أضف سؤال أو موضوع جديد          

انتفاخ خراطيش الماء

up 1 down 0
moktar211 6
قبل 2 شهر و 2 أسبوع



السلام عليكم ورحمة الله وبركاته
السيارة سوناتا 2009 سعودي ٤ سرندل
المشكلة
كان عندي نقص في ماء الرديتر كل يومين ازيد علبة ماء ابو ريال واروح اي مكان ماشاءالله بدون ارتفاع الحرارة المهم وديت السيارة السمكرة وقلت مع وقفت السيارة اسوي الرديتر فكيته وديته محل رديترت طلعت الطبة مشطوبة وتهرب موية النقص من الطبة وبعد تغيير الطبة والتسيخ الان ظهرت مشكلة ارتفاع الحرارة وعرفت ان المراوح لا تعمل الا نادرا حتى إذا ارتفعت الحرارة رحت لكهربائي فصل فيش حساس الحرارة صارت دايركت وفصل البلف قلي اجربها يومين المهم اذا مشيت في خط الخراطيش تنتفخ بالهواء والحرارة نازلة الموية دافية ما ارتفعت الحرارة وذا كلو البلف مفصول والمراوح دايركت والعزم كوييس

وش اسباب انتفاخ الهواء في الخراطيش علما بأني اذا وقفت لو مشيت ٤٠ كيلو افك الغطا ينسم الهواء بدون تفور الماء وارجع امشي ينفخ ثاني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام ورحمة الله وبركاته
اول شي انت ماستغربت ان الماء ينقص كل يومين؟
ع العموم موضوع ان الهواء يتعبئ بالرديتر اكثر من مره معناته ان وجه
الراس مشطوب وتقدر تاكد دام البلف مفكوك عبه ماء فل ولاحظ اذا في
فقاعة متكرره معناته وجه الراس((قازقيت))


up 0 down 0
فور جي 67
قبل 2 شهر و 2 أسبوع



مافي فقاعات ولا في نقص حاليا في الماء


up 0 down 0
moktar211 6
قبل 2 شهر و 2 أسبوع



ماله دخل راس المكينة
لو فيه شيء الحراره تقوم ماتنزل واقف او ماشي
عندك هواء بدائرة التبريد تحتاج تنسيم هواء
شغلتها سهله ودها اي محل يسويها ب١٠ريال
او انت بنفسك سوها شف اعلى خرطوش برديتر
وفك ونسم الكلبس خفيف الين تشوف هواء وفقاعات تطلع
خله منسم الين تطلع مويه بكذا خلاص طلع كامل الهواء
المهم تكون السياره حاره ومحجر الخرطوش
وطف المكينه عشان تسمع التنسيم وانتبه يفلت عليك


up 1 down 2
d7ooom777 393
قبل 2 شهر و 2 أسبوع



ملاحظه فك كلبس الخرطوش جهة الرديتر
بشكل خفيف الين تسم التنسيم وتطلع الفقاعات
وخلك مستمر الين تطلع المويه بدون هواء


up 0 down 2
d7ooom777 393
قبل 2 شهر و 2 أسبوع



بالنسبة للكهربائي واللي مسويه لك انه شبك المراوح دايركت وانت مستانس لاتعليق ياعزيزي

النقطة الثانية الخراطيش لازم تتغير خلاص انتهى وقتها

والنقطه الثالثه رجع البلف ياعزيزي ماراح ينفعك لو فكيته


up 0 down 0
7amood1930 281
قبل 2 شهر و 2 أسبوع



اتوقع المشكله من الطبه قد حصلت معي في سياره وغيرت طبه تجاري
وصار اذا طولت امشي ترتفع الحراره لازم افك الخرطوش اللي فوق ينسم هوا وارجعه ويرجع مظبوط


up 1 down 0
ابو عبدالله العتيبي1111 9
قبل 2 شهر و 2 أسبوع



قبل ما تتكلم عن المكينة

شوف دبات التلوث اذا منتهيه فهي تسبب لك كل هذي المشاكل
كانت المشكلة عندي في فورد وفرغت الدبات وانحلت المشكلة
او تتنظف او تشتري مفرغه