أضف سؤال أو موضوع جديد          

بالله يالربع افيدوني

up 1 down 0
mody elsaadany 25
قبل أسبوع و 2 يوم



بالله يا شباب ، الله يعطيكم العافيه ابغي كهربائي سيارات محترف مهما يكون سعره ، السياره زبحتني مصاريف ، ولا فائده ما ادري ايش قصة الفريون سويت كله شي يخطر بالباب الله يرفع قدر من يدلني علي كهربائي زين
سيارتي : النترا ٢٠١٥
ماكينة :٢٠٠٠
تم تغير الكمبروسر : اغسطس ٢٠١٨
تم تعبئة فريون اصلي وتغير ريديتر وربرات : نفس التاريخ
تم تعبئة فريون مره ثانية :يناير ٢٠١٩
تم الكشف عن التسريب : النتيجة كانت تغير جلب فقط وتعبئة فريون اصلي اول ابريل ٢٠١٩
النتيجة نفسها صوت وكان الفريون بيشطب وبروده لا تكاد تذكر
المطلوب : كهربائي يخاف الله ومحترف مهما كان أجرته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حدد المنطقة وبإذن الله الشباب يفيدوك


up 1 down 1
أبو عبادة 4502
قبل أسبوع و 2 يوم



الرياض سيارتي النترا ما عندي اي مانع اروح اي مكان بالرياض


up 0 down 1
mody elsaadany 25
قبل أسبوع و 2 يوم



اتوقع هالمشكله في اغلب السيارات الكوريه
المكيف لك عليه
اذا يمديك ترهم كبروسر ثاني افضل او شوف الموديلات القديمه
اذا هي كلتش


up 2 down 1
سلطان الطائف 313
قبل أسبوع و 2 يوم



الله يكون بعونك مشاكل المكيف مع بدايه الصيف خاصه الكوري متعبه جدا
كان عندي سيراتو قبل سنتين 2014م نفس الانترا بالضبط صلحته مرتين مره الاولي 1750 ريال كامل
المره الثانيه 750 ريال كل تصليحه ضمان شهر بعد 3 شهورخرب وتعطل
حلفت بالله الموتر مايقف عند بيتي لوساعه وحده لو ابيعه بخساره وفعلأ بعته بخساره 7000 ريال عن قيمه بالسوق بالوقت
الكوري عملي وجيد وقطع غياره رخيص لكن المكيف ماضبطوه ماعرفوا يصنعونه ابدا
كل الكوري الكيا والهونداي



up 2 down 2
allohan 3 41
قبل أسبوع و 2 يوم



فيه فني تكييف في شرق الرياض وديت له سيارة الولد التيما تبريدها ضعيف وغير الحساس الداخلي وتحسن عن أول بنسبة 85% اذا تبي عنوانه تروح له لكن انا ما اقدر احكم عليه بانه جيد لأن التعامل معه مرة وحده فقط


up 1 down 1
فهد1426 330
قبل أسبوع و 2 يوم



حياك
0551777330
هذا حصلته لك بقوقل كراج متحرك 
او تروح لهم تخصصهم كهربا وتكييف
بس اهم شي اطلب ضمان الشغل بفاتورة 
وباالتوفيق


up 0 down 2
باترول 2020 2510
قبل أسبوع و 2 يوم



الله يعينك المكيف عله اذا تعطل
لأن إصلاحه مكلف
واذا تعطل ثاني مره تكلفه ثاني مره
الله يسهلها عليك



up 2 down 1
امير الاصيل 1681
قبل أسبوع و 2 يوم



ابحث بالنت و اليوتيوب عن مكيف الكوري
و اذا في احد يولف طرق لتصليحه و تبديله
مهو اي كهربائي يعرف لانه شغله ممكن يضبط و ممكن تكره السيارة
و الله يعينك و يسهل عليك
انا مالي خبرة السيارات اللي استخدمتها كلها ياباني
المكيف عندي تبريده اهم شي


up 0 down 2
1405-1985 1184
قبل أسبوع و 2 يوم



سيارتك 2000 سي سي كمبروسر أبو كلتش ولا كهربائي؟ احتمال عندك تهريب فقط. المفروض مايقل الفريون, لكن تنتهي صلاحيته فقط بعد سنين. واذا كهربائي نصيحة لا تولف في حلول اخرى


up 1 down 1
dell2012 869
قبل أسبوع و 2 يوم



تأكد وأنا اخوك قبل  تعبي او تغير او تصلح وابدأ بالأسهل والأرخص تدريجيا الا اذا انت عارف السبب تماما ،،،  يارجل أنا دايركت وديتها لورشة قال الكومبرسور تغيير ودورة تبريد وتكلفك ١٦٠٠ وتركته ورحت لواحد ثاني قال فريون على طول  وعبيت ب١٢٠ امريكي لكن صدفة اكتشفت أن السبب من المروحة خربانة واذا وقفت اثناء تشغيل المكيف  اتوماتيكيا يوقف الكومبرسور هذا في سيارتي النترا ٢٠١١،،،، تأكد من المروحة لان الالنترا مايشتغل مروحتها الا مع تشغيل المكيف او في حالة الحرارة تعدت النصف.  


up 0 down 0
جبال معانيق 120
قبل أسبوع و 2 يوم



فيه باكستاني بصناعية النسيم يرهم لك منظومة تكييف كاملة وعنده افكار وحلول بديلة وشغله مختلف عن المتعارف عليه بالسوق

جربنا شغله على بي ام دبليو وسيارة فولفو، يا رجل الفولفو موديل 92 هاتشباك لون اسود، صارت ثلاجة

رح له ووصه انك تبغى المكيف ثلااااااجة وخليه يبدل ويشتغل، وان شاء الله ما تندم

او حتى لو تبغاه يصلح منظومة التبريد الحالية بسيارتك

رقم جواله

0563742381

وهذا موقعه تقريباً

https://www.google.com/maps/place/24%C2%B042'21.6%22N+46%C2%B050'24.6%22E/@24.70599,46.8379723,17z/data=!3m1!4b1!4m6!3m5!1s0x0:0x0!7e2!8m2!3d24.7059903!4d46.840161




up 1 down 0
نديم الطيف 73
قبل أسبوع و يوم



الله يحميكم يا شباب تسلموا ماةقصرتوا


up 0 down 0
mody elsaadany 25
قبل أسبوع و يوم



اخوي dell2012
ايش ممكن يكون الحل اذا كهربائي ،وهل تعرف كهربائي زين؟


up 0 down 0
mody elsaadany 25
قبل أسبوع و يوم



اخوي فهد ١٤٢٦ كم رقم جواله


up 0 down 0
mody elsaadany 25
قبل أسبوع و يوم