هيونداي نجحت ولكن ماذا عن جينيسيس

الاكسنت الجديده اذا دعست بنزين يقوى النور 

السوناتا الجديده ف ابها وخميس مشيط والجنوب البارد المكيف ع رقم ١ ماينفع لازم اقل شي ٢ عشان ينفخ هواء واضح 

كيف تمتلك السوق ؟؟ 

الممتلك للسوق تويوتا كامري هوندا اكور وكيا كادينزا وكيا اوبتيما هم المنتشرين بكثره 

راقب مبيعات السيارات وليس الشارع :)

(مشاوير) احنا نتكلم عن مبيعات في كل دول العالم. مبيعات أمريكا اللي يعتبر سوق كبير جدا. في 2012 لأول مره هيونداي تصبح اعلى مبيعات في الربع الأول والثاني والثالث والأخير. والشرق الأوسط كل سنة هي الرقم 1 وفي الخليج كذلك, اما في السعوديه فهي الرقم 2 بعد تايوتا والسبب لأن ماعندهم ونيت و شاص و جيوب ثقيلة. والان هم ثالث اكبر مصنع سيارات في العالم. وبعدين تقول خميس مشيط :) هههه ولا انتشار كيا كادينزا و اوبتما. هيونداي تملك كيا ومصنعهم واحد وهي المصنعه لكل قطعه في السيارة.

السبب الرئيسي لانتشارها بالشرق الاوسط عموما والبلاد العربية تحديداُ ... لانها رخيصة وسيارات تمشية حال.لااكثر.
ومجرد اكسسورات لماعة لااكثر. لاماضي عريق ولاجودة و قيمة تستحق الاقتناء .
سيارات هيونداي تنفع لليموزينات والاولاد الصغار والسائقين.فقط...
واما كثرة مبيعاتها فهي بسبب رخص سعرها وقصر عمرها سيارة استهلاكية واصبحت مطلب
للمراهقين والصغار وسيارات الاجرة لانها بالمتناول..لكُل الطبقات الاجتماعية المحدودة الامكانيات
ومن يقول جينيسس فاخرة ووو..؟؟؟؟اقول له ان الصني نيسان أوالسيفيك افضل واجود منها مليون مرة.
وبدون مقارنة.

^^^ ما اتفق معك. اول شئ الماضي العريق ما له اي قيمة امام الحاضر والمستقبل. شوف الدول اللي كان لها ماضي والان اصبحت فقيرة. والامثلة كثير. شيفروليه لها ماضي عريق وشوفها الان!
ثاني شئ من قالك انها رخيصة؟ اكسنت اغلى من الصني ( تقريبا كان العكس في بداية سنة 2000 ) والنترا اغلى من سنترا وكل سيارات فئتها عدا الكرولا. والسوناتا اغلى من الفيوجن و الماليبو والالتيما وغيرها رغم مميزاتهم وامانهم الافضل. وازيرا وتطول القائمة. حتى جينيسس اغلى من الكرايسلر اللي لها تاريخ هههه.
وعلى فكرة في امريكا مالها دعم و الضرايب عاليه عليها بعكس المنتجات الامريكية الحكومة ترفع احيانا الضرايب والشعب نفسهم يدعموا منتجاتهم ولكن ومازلت هيونداي-كيا من اعلى المبيعات. اما استخدام التكاسي فهذا دليل على الجودة العالية شوف موديلات ٢٠١٧ في حراج كثرها وصلت ١٥٠ الف كم. والتكاسي يستخدموا كامري وهذا لانها تستحمل الكرف. شوف كم قيمتها عند اعادة البيع وتقول عمرها قصير . لا وكمان ان الصني افضل من الجينيسس هههه. والسيفيك ليش انشوفها الا نادرا؟ وكم استدعاء صار عليها مؤخرا؟ ما اعرف اذا هذه سيارات مو حقت كرف و موجودة في كل شارع اجل ايش السيارات الاعتمادية. المشكلة ان الواحد ما يطلع من ديرته ويفكر ان العالم كله نفس الشئ. شوف في الهند ومصر كم ماشية عداداتها وكيف صارلها مبيعات قوية في اروبا رغم وجود شركات اروبيه كثير واكثر سيارتهم ماتوصل عندنا. لو كلامك كان في الخاص ما كان رديت عليك بس علشان البقية يعرفوا انك ماتفهم في السيارات.

سيارتي سوناتا ٢٠٠٩ باسمي وكاله والى الان تمام التمام ويشهد الله ما كلفتني غير القطع الاستهلاكية
والاسبوع الجاي بسلتم توسان ٢٠١٩ باذن الله ... هونداي جدا عملية وخدومة للمحافظ الواعي .
اما بالنسبة للجينسس وعلامتها انا رايي السبب في عدم امتلاكها او انتشارها هو سعرها المرتفع نوعا ما يعني لو الشركة خلت السعر منافس وبقوة على الاقل مؤقتا ومن ثم رفعه تدريجيا كما فعلت مع سيارات هونداي يمكن وقتها تتفوق وتنتشر اكثر

الجينسس نزلت فترة سعرها معقول جديدة بالمعارض على ١٢٠ او ١٣٠
في ناس فضلوها على هالسعر على افالون او غيرها
لكن ارتفع سعرها و الكوريين براسهم منافسة الالمان او لكزس عالاقل
بينزل جيب كروس اوفر جينسس
ممكن يجذب الزباين لانه ما في بهالفئة شي مميز

2020 بيكون في 5 موديلات جينيسس جي 70-80-90 و سيارتين SUV يعني بينافسوا بالجيوب الفخمة

نختلف مع بعض الاخوان الذين يذكرون ان هيونداي اكثر من تويوتا على مستوى العالم
تويوتا ومعها مجموعة فولكس واجن الالمانية الاكثر مبيعات عالميا
في السنوات الاخيرة سنة تتفوق تويوتا وتاخذ المركز الاول وسنة اخرى
فولكس واجن تاخذ المركز الاول وهيونداي كيا من المركز الرابع الى الخامس
اما على المبيعات على مستوى المملكة فان تويوتا لا زالت تحافظ على صدارتها للمبيعات
وهذا يرجع بفضل تنوع طرازاتها من سيارات ركوب سيدان الى سيارات ونيت الى سيارات عائلية الى سيارات متعددة
الاستخدام جيوب ، لكن في المقابل هيونداي نافست تويوتا
على مستوى سيارات الركوب السيدان فقط.
طبعا يمكن الرجوع لحجم المبيعات محليا وعالميا عن
طريق المواقع المتخصصة بمجال السيارات.

^^ اخوي ما احد قال ان مبيعات هيونداي اعلى من تايوتا وفولكسفاجن، أكبر شركتين في العالم وثالث اكبر مصنع هو هيونداي/كيا. من 2016 - تايوتا تتفوق بسبب الجيوب الثقيلة، والونيت والشاص. ولكن سيارات السيدان اقل من هيونداي او مساوية لها. سيارات تايوتا الصغيرة: يارس، كرولا، كامري. اما هيونداي عندها اي 10- 20 - 30 - 40 و اكسنت، النترا، سوناتا، كونا. لو نلاحظ عملاء هيونداي هم نفسهم عملاء تايوتا سابقا. وهي مازلت الاعلى في المبيعات كرقم ولكن انخفضت لو تشوفها على رسم بياني بسبب هيونداي.

ماعجبني غير رد ابو نايف هههههههههههههههه

اكثر الشباب والورعان يركبونها ورخص قطعها وصارت ليموزينات

على اساس الكامري والكورلا واليارس مايركبها الا عيال شيوخ ههههههههههههههههههههههه
التعصب لفئة معينة او ماركة معينة غباء وغباء فادح

مو لازم الكل يركب نفس موتركـ والا يصيرو ضدكـ


سؤال فين الاعتمادية في سيارات تويوتا ( كامري وكورلا ويارس ) وهي بعد 50 الف ممشى صداماتها تصير ترقص خبيتي
اطلق سيارة فيهام فيها اثنين ايرباك ... ما اقارن مع هونداي لكن انت تقول اعتمادية اين الاعتمادية بالضبط ...؟

بعد كامري 2002 انتهت الكامري الا كم موديل وخاصة الاستخدام اما غيرها انتهى
والكورلا كذلك ليش وقفو الايكو ونزلو اليارس ...؟


للعلم فقط ترى تويوتا اغلب اكسسواراتها هندية وماليزية واندونوسية والسبب يقول لك انخفاض التكلفة وتوصل للمستخدم بسعر خيالي جداً




نصيحة بس لا تكون متحيز لشيء الا بعلم يكفي اخونا dell2012 مسح بمعلوماتكـ جدار المنتدى

التجربة خير برهان .

انا سيارتي كورية هونداي النترا  وقد جربت  الامريكي فورد فكتوريا وجربت الياباني  جيب  وبرأيي الشخصي وتجربتي عيب الكوري المكيف واحيانا القير  والمكينة والا الراحة والقطع والصبر وتحمل الكرف   بطل ولايعلى  عليه .

تبقى هيونداي بكل فئاتها + كيا بكل فئاتها . مجرد اكسسوارات وكريستال لماع لااكثر .
يستهوي المراهقين والصغار . واصحاب المشاكل . والليموزينات . والشركات الصغيرة المحدودة.
وهيونداي امامها المستقبل حتى تتطور وتصل لمستوى مازدا وهوندا ونيسان . لاكن تحتاج اقل شئ
70 عام حتى تصل لمستواهم.

_______ والحقيقة المُرة للبعض ومنهم dell2012 وابو يارآ______
ان نيسان وهوندا ومازدا ..تبقى لها الريادة والقيادة وخبرة 90 عام مضت من الجودة.
شاء من شاء وابى من ابى. وهذا الواقع. الذي تهربون منه.

وهيونداي + كيا . تظل وستظل بالمستوى الثاني . وبعدها الصيني بأنواعه وفئاته.
______________________________________________

والا بالعقل هل تقارن السنترا الرائعة او سيفيك الجودة او مازدا الجميلة مع سوناتا او جينيسس
لامقارنة ابدا. السنترا والسيفيك افضل من الجينيسس بعشرات المرات.

اما الالتيما والاكورد فتغردان خارج السرب وحرام مقارنتهم مع ال ك و ر ي.اصلآ..

والله ان جميع من جاوب بذكر المبيعات من دون الاتيان بمصدر و ارقام هو من الرعااااع,

ابو نايف انت تتكلم جد الستترا والسيفك افضل من الجنسيس ولا تستهبل