أضف سؤال أو موضوع جديد          

استفسار زيت قير سوناتا 2017

up 1 down 1



السلام عليكم ورحمة الله وبركاته

اخواني الكرام استشاره

رحت اليوم الصيانة السريعه لهواندي

قلت بغير زيت القير لانه ماشي الان ٨٠ الف

والوكالة تقول ١٠٠ الف لكن زيادة حرص ومحافظه على القير قلت باغيره

تفاجأت انهم يقولون نعطيك ورقة توقع عليها

ومضمونها انه الوكالة غير مسئولة بعد تغيير الزيت عن اي عطل يحصل للقير نهائيا

سألت الموظف وش السبب قال ان في ناس يخبط عندهم القير ثم يجي ويغير الزيت بعدها يروح الوكالة ويقول تحت الضمان وانتم السبب

تناقشت معه قال هاذي سياسة الشركة

وانا احترت الصراحة اغير الزيت واتحمل اي عطل يحصل له او اصبر الى ١٠٠ الف واغيره واصلا الضمان انتهى وانا اتحمل اي عطل

وش رايكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يارجال كل الوكالات كذا مو بس هيونداي مايضمنون لك القير الافضل تشتري الزيت من الوكاله وتروح تغيره برا لي انه الوكاله بيغيرونه لك بسعر عالي وفوق هذا مايضمنونه لك القير غيره برا افضل 


up 1 down 1
fhody44 689
قبل شهر



لقيت عندهم عرض بحدود ٤٠٠ ريال تغيير زيت القير


up 2 down 0



ي رجال غيره برا 4 علب sp-iv اهم شي القير بارد

يعني اذا بتروح بنشري خلها تكون بارده والبنشري قريب افضل لك


up 0 down 3
7amood1930 261
قبل شهر



نسيت اقولك زيت الوكاله يعبونه ببرميل واسمه sp بلس حتى لو كان مكافئ لزيت الوكاله بالاخير مايعبونه لكك من العلبة الاصلية




up 0 down 4
7amood1930 261
قبل شهر



يا خوي انا معاي سوناتا ٢٠١٦ وغيرته برا الوكاله وعلى ممشى ٨٠٠٠٠ واخذت ٤ علب اللي هي العلبه الزرقاء مثل قال احد الاخوان الزيت اخذته من قطع الغيار ١٨٠ وشغل يد ٣٠ ريال يعني كلفت ٢١٠ والمره الثانيه غيرته على ممشى ١٣٠٠٠٠ عند نفس البنشري والحين ماشيه ١٤٨٠٠٠ وماشاء الله زي الحلاوه بس اهم شي غير عند بنشري غير زيت القير من فبل ويكون فاهم 


up 3 down 0



الله يعطيكم العافية والله يجزاكم خير

لو تكتبون لي اسم الزيت ومواصفاته اشتريه من الوكالة

واذا تعرفون لي ورشة ممتازة تغير الزيت اكون لكم شاكر


up 0 down 0
ابو الجاززي 101
قبل 4 أسبوع و يوم



وكاله حرامية 
ثقف نفسك شوي 
افتح كتلوج وشوف مواصفات زيت قير مناسب لسيارتك 
ثم اذهب الى محلات قطع غيار اشتر زيت ٤ علب او ٥ للاحتياط 
ثم وقف سيارة قرب بنشري وخلها ساعتين ثلاث خلها تبرد 
ثم خلة يفرغ زيت ويشوف مقدار زيت اللي نزل ٤ لتر او زود 
ثم اضيف مقدار ما نزل 
وشد صره زين وشغل وتوكل على الله ما بها الا عافية 
شغل يد بكثير ٢٠ ريال


up 1 down 2
aliqassem1 3
قبل 4 أسبوع



اذا انت ملتزم بالصيانة عند الوكالة مايوقعونك على ورقة لكن اذا موملتزم بالصيانة عندهم يوقعونك على ورقة
لكن اذا خايف غيرة عند بترومين. او ميكانيكي زين ترى كلها صرة تحت وفوق يعبي زيت بس 4علب



up 1 down 0
ابومعتز2019 365
قبل 4 أسبوع