أضف سؤال أو موضوع جديد          

هل من الممكن تفتني رنيو فولكس واجن فولفو بيجو

up 1 down 1
امير الاصيل 1665
قبل 4 أسبوع



السلام عليكم ورحمة الله وبركاته
يا اخوه دردشه بسيطه
هل احد اقتنى سيارات اللمانيه. فرنسيه
مثل الرنيو
الفولكس واجن
فولفو
بيجو
جاكورا
نسمع ان فيهم ميزة الرساوه والثبات والتقنيه العاليه
هل من الممكن تفكر تقتنيها
انا اتمنى اجربهم لكن المكان اللي انا فيه الدارج فيه
هونداي
تويوتا
فورد
وغيرها من الماركات
بكثره عندنا
غيرها مافيه
لكن مثلا في الغربيه اشاهدها بكثره














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


أنا مستعد أقتني أي سيارة اعتمادية يكون وكيلها جيد موفر صيانة جيدة وقطع غيار بأسعار مقبولة

أما الوضع الحالي مع الوكلاء وجشعهم غير مشجع ابداً


up 1 down 0
أبو عبادة 4397
قبل 4 أسبوع



كان عندي فولكس واجن باسات من زمان وكانت بصراحه اكثر من ممتازه من ناحية ثبات وراحه وفخامه لكن وكيلها سيء جدا.
وصراحة مشكلة الوكلاء ما لها نهاية وتكرهك في السياره حتى لو كانت ممتازة. 


up 2 down 0



الرينو اكثر سيارتهم نسخة نيسان و نفس القير CVT
و اغلى سعر و الصيانة و القطع عند الوكيل فروعه قليلة
الباقي بتتوهق فيه و حتى بسيارات فخمة مستعملة تحصل سعرها معقول
مثل الاودي لكن تتعبك المرسيدس من ناحية الصيانة و القطع اخف شوي
و ان كان اكثر الشعب على السيارات المنتشرة ما بين انتاج اليابان و كوريا ممكن الصين


up 1 down 2
1405-1985 1174
قبل 4 أسبوع



كان عندي بيجو يقلعها من سيارة وش فايدة فخامة دون العملية


up 4 down 0
mfh2009 244
قبل 3 أسبوع و 6 يوم



تستاهلون لايك جميعا
نعم ابو عباده. ابو عبدالله الوكيل مهم بنتشار السياره
شف هونداي ٣ وكلاء توفر قطع ومثلها تويوتا


صدقت اخوي ١٤٠٥. الرنيو تبع نيسان
انا لاحظت الفلفو عليها فخامه خرافيه لكن الصيانه وعدم توفره والغلا
وأيضا البيع لاحقا يخليك تاخذ موتر افضل حتى لو الفخامه والرساوه وسط



up 0 down 0
امير الاصيل 1665
قبل 3 أسبوع و 6 يوم



سيارات حلوه واسعارها المستعملة مغرية جدا بصراحة لكن للاسف الصيانة قليل من يستقبلها من الورش في الصناعية والوكالات صيانتها غاليه ومكلفة واذا انت استخدامك خفيف توكل على الله اما اذا مشاويرك واجد نصيحة أبعد عنها . انا عندي فولكس واجن كشف لكن أستخدمها قليل جدا وليس بشكل يومي وامورها الحمدلله تمام


up 0 down 0
abofarah 1026
قبل 3 أسبوع و 6 يوم



جميعها سيارات ممتازه عدم انتشارها عندنا بسبب الوكلا عندنا قطع غيار مبالغ فيها واذا وديتها ورشه محد يفهم فيها يرفضون يشتغلون عليها قطع غيارها متوفر فى الوكاله فقط عكس السيارات المنتشره عندنا مثل هيونداي وتويوتا وكيا فورد الخ..  
السلبيه الثانيه عند البيع مثلا شريتها 100 الف تستخدمها 5سنوات اذا جيت تبيعها زين اذا جابت لك 20 الف اكسسوراتها غير متوفره مثلا تبي تركب شاشه عليها اوتضيف اكسسورات ماراح تحصل محل يجيبها لك اماالمنتشره عندنا اكسسواراتها بكل مكان بغيت قطع من التشليح ماراح تحصل واذا حصلت بيستغلك عشان مافيه الى هوعنده السيارات هذي معروفه فيها تقنيات عاليه ورساوه وثبات وعمليه لاكن يصلح تستخدمها فى الدول الثانيه موعندنا هنا بسعوديه 


up 0 down 1
fhody44 458
قبل 3 أسبوع و 5 يوم



سيارات عادية جدا والناس معطينها سمعة فوق المعتاد ، أخوي اشترى جيب طوارق قبل ثلاث سنوات موديل ٢٠١٢ ماشي سبعين أول ماجابه ماشاء الله موترجميل وراسي ومتماسك ديكورات أول ما جابه وسقته قبل فترة مثل اي سيارة اصوات ديكورات وعادي جدا وقطع غيار ناار كرسي الراكب خرب الكمبيوتر فيه مكلف ١٥٠٠ بدون شغل اليد مساعدات الشنطة هيدروليك بحوالي اربعة آلاف مكلفه جدا جدا لاتبتعد عن الماركات المعروفة جمس تويوتا هونداي فورد حتى الكيا صياناتها سهلة وجميلة،، وعلى فكرة جربت الي اكس 9 قبل فترة أفضل منه في تماسك الديكورات بس عيبها عزلها زباله وكل سيارة لها مميزات وعيوب ، حاليا اشتريت أوتلاندر 2019 مكيف خلفي وشكله ماهو مطول بسبب ال CVT أسوأ قير في العالم


up 1 down 1
mohammed shareef 965
قبل 3 أسبوع و 5 يوم