قير السوناتا 16

وعليكم السلام

اذكر هذا الموديل كان فيه مشاكل في القير وان ما اوهمت كان فيه استدعاء يعملون اعادة برمجة له مجانا

كم علبة مغير ؟
قد تحتاج الى زيادة زيت القير ؟

شيك على الزيت اذا مو ناقص يمكن يحتاج برمجة كمبيوتر

هذي نتعه بالقير ومشكلتها برمجه وعليها استدعاء من الوكاله حتى لو انك خارج الضمان لانها صارت معاي نفس سيارتك ونفس المشكله وسويت لها برمجه وكنت خارج الضمان مجانا وراحت المشكله الحمدلله 

استدعاء في الوكاله حتى لو ضمانك منتهي ’ يحدثون القير لك مجانا .

برمجه لان القير متعود على الزيت القديم

انت تقول الزيت توه متغير؟

علمنا وش غيرت هل هو العلبه السوداء او الزرقاء

حتى الزرقاء 4 انواع الاول SP-III وهذا الجيل الثالث لقيور 5 نمر موديلات 2009 وتحت ، الثاني cvt وهذا لقير الاكسنت مكينه 1.4 لموديلات 2016 وفوق ، اهم واحد وهو SP-IV ويعتبر الجيل الرابع للقير 6 تعشيقات ، الاخير هو SP-IR يعتبر الجيل الخامس وهو خاص بقيور 8 تعشيقات .. (( انت عليك بالجيل الرابع هو المخصص لموترك لاتتعداه ))

السلام عليكم ..اخوي الغالي من الغلط انك تطرح مشكله في المنتدى
بينقزون عليك وكل واحد يفتي من راسه ويودونك في داهية... وهو لو تعطيه مفك كفر مايعرف يفك الكفر
الموديل ذا السوناتا عليه استدعاء من الوكالة ويصلحونه مجانا حسب ماافادوني كثيرين

اللي يقول السيارة عليها استدعاء من الوكالة رحت للوكالة وقالو ان ما في لها استدعاء بخصوص مشكلة القير

اللي لها استدعاء ياليت يثبت

مافيه شي يثبت على الاستدعاء لان مايعطونك شي يثبت انك دخلت موترك في الوكاله عشان استدعاء . لكن هذا الموديل عليه استدعاء وموتري كان واحد منهم .