أضف سؤال أو موضوع جديد          

أبي سوناتا لكن خايف

up 5 down 2
almahdi0508 95
قبل أسبوع و 2 يوم



يا جماعة الخير أنا ودي بسيارة وسيعة وجودة طيبة
وشفت السوناتا عروضها طيبة في التأجير
لكن رحيمي وأيضا ولد عمي معاهم موديلات 14 و15 وكل شوي يغيرون مكاين وانا محتار والله
الحين معي النترا 2012 الشكل القديم حجم 2000 وللامانة سيارة جبارة
لكن أنا صاحب عائلة وودي بسيارة سيدان واسعة شوي وسعرها يناسبني

الحين السوناتا 18 و19 هل هي مكاين 15 ولا غيروها
أفيدونا رحم الله والديكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نفس المكينه ماتغيرت لاكن لالامانه معي سوناتا 2018 ماشيه معي تمام ماشاءالله لاخرابات ولاشي محركات بلدها اهم شي اهتم فى صيانتها وحط لها الزيت المناسب لها المسجل فى الكتيب وبئذن الله تمشي معك السياره عطها تعطيك 


up 4 down 1
fhody44 689
قبل أسبوع و 2 يوم



ممكن تقولي ايش هيا عروض التأجير بالضبط وعلى اي جهة ؟


up 0 down 0
7ssom 412
قبل أسبوع و 2 يوم



 المكاين غيروها من 2018 الفل كامل فقط اللي تغيرت gdi


up 3 down 1
جنتل 07 85
قبل أسبوع و 2 يوم



الافضل تشوف لك جيب كروس اوفر
اذا عائلتك عددها بسيط توسان مكينه 2000
2018 بالمعارض على ٦٥ الف و اذا تبي السانتافي الجديد بس شوي غالي و يصرف بنزين
او شف لك اي شركة مهو لازم هونداي في كيا و نيسان و غيرها

لاني مريت بمثل وضعك طفشت من سيارات السيدان من تعلمت السواقه
جيب صغير حليو و الشنطه تنفع و مرتفع ما يحك بطنه مع المطبات اذا حملت ركاب
اما السوناتا و الالنترا ما تفرق عن بعض من داخل
و اذا معزم على السوناتا انتظر الجديدة ٢٠٢٠ و شف اسعارها


up 4 down 8
1405-1985 1010
قبل أسبوع و 2 يوم



والله النترا موتر بس اللي يبي الوسع وعائلته كبيره لابد ياخذا اكبر ولكن مامن وسع بالسوناتا اما كادينزا او ازيرا اوسع  والا خذ من الصوالين  اريح لك وللعائلة وارخص مافيها الفرود الامريكي 


up 2 down 1
جبال معانيق 149
قبل أسبوع و 2 يوم



وجهت نظر الي يحط مبلغ فوق 100 في سياره سيدان ( صغيره ) غلطان 
شف السيارات كروس اوفر 
مرتفعه وحلوه ممتعه وماتحك في الارصفه والمطبات 
وتنبسط في مطر في كشته في بحر 


up 6 down 1
ابو عبد العزيز 305 395
قبل أسبوع و 2 يوم



السوناتا معرووفه بالتخبيط راح يجيك واحد ويقول معي انا وكدديتها وماخبطت مانكذبه بس انت وش لك بوووجع الراااس

شووف غيرها افضل مكيف ماش والمكينه تخبط وهذي اهم حاجتين بالسيارة النترا موتر قوووي وحمار مكده ومكينتها قوووية
وتتحمل ماهي مثل السوناتا


up 8 down 8
المنطق يقول 709
قبل أسبوع و 2 يوم



واتفق مع الاخ 1985-1405 شوف لك جيب كروس افر افضل من السيدان للعائله


up 2 down 4
المنطق يقول 709
قبل أسبوع و 2 يوم



معي ٢٠٠٩ نفس المكينة والحمدلله ماشيه تمام وولد عمي ٢٠١٢ ونفس الشي ، الي يحافظ ويغير الزيت المناسب الي موصى به بالكاتلوج ما راح يصير لها شي باذن الله ..


up 5 down 6
alshehri1985 19
قبل أسبوع و 2 يوم



انا معاي سوناتا 2016 والحمدلله ماشيه معاي فوق ١٥٠٠٠٠ وشد بلد صحيح كثير من الناس خبطت معهم لكن الله اعلم عن السبب السوناتا ١٨ عدلوها وهذي هي ماشيه ماسمعنا عن تخبيط المكينه وان شاء الله من احسن الى احسن على كل حال انت استخير وشوف الشي اللي يريحك 


up 2 down 0
الخور قريبه 379
قبل أسبوع و 2 يوم



اهل الكوري و السوناتا شدوا حليكم بالديسلايك تراه يسبب ضرر كبير لي هههههههههههههههههههههههههههههههههههههههههه

الاخوان اللي معهم سوناتا ويقولوا ماخبطت ان شاء الله ماتخبط وعقباااااااااال المليون والله يبارك لكم فيها
بس اترك كلام ورش وناس متخصصه واقول كذب مايجي اتركني من كلام الناس اللي ماهو مهندس ولامختص ولاشيء

انا اتكلم عن ناس لها بالمكاينيكا وبالسيارات وبعضهم اهل ورش حتى الاخ احمد الحربي ذكر ان حتى بامريكا يشتكون
من هالموضوع المساله ماهي تعصب اكره الكوري اسبه كله واحبه امدحه كله المساله نصيحه للرجاااال

مانبغاه يتخبور ويتخسر وخصوصا انه بياخذها تاجير واقساط وحاله النصيحه واجبه
الكوري كل مكاينه تتحمل وممتازه الا هالمكينه2400 معروفه والمكيف ماااش

واخيرا اخوي الخور قريبه ماشاء الله وش الزيت اللي تغيره وش لزوجته




up 7 down 1
المنطق يقول 709
قبل أسبوع و 2 يوم



الزيت اللي استخدمه يالمنطق هيليكس 10w30 صحيح في امريكا كثير طلعت عندهم هذي المشاكل والسبب وجود بقايا معادن داخل المكينه فتره التصنيع  مايخلي الزيت يوصل لعمود الكرنك هذا اللي قريته 


up 0 down 0
الخور قريبه 379
قبل أسبوع و 2 يوم



نعم مكينه السوناتا 2400 فيها ضعف بطرمبه الزيت والحل الوحيد استخدم لزوجه 5w30 فقططط

والحل الوحيد استخدم لزوجه 5w30 فقططط

والحل الوحيد استخدم لزوجه 5w30 فقططط

واعتقد اني اكثر عضو نزل مواضيع عن هالمكينه بتاريخ المنتدى ويؤلمني فعلا كمستخدم للكوري اشوف العالم بالقروبات تقدس شل هيلكس مع انه افشل زيت ويستخدمون لزوجات غبيه ماكنا نعرفها الا على التريلات واللي تنتهي ب 40W مثل 10w40 & 15w40 & 5w40 وبعدها يجيك يشتكي من صوت طقطقه بالمكينه او حتى تخبيط

واذا ناقشته قالك الوكاله تستخدمه؟؟؟ وانت عميان ماعندك عقل ولافكر ماتعرف تكلف نفسك دقيقتين بس وتفتح الكتلوج ووقتها لاراح تلقى اي اثر للزوجه W40 نهائيا اذا كان موديله 2017 وتحت؟؟؟ وحتى لو اضافوها بيلقى مكتوب تحت (( للحصول على أفضل النتائج بإطالة عمر المحرك وتوفير الوقود، ينصح باستخدام زيت بدرجه لزوجه 5w30 )) ولكن لاحياة لمن تنادي !!!


up 7 down 3
ابو هيثم 7 2229
قبل أسبوع و 2 يوم



ي رجال لاتعدي زيت 10w30 لاتحط اعلى وتصنيف sn وفلتر اصلي

تغير كل 5000 ولاتحرق المكينة كل شوي وبتعيش معك والافضل 5w30

وانصح بزيت موتر كرافت والابتعاد عن الشركة المعروفة اللي زيوتها مكرره ولا زيت ب 60 وبنفس المواصفات نوع ثاني تحصله ب 28 اذا كان غالي


up 5 down 5
7amood1930 261
قبل أسبوع و 2 يوم



بالفعل على مكاين 2400 مشاكل وفي امريكا رافعين عليها قضايا

https://www.carcomplaints.com/Hyundai/Sonata/2015/

ااذا صامل على السوناتا حاول تأخذ مكينة 2000 نفس مكينة الالنترا واللي اثبتت عمليتها
واذا مالك بوجع الراس خذ لك سيدان ثاني واهم شي يكون منتشر عشان مايبهذلك بالقطع

اخيارات الثانية
المازدا ميزاته الشكل والرساوه والمكيف تبريده جيد وايرباقات كامله بالسياحي ويعيبها القساوه واضيق من منافسيها
الكامري مريح وتمسك سعرها وقطعها متوفره بالموردين يعيبها السعر المبالغ فيه والمواصفات الشحيحه
التيما وسيعه وتعليقها مريح وسعرها طيب وتجنب الموديل الجديد مكينته تقنية جديده وباقي ماجرب ويعيبها القير مشاكله واجد وعليه شكواي
https://www.carcomplaints.com/Nissan/Altima/2016/

استخر ولك الخيار


up 3 down 1
sma2499 33
قبل أسبوع و يوم



والله يا اخوان ربي عالم انا معايا سوناتا 16
و ادخل على اسمي تشوف مواضيعي عنها
كل شي تمام ومحافظ تمام بس كنت اغير الزيت في بيترومين
10w30
وما ادري انه سيئ وخطبت المكينة و انا ماشي 98 الف و الله الشاهد عليا
و السيارة لسه اقساط الشركة قالت ما يشملها الضمان عشان فلتر زيت
غيرته في بيترومين على ممشي 20 الف
و حتى وزارة التجارة ما انصفتني
وسعر المكينة في الوكالة 32،800 ريال
خسرت بس بينزسطحات وورش و الضمان 5 الاف ريال
ولا اخذت شي ولا يعرفو سبب التخبيط على قولهم
و يقولك لو فيه شحم في المكينة ما يشملها
حتى لو ماشية 10 الاف
وغيرت مكينة من التشليح ب 5 الاف مع التركيب
الحمد لله على كل حال السوناتا سياره بطله وكل شي فيها
حلو الا عيوب قد ذكرتها ومنها المكينة و لزوجة الزيت السيئة
اللن ماشي على كلام اخونا ابو هيثم كلامه 100%
صرت استخدم زيت موتر كرفت 5w30
و الحمد لله ماشيه اموري
لكن فعلا وجعت قلبي ووانا شخص محافظ جدا جذا
الحمد لله على كل حال


up 1 down 0
sweetsaad 173
قبل 3 يوم و 19 ساعه



الصامل لا يشاور . ولا كل موتر وفيه عذروبة ,


up 0 down 1
فهد ابن حسين 70
قبل 3 يوم و 2 ساعه