3 شهر



ماعندي تعلق الا اقول لك ترى الان الوضع اقتصاد يعني لازم تحسب حساب كل شي ماتدري عن المستقبل قبل كل شيء لازم تستخير الله سبحانه وتعالى قبل كل شيء ...


up 1 down 1



سيارة جميلة سنتافي لكن تصرف حسب استهلاك الوقود
اذا تقدر تزود تاخذ مازدا cx9 لكنها ماتنفع للطعوس سيارة عملية وعائليه



up 0 down 0
14040 9
قبل 3 شهر



تحمل فورشنر راحة ابعد عن فورشنر سعر بيع فورشنر بر اكيد فورشنر


up 0 down 0
mfh2009 261
قبل 3 شهر



من الخطأ ان تدخل الفورتشنر في المقارنة او البديل
عن السنتافي هذا فئة تختلف تماما عن السنتافي من فئة
الاوف رود متعددة الاستخدام تعتمد على منظومة الدفع الخلفي
الاساسي الذي يتحول للدفع الرباعي بالتحكم.
اما السنتافي من فئة الكروس اوفر التي تعتمد على منظومة
الدفع الامامي الاساسي المتحول للدفع الرباعي بدون تحكم السائق
ويغلب عليه سيارة مدينة اكثر من سيارة متعددة الاستخدام
من هذه الفئة تقارنه مازدا cx9 هوندا بايلوت نيسان باثفيندر
كيا سورينتو وغيرها.


up 2 down 0
رعد 4 3223
قبل 3 شهر



الفورتشتر موتر كرف قاسي رساوه وسط
قطع التويوتا معروف غالي حتى يارس
لكن موتر يعجبك قليله صيانته وكفو
انحش ع٤سرندل
انحش عن بدون دبل
انحش عن القير العادي
موفق


up 0 down 0



يعطيكم العافية جميا

بخصوص رد الاخ : 1405 :
افهم من كلامك تنصح بالاكسبلور اكثر من السنتافي
طيب وش افضل 2018 او 2019 برايك وهو يصرف بنزين




up 0 down 0
rashed1559 4
قبل 3 شهر



الصرفيه مر الوكالتين قارن بينهم و الاسعار من المعارض ارخص
و تحصل اكثر المعارض في مندوبين للبنوك للتقسيط
قارن الاكسبلورر الموجود حاليا" و بيتغير ٢٠٢٠
و السانتافي الجديد ٢٠١٩
و شف المازدا CX9 الجديد و ان كان ضيق و نازل و التكييف امامي بس
و اللي بدبل غالي لازم فل كامل الاستاندر ب١٠٥ مع الضريبه بدون دبل و لازم تنتظر



up 1 down 0
1405-1985 1097
قبل 3 شهر



اذا تحب تروح على الورش اشتري فورد اكسبلور


up 0 down 0
moathqaisiyah 179
قبل 3 شهر



السنتافي ماقد جربته لاكن مع قريبي ومبهذله ومافيه شهر الا وهو في الوكالة
والله نصحناه بالفورشنر لكه غااااااااااااالي


up 0 down 0
has5san 97
قبل 2 شهر و 4 أسبوع



حيرتونا يا جماعة الخير

الحين بديت اتجه للاكسبلور الجديد , ومن ردودكم هونت
نبي سيارة عائلية 6 سلندر ولا تصرف بنزين


up 0 down 0
rashed1559 4
قبل 2 شهر و 3 أسبوع