مشكلتي مع مكيف الانترا اتمنى الرد ممن واجه المشكله

كل الورش اللي رحت لهم سباكين 

من وصفك للمشكلة ماله الا تحليل واحد من واقع خبرتي اللي هو الثرومستات  طبعاً السيارات الجديدة مدري عنها مواتري كلها قديمة مدري يجي فيها ثرومستات عادي مثلنا ولا حساس في الكمبريسر نفسه 

لكن اتوقع فيها ثرومستات او حساس في الكمبريسر اللي يتعلق بفصله وشبكته

طبعاً المشكلة عندك ان اول ما تشغل المكيف وضعه طبيعي وبارد بعد فترة ما فصل الكبريسر  تثلج الدنيا عندك وعشان كذا يبدا يطلع هواء عادي واذا طفيته رجع طبيعي وبالتالي يرجع يبرد سبق صارت لي ذا المشكلة في الباترول وصار ثرومستات وغيرته والحين الحمدلله الكمبريسر يفصل ويشبك في وقته وبوضعه الطبيعي وماعاد صار يثلج مثل اول 

اذا تبي كهربائي كويس وانت من اهل الرياض تواصل معي خاص وابشر بدلك على واحد يزبط شغلك 

موفق

ماعليش توني انتبه انك من اهل مكة بس ماقلت لي كم موديل الالنترا اللي معك عشان نشوف هل الكمبريسر حقها ميكانيكي ولا كهربائي 

الموديل 2014
كيف اعرف ميكانيكي او كهربائي؟

المشكله انا عارف ان الموضوع فيه فصله وقت تسخن السياره
لان لو فيه تنسيم ب الثلاجه الهواء بيطلع حار حتى لو واقفه

2014 الكمبريسر كهربائي 

والله وانا اخوك لوك في الرياض تامر امرك كان دليتك على رجال يزبط شغلك ويشيكها لك ١٠٠٪؜ بس مكه ما اعرف فيها ورش لكن يفيدونك الشباب ان شاء الله 

تحياتي

الله يسعدك كفيت ووفيت....
وشكلي بغير كمبرسور بشكل مبدئي عسا تنحل المشكله

اعتقد كمبروسر سيارتك كلتش اذا كانت مكينتك الكبيرة
الكهربائي جى على المكينة الصغيره في دا الموديل تاكد قبل تغيره

مكينة سيارتي 1.6

اول حاجه خطوة حلوه منك ما سمعت كلام الورش بيني وبينك وضع الورش دراااهم إلامن رحم ربي وشي حلو منك بديت بالاسهل واعطيك خطوه ممكن تحل المشكلة مر مغسلة واغسل رديتر المكيف من الخارج وجرب ممكن تزبط معاك

ياخوان عندي اوريون 2010 الكوبرسر اذا واقفه يجلس شوي ثم يفصل ولا يشبك الا اذا مشيت او طفيت زر الكومبرسر وشغلته مره ثانيه ايش المشكله؟

راعي الاوريون غير المروحة  ، لان المروحة تمون ضعيفه حتى لو هي تشتغل  ولكن ترجع تفصل او تضعف حركتها وبالتالي الكومبرسور يطفي اتوماتيكيا ليحافظ على نفسه من الخراب والحرارة وتراها  وجرب ورد لي .

وياراعي الاوريون اذا مشيت الهواء الخارجي مع الشبك يبرد المكينة والكومبرسور  وبالتالي الكومبرسور مايفصل وكذا يشتغل ويبرد 

مشكلتك قد صارت معي غسلت المواصير حقه التبريد كامله وغيرت حساس الكمبرسر وحطيت زيت خاص فى الكمبرسر تحصله فى محلات قطع الغيار مومثل الي يحطونه لك الورش يقلون لك زيت كمبرسر يجي لونه اصفر وهو غير صحيح هو زيت مكينه او زيت هيدروليك وبتالي مع مرور الوقت يحترق الزيت ويوصخ المواصير ويسكر المجاري وكذا يصير يفصل الكمبرسر ويشبك ويصير عندك مشكله فى دوره التبريد سوتنضيف وحط زيت كمبرسر اصلي تجي علبه صغيره سعرها مايتعدا 100 ريال فيه تحصل من عده شركات ومنها مستوبيشي وايسدلكو حطه فى سيارتك وبئذن الله مشكلتك راح تنحل 

عبيت فريون على فريون مرتين كيف تبيه يشتغل ؟ اصلا الفريون عندك فوق الفل دبل كيف تبيه يتشغل براحته ؟

تزويد الفربون غلط في غلط في غلط افضل طريقه سحب الفريون عند طريق المضخه الى - ٢٠

بعدين تعبي فريون جديد

طيب الى عنده المكيف باليل ثلج والظهر يبرد خفيف مره ايش تتوقعون المشكله لا هنتو؟
النهار يبرد خفيف علما ان مافيه تهريب فريون والفريون كامل والمراوح شغاله

يظلل اصلي ويحط قماش على الطبلون ويغير فلتر المكيف

في فريون يباع في ساكو اسمه a/c pro وفي سوق دوت كوم غير الفريون الي عندك ي nof55 وان شاء الله بتشوف فرق في التبريد

كان عندي نفس المشكلة في كابرس وكل واحد صار يفتي من راسه و اللي قال بيعها و اللي صار يسب الأمريكي
آخر شي طلع فيش المروحة تعبان يحتر بسرعة و يفصل