أضف سؤال أو موضوع جديد          

تغيير مروحة النترا 2011

up 7 down 0
جبال معانيق 120
قبل 3 أسبوع و يوم



مساء الخير 
حبيت انقل لكم تجربتي للفايدة، ونفع  اخوانا المسلمين واسأل الله الأجر   لأن ياأخوان ان كل مااستفيد من هالمنتدى او غيره ادعي لصاحب الموضوع لانه يفكك من المشاوير والمصاريف وبعض الورش الي يصلح لك شي مايحتاج تصليح او ياخذ منك مبالغ عالية والا يغير لك شي بحسن نية لكن جهل من الفني وقل خبرة. وتخسر جهد ووقت ومال  فاذكر لكم هالتجربة ،،  معي النترا ٢٠١١  الشكل القديم  ومرتين يفور الماء في علبة الاديتر وينزل على الارض وتولع لمبة الحرارة  وللمعلومية لايوجد لها امبير حرارة ، فقط لمبة اذا احترت تولع ، والمكيف يصير يشتغل اذا مشيت  خط واذا وقفت يفصل وفكرته حساس لكن  مره وانا واقف احترت وفور الماء وولعت اللمبة وواشيك على المروحة وكنت مشغل مكيف  الا هي ماتشتغل وللعلم الاالنترا  سيارتي وغيرها ماادري ماتشتغل مروحتها  الا في حالتين مع المكيف او اذا تعدت الحرارة النصف  ،، واقوم احرك سلك المروحة الي من جهة الفيش اللي يروح للظفيرة وتشتغل واذا حركته عكس تطفي فعرفت ان السلك او الفيش خربان  وماشكيت  في الدينمو  للمروحة. وعفطت السلك وظبط عشرة ايام لكن الاحظ السرعة تخف  بسيط ماتلاحظ وتزود وماتوقعت من الدينمو حق المروحة ورحت للورشة وفحصها قلت يتغير فيش لحاله لاني لقيته في النت بحدود خمسين اسمه fan connector  wire  الي يطلع من المروحة يكون مقصوص وسلك وفيش يشبك في فيش ثاني يروح للظفيرة قال الكهربائي ركب مروحة جديدة احسن  لانه لاحظ السرعة خفيفة وصوت المروحة ضعيف  وتشوف المروحة ريشها ولكن عند سرعتها الممتازة كانك ماتشوف الريش من سرعتها  وقام يخبط على المروحة بيده وفعلا تزود وتخف السرعة  شوي  ، فقل غيرها وقال محل القطع فيه كوري رقم 1  ورقم 2.  الاولى ب٢٠٠  والثانية ب ١٦٠  لكن مالقيت الا الثانية وركبتها  ، الفيش للقديمة واسلاكها مافيها قطع اوذوبان من الحرارة  والكهربائي يقول الحرارة تأثر فيها  وتركيبها ربع ساعة فقط  واخذ مني ٧٠  ريال  وانا اشوف حقها ٤٠  ريال ولكن  خليته ينفخ الاديتر زين ويشيك على بطن السيارة كامل  وعلى السير ، لان هو خابره ميكانيكي هو فلبيني واعرفه من زمان  وبعد شيك على الصوت المزعج في المكيف وقال هذا موجه الهواء  فوق تحت وتصليحه لازم تفك الطبلون قال خله وقلت نعم لاتقرب الطبلون دام تمشي مشها ،،  المروحة فكها سهل  وتقدر تفكها بمل سهوله وانا ماتوقعتها سهلة  ولا كان صلحتها بنفسي  فقط  مدخل الهواء مسمارين قطعة البلاستيك وبعدين لي الماء الصغير لاتفكه حق القربة وايضا مسمارين من فوق للمروحة بجرمها وهي بلاستيك وخفيفة وريشها تختلف عن الوكالة الشكل فقط ولا المقاس  تركب بالضبط  وسلكها معها بالفيش وتركبه بالفيش الرايح للظفيرة  وايضا لي الماء لازم تفكه عليه قفيز  ويوم خلص ركب عليه معجون رصاصي غراء  ورجع القفيز مكانه  واخذ قطع من القديمة الحديدة اللي تثبت المسمار  فقط وبعدها شغلت وتمام  ، اللي لاحظته انا المروحةة زمان بعد خرابها تشتغل ولكن ضعيفة السرعه بسيط وايضا تشتغل وتاقف يعني ماتجيم مرة وهذي معلومة ولا ادري هل فيها حساس  او خراب في الدينمو والكهربائي ماذكر لي حساس يقول مع السنين والحرارة والمطبات تشتغل وتفصل وهذا خراب في المروحة ،،،  ،، للعلم المروحة خفيفة مرة وبلاستيك وبجرمها ثابتة ولاهي حديد او جرم قلبها  حديد مثل بعض السيارات بعدها اخذت  ،القديمة وقلت احتياط احتاجها ولا ماتظبط  الجديدة ولا شيء ،،،  وسلامتكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافية ويكتب أجرك


up 1 down 0
أبو عبادة 4502
قبل 3 أسبوع و يوم



الله يجزاك خير اخوي ابو عبادة واهلا وسهلا .


up 1 down 0
جبال معانيق 120
قبل 3 أسبوع و يوم



المهم انتبه لليات لاتفرط معك الغرا ذا مشكله مع الحرارة يفك نفسه ويسحب معه لي الرديتر


up 1 down 0
7amood1930 306
قبل 3 أسبوع



لاهنت اخوي حمود ،، يعني المفروض ماحطه ، يعني هو وكالة يجي بدون غراء ، ويكفي القفيز فقط لتثبيته ؟ الله يستر ، تهريب الماء مشكلة ، براقبه والحافظ الله .


up 0 down 0
جبال معانيق 120
قبل 3 أسبوع



نفس الشي حصل معي. بعد تشغيل المكيف. سمعت صوت غواء
طفيت المكيف وعالكهربائي
شيك ولقى المروحة ماتشتغل
المهم غيرت مروحة جديدة كاملة ب ٢٥٠.


up 0 down 0
sell 210
قبل 3 أسبوع



الله يبارك فيك لنقل التجربه
ليستفيد منها الجميع



up 1 down 0
جبل ثور 100 83
قبل 3 أسبوع



جابك الله لي أنا موتري نفس موترك وملاحظ المكيف ما يبرد وفيه صوت إذا شغلت المكيف هو نفس المشكله اللي عندك والا لا ؟


up 0 down 0
إلنترااا 275
قبل 3 أسبوع