النترا 2015 للفائدة
13
2
إضغط هنا للإخفاء
السلام عليكم و رحمة الله و بركاته ,
يا إخوان حبيت أنقل لكم تجربتي للفائدة و أتمنى منكم الدعاء لي و لوالدي ,
في البداية الموضوع يخص النترا 2015 مكينة الكبيرة 2000 سي سي و قد يكون هناك جوانب مشتركة مع الموديلات الأخرى
طبعا في ما يخص حرارة السيارة و المكيف زي مالجميع يعرف بأن وقت الظهرية تبريد المكيف يخف خصوصا وقت
الزحمة و الوقوف الطويل , و قلت خليني اشتري قطعة OBD لفحص السيارة و قراءة معلومات حية من الحساسات
عن طريق الجوال , طبعا لقيت حرارة السيارة توصل 93 درجة بدون المكيف وقت المشي و توصل 99 درجة
اذا واقف و تشتغل المراوح و تنزل لين 95 درجة و طبعا تعتبر عالية نوعا ما لمكينة صغيرة ووقت الصيف حدث
و لا حرج فخطر ببالي إني اظيف مروحة خارجية و اشتريت المروحة لكن للاسف النوعيات الموجودة بالسوق
جدا سيئة و خفيف و ممكن تتكسر مع الهواء و تكسر الرديتر و تحوس الدنيا , فبدأت رحلة البحث عن كيفية
تخفيض حرارة المكينة و بالتالي حتما ستتحسن جودة التكييف , لأن كما تعرفون رديتر المكينة يؤثر بشكل مبار
على رديتر المكيف , طبعا حصلت في مواع أجنبية عدة حلول منها ثرموستات رياضي و تركيب مروحة خارجية
نوعيات ممتازة و غير ذلك من الحلول , طبعا استبعدت زي ما ذكرة المروحة لأني ما حصلت نوعية جيدة
و لا ودي بالموجود بالتشليح حيث يبيله شغل و ألات غير متوفرة عندي بحكم إني اشتغل بيدي , فبديت أدور عن ثموستات
يركب على الالنترا 2015 و يكون يفتح على درجة حرارة اقل من 88 درجة اللي هي درجة ثرموستات
الانترا الأصلي طبعا 88 درجة يكون الفتح جرئي و ليس كامل , طبعا بعد البحث و التدقيق و التمحيص
لقيت ثرموستات السيراتو او الانترا 1600 سي سي يركب عندي مع اختلاف بسيط في الطول و سوف اشرح
تأثير هذا الاختلاف , طبعا بعد البحث وجدت ان الثرموستات او البلف يحتوي على جزئين جزء كبير يسكر على الموية
اللي جاية من الرديتر و جزء اخر يسكر على دوران الماء داخل المكينة نفسها و ذلك لتحمى السيارة بسرعة اوقات البرد
طبعا دائما الجزء الداخلي الصغير يفتح قبل الجزء الكبير و بحكم اننا في منطقة حارة لقيت ان الجزء الصغير اللي
يسكر دوران الماء داخل المكينة نفسها ما راح يكون له تأثير كبير فتوكلت على الله و بما ان سيارتي ماشية
140000 كيلومتر قلت وقت اسوي صيانة كاملة لنظام التبريد فرحت ساكو , استريت منتج تنظيف دورة التبريد امريكي اصلي
العلبة بـ16 ريال , و رحت قطع الغيار اخذت بلف سيراتو/النترا 1600 سي سي موديل 2015
و اخذت رديتر ماء جديد هانون نوعية جدا ممتازة و مركب منهم كمبرسور المكيف و لا يوجد أي ملاحظات
طبعا الرديتر أخذته بـ220 ريال , موية خضراء بالبيد جركنين بـ 60 ريال , ثلاث هوزات واحد تحت و اثنين فوق
بـ150 ريال تقريبا , غطاء رديتر بـ20 ريال , طبعا سبب تغيير الرديتر انه ما راح يتنظف بشكل جيد بحكم
مسارات الماء فيه دقيقة و التسييخ و التنظيف يكلف تقريبا قيمة الكوري جديد فقلت اخذ جديد ,
وقفت السيارة عند البيت و بسم الله بديت الشغل ,
فتحت صرة الرديتر تحت عشان افرغ شوي ماء لوضع محلول التنظيف و تسمي بالله و تشغل السيارة و الدفاية على اعلى رقم
و تتركها لمدة نص ساعة او اكثر عشان يفتح البلف و يدور المحلول داخل المكينة , طبعا دائما احط موية اصلية
و لا احط ماء الحنفية ابدا و لكن بعد الانتهاء من التنظيف و افراغ الماء لاحظت فيه بعض الرواسب و هذا يدل ان المنتج قام بدوره
في عملية التنظيف , افرغت الماء كامل و بعدها فكيت الكوع و طلعت البلف , و نفخت في اللي العلوي بمنفاخ هواء
عشان تطلع كل الموية المتجمعة داخل المكينة , بعدها سميت بالله و فكيت جسر الصاجة العلوي عشان اطلع
الرديتر و المروحة و عشان يكون في مساحة اشتغل فيها بدون التأثير على رديتر المكيف , طلعت الرديتر
و فكيت الليات القديمة و شلت المروحة و نظفت القربة و ركبتها على الريتر الجديد , ركبت البلف الجديد
اللي يفتح على درجة حرارة 82 درجة و ركبت الهوزات الجديدة و الرديتر و عبيت الموية الخضراء بالبيد أصلي
اخت تقريبا جركن و نص و ربعه صبيته في القربة , و بعدها نظفت اثار الشغل بموية عادية و شغلت السيارة
و رحت اخذت لفه صغيرة عشان يفتح البلف و يطلع الهواء من الرديتر , رجعت البيت طفيت السيارة و خليتها
لين الصباح و زودت الرديتر لأنه نقس بعد خروج الهواء .
نجي لنتائج التجربة :
1- حرارة السيارة أثناء الوقوف او الزحمة 87 درجة مئوية
2- حرارة السيارة أثناء المشي 84 درجة و تنزل لـ82 في الخط
3- حرارة السيارة مع المكيف بين 87 و 84 حسب الزحمة و الدعس
4- تحسن اداء المكيف بشكل ملحوظ ما شاء الله
طبعا زي ما قلت عيب البلف اللي ركبته الوحيد انه ما يسكر دوران الماء داخل المكينة بكم انه اقصر من البلف الأصلي
لكن زي ما قلت بالسعودية و دول الخليج ما راح يأثر لان الجو عندنا ماشاء الله اوروبي
اخيرا اللي عنده اي استفسار عن أي نقطة ممكن اكون ما ذكرتها ان جاهز و اتمنى اني افدتكم
دمتم بود
إبلاغ
الردود
لكن اسمح لي بعلق على كذا نقطة
اول شي فكرة انك تغير الرديتر اشوفها مالها داعي من وجهة نظري
سيارتك 2015 وتغير رديتر في سيارات لها فوق ال 10 سنوات رديتر واحينا موية الوكالة
ثانيا مرت علي سيارات كثيرة 4 و 6 و8 سلندر 90% منها الحرارة حقتها بين 90 الى 105
الالنترا ال 1.6 توصل حرارتها بين 87 تقريبا الى 95 في الاستخدام الشاق
انا سيارتي 2.0 وتوصل الحرارة بين ال 90 الى 99 هذا بدون مكيف
مع المكيف ما تتعدا ال 95 واشوفها طبيعي جدا مرره وحدة بس الحرارة وصلت عندي 102
كنت واقف في سرا الفحص الدوري في درجة حرارة 47 حرارة المكينة دامها ما تعدي ال 105 تراك باقي في وضع الأمان
اما بخصوص المكيف انت تقول انه لاحظت فرق وهذا شي طيب
لكن الفرق الي انت لاحظته هل في ارقام على الشي الي لاحظته
يعني جبت حساس وقست فيه درجة الحرارة حقت المكيف
وفكرة انه المروحة تنكسر ومدري ايش يصير والريش تعدم الرديتر ليش تفكيرك سلبي
مو شرط انه تركب مروحة خلاص الدنيا عندك تنعدم
كثيير ناس مركبين مراوح على الرديتر الخارجي محد اشتكى
انا من الناس الي ركبوا مروحة على الرديتر الخارجي وشفت ارقام في التبريد بطله وهذا مروحة خارجيةوحتى الاداء حقها ما كان عاجبني مع ذلك اعطت ارقام كويسه
بالنسبة لي انا هذي وجهة نظري لو انك غيرت البلف فقط بدون ما تغسل وتفك وتسوي الحوسة كلها كان اوفر لك وكنت راح تشوف الفرق
وانا عن نفسي اكثر شي اهتم له المكيف حرارة المكينة دام انه في المدى ما اشيل همها
هذي وجهة نظري
يعني مو تقرا كلامي وتحسب اني جالس انتقص من شغلك ولاشي بالعكس
شغلك ممتاز ولا غبار عليه وقيد فكرت ركب بلف ال1.6 عندي لكن عدلت عن الفكرة بسبب الي ذكرته لك فوق
ولا زلت اقول هذي وجهة نظري
5
1
طرح المواضيع بالتفصيل الدقيقة يوصل الفائدة والفكرة بشكل كامل اشكرك على الطرح...
اتفق مع اخوي ms3al ...
لكن اتوقع ماني متأكد لو مريت على مبرمج وخليته يبرمج المروحة بالرقم الي تبي تفتح فيه وقضينا .
0
0
إنو مع حرارة الجو الشديدة و حرارة رديتر المكينة و الزحمة حتما سوف تقل كفاءة رديتر المكيف في تبريد الفريون و بالتالي
يقل أداء المكيف مما يضع حمل على الكمبرسور و عشان كذا نشوف معاناة أصحاب الكوري مع المكيف و الكمبرسور
فكرة تركيب المروحة اذا كانت نوع ممتاز جدا جيدة لكن تحتاج عامل مساعد و هو اما بلف رياضي زي ما ذكرت فوق
و هو غير متوفر غير بالمواقع الأجنبية , تقلي ليش بلف و خسائر أقلك يا عزيزي البلف يفتح على درجة حرارة 82
يعني قول على ما يلف ماء الرديتر داخل المكينة و يبردها يطلع درجة حرارته 85 الى 87 , غير لما تطلع الموية درجة
حرارتها 95 درجة أو اكثر فما راح تبرد بالشكل المطلوب حتى مع وجود مروحة مساعدة و هذا اللي خلاني مهتم بالبلف اكثر من
المروحة و الفرق لاحظته من خلال مراقبة حرارة السيارة نفسها و تبريد المكيف داخل المقصورة , طبعا فكرة الغاء البلف
كنت شايلها من راسي اولا لان تحمية السيارة راح تاخذ وقت بالشتاء ثانيا دوران الماء راح يكون سريع جدا و ما راح يلحق
يبرد المكينة او يبرد داخل الرديتر , طبعا مع اخذ بعين الاعتبار انو ما راح افهم اكثر من المصنعين و المهندسين
لكن عندي احتراز انو تجارب المصانع و اختباراتهم تتم في ظروف معينة قد لا تتلائم مع بعض الحالات اللي عندنا كدرجة
حرارة الطقس و الزحمة الخ, و الحمد لله راضي عن النتائج و في الاخر الصيانة تحافظ على السيارة ففكرة تغيير الرديتر بحكم
اني راح افضي الموية و انظف فبالمرة نغيره لان زي ما قلت لك سعر التنظيف مقارب ز
1
0
اول شي اشكر لك ردك
ثانيا اسأل الله ان يعطيك خيرها ويكفيك شرها
ثالثا ما شاء الله تبارك الله واضح انك فاهم الي انت تسويه وهذا شي تشكر عليه
لكن ابغا اقول لك لا تاخذ ردي كنوع من التحطيم بالعكس وحتى لو انك قلت لي تعال نطبق الفكرة بقول لك قدام
الي شفته انا ان التكلفة مرتفعه شوي بحكم انك اشتريت موية رديتر ورديتر جديد بالإضافة الى البلف
هذي كانت وجهة نظري
وابغاك اذا عندك قدرة والفكرة ممكن تدخل في راسك جرب ركب المرواح بتكون النتيجة عندك اكثر من مرضية
انا اول كنت مركب مروحتين 10 انش الان فكيتها وافكر اركب مروحة وحدة 15 انش اتجاها اجباري من المصنع لدفع الهواء
ولقيت وحدة في امازون نفس طلبي قوتها 3340 cfm وأتوقع ان شاء الله ان النتيجة راح تكون مرضية عندي
من الاشياء المهمة في درجة الحرارة
حرارة الانتيك تراه يلعب دور كبير في الصرفية وفي عزم السيارة انا سويت حل الموية وتقدر تراجع الموضوع الي سويته عن الشي ذا
حرارة الانتيك كانت تنزل بشكل ممتاز .
ادري اني دخلت المواضيع في بعض لكن قلت دامنا في موضوع الحرارة نكمل الشغل سوا
وفكرة انك تشيل البلف كويس انك شلتها من راسك لأن الموية راح تدور باستمرار وما راح تاخذ وقتها انها تبرد داخل الرديتر
اما بخصوص المكيف
اعطيك دورته وانت تعرف المشكلة فين
الفريون يخرج من الكمبروسر بضغط عالي توصل حرارة الفريون قريب ال 40 مئوية يخش على الكوندنسر او الرديتر الخارجي عشان ينزله من الحرارة بعد كذا يروح عند فالف اوصمام يقلل الضغط ويحوله من غاز لسائل المفروض درجة الحرارة توصل لسالب 2 فأقل
بعد كذا يدخل الثلاجة الداخلية بعد كذا يرجع للكمبرسور ويعيد نفس الدورة.
نعرف من خلال دورته انه الرديتر الخارجي يحتاج تبريد المشكلة الرديتر الخارجي ملاصق لرديتر الموية وهذي احد الاشكاليات.
لما تضيف مروحة انت جالس تبرد رديتر المكيف الخارجي وبتنزل من درجة حرارة الفريون ولو تلاحظ مكيف البيت فيه مروحتين وحدة للرديتر الخارجي ووحدة للرديتر الداخلي ان شاء الله تكون وصلت الفكرة.
هذا ما كان لدي واعذرني ان طولت في الكتابة
.
3
0
طبعا الريش حق المروحة Curved مايلة و و اخرها ممسوك باطار و معها كل أغراضها كلفتني 300 ريال مع الشحن
و بانتظار وصولها , اذا بغيت الرابط ارسلته لك توصلك في خلال اسبوع عن طريق الشحن الممتاز
0
0
الامور كانت طيبة ماتحتاج كل هذا التعب والمخاطرة
0
1
كفيت ووفيت
كل شيء واضح
رحم الله والديك
قبل 5 سنه