أضف سؤال أو موضوع جديد          

رجة خفيفه النترا18

up 0 down 0
saud_2992 1
قبل 2 شهر و 2 أسبوع



السلام عليكم 
ي جماعه عندي النترا ماشيه ٥٠ الف المهم وقت ما اشغل السياره فيه رجه خفيفه بالسياره ويوم اوقف على الD نفس الوضع رجة خفيفه ممكن يكون كرسي المكينه؟
 وفيه ايضا صوت قرقعه وقت ما اكون على طريق مو مستوي او ردميه والف يمين او يسار بنفس الوقت يطلع الصوت الي له خبره ي ليت يفيدنا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


دامها جديده يخوك ودها للوكاله ابرك
والله يعطيك خيرها ويكفيك شرها


up 0 down 1
adli3030 36
قبل 2 شهر و 2 أسبوع



كراسي المكينة عمرها طويل مستحيل تخرب على ممشى 50 الف
لاكن في طريقه تفحص كراسي المكينه اللي هي تفتح الكبوت
وتخلي احد يطالع في المكينه وانت خل القير بوضع D خلك
ضاغط على الفرامل وادعس بنزين بنفس الوقت
اذا شفت المكينة ترفس بقوه هذي كراسي مكينه
اذا تاكدت انها سليمه انتقل للخطوه الثانيه اللي هي احتمال
كبير انها هي السبب اللي هي حساس الدعسه
نظف حساس الدعسه Rpm والا غيره
اتمنى اني افدتك


up 1 down 1
abosaad702 5
قبل 2 شهر و 2 أسبوع



كراسي المكينه ماتخرب الا اذا كانت السياره قد جاها حادث قبل كذا في الوجهييه او على جنب او انك ماكل حفرة عميقه بسرعه عالية وتسببت في كسر او خلخله في كراسي المكينه ، لان عمرها مثل ماقال الاخ اللي قبلي طويل يمكن يوصل الى اكثر من 150 و 200 الف كيلو اذا حافضت عليها ،
عموما عشان ترتاح الافضل انك توديها الوكالة يشوفون سبب المشكله بالضبط لأن اسباب الرجه او نفضة المكينه كثيره وما يعرفها الا شخص متخصص في هذة الامور / احتمال تكون مسأله سهله مثل فلتر هوا وخلافه وممكن تكون اعمق من كذا بسبب حساس او بخاخات داخل المكينه يكون فيها خلل مسبب هذة مشكله ، عشان كذا انا اشوف ان الوكاله افضل حل او تشوفلك مركز متخصص في الهيونداي يكشفلك سبب المشكله
والله يسهل امرمنا وامرك ان شالله
وبالتوفيق


up 1 down 0
bakeetdo99 69
قبل 2 شهر و 2 أسبوع



ترا احتمال كبير يكون بواجي .. او خلل ببوابة الهواء 

او البخاخات .. لان السيارات الخفيفه اذا صار فيها مشكله بالاحتراق يصير زي التفتفه داخل المدكينه تحس فيه 


up 0 down 0
مشاااووير 144
قبل 2 شهر و 2 أسبوع



يقولك السياره ماشيه 50 يعني جديده لازالت

الضمان ياعزيزي روح لهم وخش في عيونهم


up 0 down 0
aboahmed2014 890
قبل 2 شهر و 2 أسبوع