افضل مكان لتركيب العازل الحراري؟

السلام عليكم ورحمة وبركاته.

اخواني مع هالاجواء الحارة والزحمات الي ترفع الضغط قررت بعد عناء اني اركب عازل حراري وسبب هو المكيف مايلحق يبرد وايضا أشعة الشمس تحرق الراس من قوتها الله يجيرنا .

والحمد الله طلبت تظليله عازله للحرارة من الانترنت والسبب الي خلاني اطلب من الانترنت هو فارق السعر الرهيب والجودة محلاتنا الي ماتضمنهم ..

السؤال بارك الله فيكم وين افضل محلات المختصة بالعازل الي ممكن تركبها لي ؟.. بشرط مايعطوني سعر فلكي يعني بالكثير ١٥٠-٢٠٠ بالكثير

التظليل مقصوصه وجاهزه مايبغالها الا تركيب .

المكان الرياض.

إبلاغ

الردود

انا طلبت عازل من النت ورحت اي محل زينة وركبها لي ب ٧٠ ريال

abdullazeez91 -3
قبل 4 سنه و 11 شهر

abdullazeez91 مع احترامي لك تجربتك غير موفقه
تروح لاي محل زينه ويركبها لك ب70 ريال هذا وهو شغله عادي يركب التظليله مثل اي تظليله ثانيه وغيرك يركبله التظليله من عنده تظليله عاديه مع شغل اليد 70 ريال اذا امريكيه وانت جايبله التظليل بس هو عليه التركيب المفروض تعطيه بس 15 ريال لان شغله عادي

Pro rare 448
قبل 4 سنه و 11 شهر

ياعزيزي ترى رحت اكثر من محل والاغلب رفض عشان العازل من عندي مو عندهم
فبعضهم يرفض السعر اللي قلته لجميع نوافذ السيارة مع القزاز الامامي والخلفي فعطيته ٧٠
لاني ابي اخلص ذاك اليوم.

abdullazeez91 -3
قبل 4 سنه و 11 شهر

استاذ عبد العزيز ياليت تقول وين ركبتها وهل التركيب تم بشكل صحيح ومافيه اي ملاحظات؟

عبد العزيززز 191
قبل 4 سنه و 11 شهر

ركبتها في واحد من محلات الزينة اللي في شارع تويوتا في الدمام.

abdullazeez91 -3
قبل 4 سنه و 11 شهر

وبالنسبة للتركيب شغله عادي جدا لانها هي مايبيلها احترافية في التركيب.
وبالنسبة للعازل اخذته من امازون ١٠ متر ب ٣٠٠ تقريبا بس اخذت اخف شي عشان اسلم من المرور.
هذا رابط شركة العازل لو تبي تشوف http://www.hohofilm.com/index_English.html

اللي طلبته اخف شي ويعزل قرابة ٩٠٪؜ مثل ما مكتوب في الموقع والعزل كويس لكن لو تاخذ اثقل من الخفيف اللي عندي يكون افضل

abdullazeez91 -3
قبل 4 سنه و 11 شهر