أضف سؤال أو موضوع جديد          

وش افضل اغير المكينه او تتصلح

up 1 down 0
samerali6114 10
قبل سنه و 2 شهر



السلام وعليكم ورحمه ياشباب عندي مشكله بالسياره
خلطت مويه وزيت هل تتصلح المكينه او تتغير مع
العلم موديلها ٢٠١٠ ومقاس المكينه ١٦٠٠







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هي توفيق من عند رب العالمين وعلى حسب الميكانيكي

برمضان وضبت مكينه باثفندر قطع تجاري واول اسبوع قامت تخرخر زيوت ومويه
ونشبت للميكانيكي ورجعت نص المبلغ
وبعدها اتفقت مع واحد مكينه مستعمله ضمان شهرين وسقطتها وطلعت فضل من الله ولا اروع

لو تبي توضب
اولا ميكانيكي فاهم فاهم فاهم وشاطر ويخاف ربه حتى لو سعره غالي هذا حقه ومجهوده
ثانيا كل مسمار وكل قطعه لازم اصليه

بعدها تضمن باذن الله ان مكينتك عال العال لان الميكانيكي والقطع تلعب دور
وراح ترتاح نفسيا لان شفت وشريت كل شي بنفسك

المكائن تختلف بعضها تيجي موضبه وينضحك علينا وبعضها استيراد وبعضها انت ونصيبك

عموما لو قررت تبي تشتري مكينه اهتم بشكل المكينه ونظافتها من برا ومافيها زيوت تهرب
والضمان اطول مده

عموما المكائن بشكل عام تبان من شكلها يا انها نظيفه او معدومه وترا تبان لو هي اتفكت قبل كذا وتوظبت

خلك فطن ولا تستامن احد خذها نصيحه وكل قطعه او اي شي لو مسمار خذ عليه فاتورة وخليها معاك
عشان محد يجحدك حتى الميكانيكي خذ عليه ضمان وفاتورة وخله يوقع ويبصم




up 4 down 5
فـــ9ـــد 431
قبل سنه و 2 شهر



اذا خالطه ومافيها صوت ولاشي ولافيها صرفيه زيت قبل سو لها غسيل المكينه ود الراس المخرطه يسوون له مسح واشتر وجه راس اصلي وركبه مايحتاج توضيب كامل طالما مافيها صوت ولاشي والتكلفه بسيطه مقارنه بسعر التوضيب الكامل اناقد خلطت معي اكسنت مسحت الراس وغيرت وجه الراس وفرغت كامل الزيت القديم وعبيتها زيت غسيل وخليتها شغاله ربع ساعه وفرغت زيت الغسيل وفكيت الكرتير ونظفت الشخال من الرواسب وعبيتها زيت ماشاءالله المكينه هاديه واستخدممتها سنه وبعتها ماتشكي من شي 


up 6 down 1
k 6 4 i 1030
قبل سنه و 2 شهر



مثل ماقال اخونا fhody44  وان مانفع  لاتوضب التوضيب قليل يضبط احسن لك تشليح ومع الضمان يمديك تغيرها الين تلقى وحده زينة 


up 6 down 0
جبال معانيق 278
قبل سنه و 2 شهر



مع الشباب فهودي ٤٤ وجبال المعانيق


up 2 down 0
m7md 33 1148
قبل سنه و 2 شهر



ركب مستورد و ارتاح مع ضمان


up 2 down 1
حمود بنز 173
قبل سنه و 2 شهر



اذا كانت خالطه مويه وزيت ومافيها صوت المكينه تحتاج مسح للراس وتركب وجه اصلي وكاله وامورك بالسليم مثل ما قال fhody44


up 0 down 1
الخور قريبه 423
قبل سنه و 2 شهر



غير افضل لو صلحتها حتى لو القطع اصلي ماراح تجي مثل الوكاله ف غير اريح لك


up 2 down 3
abdulaziz bin ateeq 262
قبل سنه و 2 شهر



توضيب عند ميكانيكي ممتاز مع وجود
الضمان
او تركيب مستعمل من مكان ثقه مع
وجود الضمان
بالتوفيق لك وللجميع


up 0 down 3
لا للغلاء 804
قبل سنه و 2 شهر



شباب طلعت طرمبه الزيت خربانه هل هي السبب بالخلط افيدوني
البعض يقولي بسبب الطرمبه حقت الزيت


up 0 down 0
samerali6114 10
قبل سنه و شهر