بالله يالربع افيدوني

حدد المنطقة وبإذن الله الشباب يفيدوك

الرياض سيارتي النترا ما عندي اي مانع اروح اي مكان بالرياض

اتوقع هالمشكله في اغلب السيارات الكوريه
المكيف لك عليه
اذا يمديك ترهم كبروسر ثاني افضل او شوف الموديلات القديمه
اذا هي كلتش

الله يكون بعونك مشاكل المكيف مع بدايه الصيف خاصه الكوري متعبه جدا
كان عندي سيراتو قبل سنتين 2014م نفس الانترا بالضبط صلحته مرتين مره الاولي 1750 ريال كامل
المره الثانيه 750 ريال كل تصليحه ضمان شهر بعد 3 شهورخرب وتعطل
حلفت بالله الموتر مايقف عند بيتي لوساعه وحده لو ابيعه بخساره وفعلأ بعته بخساره 7000 ريال عن قيمه بالسوق بالوقت
الكوري عملي وجيد وقطع غياره رخيص لكن المكيف ماضبطوه ماعرفوا يصنعونه ابدا
كل الكوري الكيا والهونداي

فيه فني تكييف في شرق الرياض وديت له سيارة الولد التيما تبريدها ضعيف وغير الحساس الداخلي وتحسن عن أول بنسبة 85% اذا تبي عنوانه تروح له لكن انا ما اقدر احكم عليه بانه جيد لأن التعامل معه مرة وحده فقط

حياك
0551777330
هذا حصلته لك بقوقل كراج متحرك 
او تروح لهم تخصصهم كهربا وتكييف
بس اهم شي اطلب ضمان الشغل بفاتورة 
وباالتوفيق

الله يعينك المكيف عله اذا تعطل
لأن إصلاحه مكلف
واذا تعطل ثاني مره تكلفه ثاني مره
الله يسهلها عليك

ابحث بالنت و اليوتيوب عن مكيف الكوري
و اذا في احد يولف طرق لتصليحه و تبديله
مهو اي كهربائي يعرف لانه شغله ممكن يضبط و ممكن تكره السيارة
و الله يعينك و يسهل عليك
انا مالي خبرة السيارات اللي استخدمتها كلها ياباني
المكيف عندي تبريده اهم شي

سيارتك 2000 سي سي كمبروسر أبو كلتش ولا كهربائي؟ احتمال عندك تهريب فقط. المفروض مايقل الفريون, لكن تنتهي صلاحيته فقط بعد سنين. واذا كهربائي نصيحة لا تولف في حلول اخرى

تأكد وأنا اخوك قبل  تعبي او تغير او تصلح وابدأ بالأسهل والأرخص تدريجيا الا اذا انت عارف السبب تماما ،،،  يارجل أنا دايركت وديتها لورشة قال الكومبرسور تغيير ودورة تبريد وتكلفك ١٦٠٠ وتركته ورحت لواحد ثاني قال فريون على طول  وعبيت ب١٢٠ امريكي لكن صدفة اكتشفت أن السبب من المروحة خربانة واذا وقفت اثناء تشغيل المكيف  اتوماتيكيا يوقف الكومبرسور هذا في سيارتي النترا ٢٠١١،،،، تأكد من المروحة لان الالنترا مايشتغل مروحتها الا مع تشغيل المكيف او في حالة الحرارة تعدت النصف.  

فيه باكستاني بصناعية النسيم يرهم لك منظومة تكييف كاملة وعنده افكار وحلول بديلة وشغله مختلف عن المتعارف عليه بالسوق

جربنا شغله على بي ام دبليو وسيارة فولفو، يا رجل الفولفو موديل 92 هاتشباك لون اسود، صارت ثلاجة

رح له ووصه انك تبغى المكيف ثلااااااجة وخليه يبدل ويشتغل، وان شاء الله ما تندم

او حتى لو تبغاه يصلح منظومة التبريد الحالية بسيارتك

رقم جواله

0563742381

وهذا موقعه تقريباً

https://www.google.com/maps/place/24%C2%B042'21.6%22N+46%C2%B050'24.6%22E/@24.70599,46.8379723,17z/data=!3m1!4b1!4m6!3m5!1s0x0:0x0!7e2!8m2!3d24.7059903!4d46.840161

الله يحميكم يا شباب تسلموا ماةقصرتوا

اخوي dell2012
ايش ممكن يكون الحل اذا كهربائي ،وهل تعرف كهربائي زين؟

اخوي فهد ١٤٢٦ كم رقم جواله