أضف سؤال أو موضوع جديد          

وش الحل يالربع فرييوووووووون

up 1 down 0
mody elsaadany 25
قبل 2 شهر و 3 أسبوع



يا جماعة الخير بالله احد يوجههني ف حل المشكله المزمنه :
المهم السنه اللي راحت سمعت صفير بالمكيف والفريون خلص , المهم رحت لبكاستاني قال يبغالك كمبروسر حصلت كمبروسر بالصناعيه جديد كان تقريبا ماليزي ب 850 ريال وعبي الفريون شهر ونص الا وخلص الفريون ثاني ونفس الصوت الصفير , طلعت ع الصناعيه حصلت يمني وعبيت فريون يقول امريكي اصلي , بعد شهرين نفس المشكله وفي كل مره كانوا ينظفون الدوره اول , المهم الحين حنا ع مشارف الصيف بجرب المكيف الا وحر خارج مافي بروده مرررررره , بالله ايش اسوي عشان اخلص م المشكله العقيمه ذي بدون توليف ما ابغي اولف ابغالي ورشة زين او احد جرب المشكله يدلني سيارتي النترا 2015 ماكينه 2000
اسف ع الاطاله







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا فني تبريد بالمدينه العسكريه .. 

الفريون مايخرب لو يجلس ١٠ سنوات .. 

مشكلتك فيه تهريب .. واذا الصفير تسمعه وانت بالسياره معناتها التهريب بالثلاجه تكون داخل بالطبلون 

واذا الصفير من برا معناته بالمواصير فيها تهريب افحصها عبها هواء مو فريون ضغط .. وحط صابون وسكر التهريب وبعدها عب فريون 


up 9 down 0
مشاااووير 144
قبل 2 شهر و 3 أسبوع



بقولك تجربتي مع سياره مختلفه
عندي فورد كروان فيكتوريا خرب على الكمبرسور
وكل شوي ابدله باصلي موتر كرافت
ويخرب

قلت اجرب اشتري من خارج السعوديه
شريت صيني والله افضل من حق الوكاله
والحمد لله صار له سنتين ونصف شغال

وركبت لاخوي عبى الفورد الثانيه والى الان شغال الحمد لله

نصيحه ابعد عن المنتجات اللي هنا
كل واحد يجيب اي شيء ويحط عليه كرتون الوكاله

خذ من خارج السعوديه افضلك



up 3 down 2
splinter cell 194
قبل 2 شهر و 3 أسبوع



الرجال مشكلته تهريب فريون مو كمبرسر يعني ماله علاقه اشترا من هنا ولااستورده من خارج السعوديه 
انااتفق مع صاحب الرد الاول مشاوير لى اني فعلا كان عندي كرايسلر وكنت اعاني من الفريون كل شهرين اعبيه طلع عندي تهريب فى الثلاجه الداخليه 


up 1 down 1
fhody44 580
قبل 2 شهر و 3 أسبوع



عندك تهريب افحص التهريب وصلحه بعدين عبي فريون وانصحك بفريون ساكو علبة ب١٥٠ ريال فريون ممتااااز


up 0 down 1
moathqaisiyah 179
قبل 2 شهر و 3 أسبوع



تراك استعجلت بتغيير الكمبروسرومادامكقلت تسمع صوت صفير هذا اكيد تهريب واذا خلص الفريون يدخل هوا من مكان التهريب ويسبب صوت صفير ،،، في منتج زي برواز الابرة تضغطه في مكان تعبئة الفريون بس لاتستخدمه الا اذامالقيت مكان التهريب بالضبط او اذاكان بالثلاجة وصعب اخراجها جربه ويضبط باذن الله


up 1 down 1
ابو حسين.......... 949
قبل 2 شهر و 3 أسبوع



التهريب يا من الثلاجه يا من لي الحار او من المواصير او من رديتر المكيف **** غيره انسى انسى

شيك عند واحد يخاف الله ويعبي عندك هوا بدون فريون ويشيك فين التهريب وراح يبان

لا تستعجل على اي شي

شاب راسي من خراب السيارات ولكن كل دقه بتعليمه




up 0 down 0
فـــ9ـــد 396
قبل 2 شهر و 3 أسبوع



لي الحار الغيه افظل لك
وبعدين شيك على التهريب ولا تعبي الى فريون امريكي اترك الصيني نهائي
ولمعرفه ضغط الكمبروسر خليه يشبك الساعه وشغل المكيف وطفيه اذا نزلت الابرة الي في الساعه معناته الظغط كويس
وشيك على الرمان البلي الي يركب عليه سير المكيف
وسلامتك


up 0 down 0
ابو وليد و رسيل 84
قبل 2 شهر و 3 أسبوع



يعطيكم الف عافيه يا شباب وشكرا لفزعتكم والله ، احكيلكم ايش سويت ع السريع
اخذت بالنصيحة وروحت الصناعية القديمه ادور واحد يفحص الكل اجمع علي واحد اسمه ابو حاتم علي ما اذكر سوي الفحص حقه ساعه يفحص واخد ٢٠٠ ريال فحص فقط
وفي الاخر قالي عندك التهريب بسبه جلب ، ابو ١٠ ريال ، المهم ركب الجلب وعبيت عنده فريون امريكي ١٢٠
اليوم صار القصه من شهر ،الا ونفس المشكله ومافي الا الهواء الساخن وصوت الصفير يرجع ثاني
بالله انا ابي صنايعي فاهم وأمين يا اخوان وربي زهقت...


up 0 down 0
mody elsaadany 25
قبل شهر و أسبوع