استفسار بخصوص شخص صدمني وهرب
0
0
إضغط هنا للإخفاء
السلام عليكم
يا جماعة الخير ابي رايكم قدر الله اليوم وانا طالع بعد صلاة العشاء رحت اجيب اغراض للبيت
وانا في الطريق بالحارة ابي اطلع على الرئيسي جاني ذاك المراهق معه يوكن ومجلعد ومطفي انواره وحاط رجله تقل ملحوق المهم صدمني من الأمام طبعا هو عاكس الطريق يوم نزلت ابي اشوف وش السالفة
اول ما نزلت على طول دق ريوس وهرب
والحمدلله اني لقطت رقم لوحتة وسجلته طبعا السيارة طفت ما عاد تشتغل والمكينه صارت عجينة
طبعا ما امداني افصل البطارية بسبب ان الكبوت تعفط ولا ينفتح المهم اول ما اتصلت على المرور لاحظت ان الكبوت يطلع دخان قوي يوم قربت واشوف لين من تحت السيارة من جهة الكفر الأيمن شابة نار
ولا معي طفاية وجاء واحد الله يجزاه خير وجلس يرش معه علبة موية ولا فيه فايدة قوت النار اللين شبت المكينة كلها بكبرها ودخلت النار على داخل السيارة يوم ما احد قدر يطفيها من الملاقيف المتجمهرين ابعد عنالسيارة وبلغت المرور
وكلها خمس دقائق وصار الموتر عبارة عن رماد حتى المراتب بان الحديد الي داخلها وما زاد الطين بله تأميني ضد الغير ومنتهي من شهر ونص
جاء الدفاع المدني وطفاها قال المرور خلاص تروح للتقدير وتكمل الأجراءات
السؤال الآن هل التقديد يفتح بكره السبت ولا انتظر الى الأحد
وهل يحتاج اشيلها بسطحة ولا اصورها واوريهم الصور لأنها صارت فقط حديد ورماد ما تمشي
كم تتوقعون يقدرونها لي السيارة اكسنت موديل ٢٠٠٩ قير عادي كانت نظيفة ماشية حدود ٢٠٠ الف
والآن بعد ما صارت رماد معاد احد يقدر يعرف نوعها اختفت كل معالمها والله يعوض علينا
وهل بعد ما يقفون خدمات راعي اليوكن بيسدد على طول ولا بيلطعني كم سنة ؟
إبلاغ
الردود
لا تخاف حقك محفوظ والمرور يجيب هذا الجحلط ويكون عبرة بإذن الله
غالباً السيارة باسم ابوه ولما يوقفوا خدماته يجيك ركض
2
2
السيارة الله يعينك تاخذها لمكتب التقدير لانه اكيد موجود رقم الشاص للمطابقة ولو في صور للسيارة خذها معك عشان لا يبخسون قيمة السيارة والله يعوضك خير يارب
1
0
وان شاء الله م يطول الوقت ويسددك قيمة سيارتك واكثر حق تعطل اشغالك واستأجرك للسيارات
0
2
وحقك محفوض واهنيك على حرصك برقم اللوحه
واساسا الحق معك حتى لو كنت مخطي فوق ذلك راح تجيه غرامه
٥٠٠٠ ريال فوق حقك انت
والله ييسر لك امورك ويعوضك احسن منها
2
0
والله فيه ناس حرام عليها السياكل مو بس سيارات
الله يعوضك خير و يرزقك باحسن منها
2
0
1
0
3
0
1
0
المرور راح يكلمونه ب وجودك اول مره وبعدين لو ما رد قالو تعال بكرا ويكلمونه مره اخري ما رد بعدها الثالثه ما رد علي طول
ايقاف خدمات بس تاكد لما تطلع الضابط ان تم ايقاف الخدمات يعني مر المرور كل شوي وعطهم رقم الحادث وشيك وش الي صار
وكلها كم شهر ويدق عليك ابو الورع و يقول تعال نتفاهم قل له ما في تفاهم التسعيرات كذا جب المبلغ معك ولا توقع ورقه التنازل الا لما تستلم كل المبلغ
ممكن ايقاف الخدمات يطول بس ب العاده مو اكثر من 5 الي 6 شهور ويدق عليك بس راجع المرور كل فتره
1
0
كفله أبوه وما أخذت حقي إلا عن طريق المحكمة أوقف خدمات الولد وأبوه ثم سدد
لكن قالي اللي بالمرور أستأجر سيارة وخله يدفع هو قيمة الإيجار بالمحكمة تعطل المصلحة << تأكد من المعلومة قبل
0
0
بشرنا وش صار عليك
0
0
قبل 5 سنه