أضف سؤال أو موضوع جديد          

نوع ماء الرديتر افيدوني

up 4 down 1
علي عسيري9999 11
قبل 4 يوم و 11 ساعه



السلام عليكم يا اخوان انا معي اكسنت 2019 وابغاء اغير ماء الرديتر بس ما ادري وش الكويس لها غير كذا شفت الكتالوج وما حددلي يس الي فهمته يحتاج ماء مخصص لمكينة الالمنيوم الي عنده خبره لا يبخل علينا وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


2019 تعتبر جديدة

ليش تغير ماء الراديتر؟

عموماً مر قطع الغيار في الوكالة واشتريه منهم


up 4 down 0
أبو عبادة 4502
قبل 4 يوم و 11 ساعه



ارجع لدليل المالك مكتوب متى تغيره اول مرة وثاني مره الخ. 
نوع سائل التبريد حق هيونداي الجاهز وفي انواع اخرى كلها جاهزة. 


up 1 down 0
dell2012 869
قبل 4 يوم و 10 ساعه



الماء انواع. فية مركز يحتاج تخفيف وفية نوع يجي مخفف.
الافضل تروح تشترية من الوكالة


up 1 down 0
ابومزعل 369
قبل 4 يوم و 9 ساعه



عند احد الاصدقاء كورلا 2009 دائما يغير ماء الرديتر من تويوتا الاصلي ويقول ما عمره واجه اي مشاكل ولاكن يشتري من الوكالة
وهذا تصرف سليم انك تغير ماء الراديتر لانه يفقد خواص التبريد
وعلى فكرة محرك الكورلا الومنيوم


up 1 down 0
m1m1m1m1m1 172
قبل 4 يوم و 9 ساعه



وعليكم السلام ياخوي سيارتك جديده حرام تغير مويه الرديتر في الاغلب اذا تبغى تحافظ على الرديتر غير المويه على ٨٠٠٠٠ مع ان مويه الوكاله يعيش معك الى ١٥٠٠٠٠ كيلو من واقع تجربه 


up 2 down 0
الخور قريبه 365
قبل 4 يوم و 5 ساعه



ما شاء الله سيارة موديل ٢٠١٩ 
اذا تغيره لماء بسبب مشكلة لاقدر الله هرب عليك موياء او انك نسيت غطاء رديتر مفتوح وراح مويا مر محل وكالة هونداي واشتر ماء رديتر جك لونه ابيض تحصلة تقريبا ب ٥٥ حولها
اما اذا كان تغييرك بسبب انك تحافظ عليها او انك متخوف دخول فصل صيف ف يا حبيبي وفر فلوسك في جيبك ماء رديتر خاصية تعيش فترة طويلة  ١٠٠ الف او كل ٤ سنوات 


up 0 down 0
aliqassem1
قبل 4 يوم و 3 ساعه



المختصر المفيد موية رديتر اي سي ديلكو او موستبيشي
ب 45 ريال وصلى الله وبارك


up 1 down 1
sloor_07 82
قبل 4 يوم و 3 ساعه



خخذ ححق ميتسوبيشي وماراح تندم الاخضر لي 12 سنه استخدمه




up 3 down 0
7amood1930 306
قبل 4 يوم



في احد يبدل موية مصنعها وهي توها جديدة بموية من السوق معي اكسنت 2014 توها قبل سنة مبدل موية وكالتها الحرص الزايد مضيعة فلوس بس


up 4 down 1
benz lover 343
قبل 3 يوم و 21 ساعه



موية المصنع احسن من الموية اللي في الصناعية بكثير وش جاك يا رجل بعدين لا سمح الله لو فيه تهريب او حرارة راجع الوكالة سيارتك عليها ضمان , لا تبداء من اللعب الان , 3 سنوات وسو قص ولصق بكيفك بعدها


up 1 down 0
المعتصم بالله 6519 361
قبل 3 يوم و 20 ساعه



اذا ماعندك مشكله لاتغيره لانه مره يطول 
عندي ف الكيا اوبتيما مكتوب في الكتالوج من الوكالة
اول مره تغير المويه بعد ٢٠٠ الف كيلو 
بعدها كل ١٠٠ الف كيلو
ومويه هونداي اصليه ب ٥٥ تاخذها 
انا غيرت مويه الرديتر على ١٥٠ الف كيلو بس عشان صدمت بالواجهة وغيرت الرديتر


up 1 down 1
modomar 43
قبل 3 يوم و 16 ساعه



سيارتي قاطعة 180 وماغيرت الموية
بدري عليها يالحبيب


up 0 down 1
واارد الستين 3
قبل 3 يوم و 7 ساعه



اخوي بدري انك تغير موية الرديتر بدون سبب !!
لكن الموية الموصى بها حسب كتالوج الموتر هو :
.
اذا كانت الحراره الخارجيه اقل -15 تحت الصفر
فتركب 35٪مركز و 65٪ مقطر
.
اذا كانت الحراره الخارجيه اقل من -25 تحت الصفر
فتركب 40٪ مركز و 60٪ مقطر
.
اذا كانت الحراره الخارجية اقل -35 تحت الصفر 
فتركب 50٪ مركز و 50٪ مقطر
.
اذا كانت الحرارة الخارجيه اقل من -45 تحت الصفر 
فتركب 60٪ مركز و 40٪ مقطر
......
لذلك تختار 35٪ مركز و 65٪ مقطر لانه هو افضل خيار
وهذا رابط من دفتر الوكاله 
https://d.top4top.net/p_1200xc29e0.png



up 0 down 0
عبدالله 711 776
قبل 3 يوم و 3 ساعه



شوف انا رحت وسألت محل الجمله. وكان عنده انواع مثل اي سي دلكو الخ المهم قالي خذ ماء تويوتا افضل شي وفعلا حراره السياره انخفضت بشكل ملحوظ


up 0 down 0
كهرمانيات 1
قبل يوم و 3 ساعه