أضف سؤال أو موضوع جديد          

تنبيه لاصحاب الازيرا والسونتا 2011و2012

up 10 down 0
ابوعبدالله 055 62
قبل 8 سنه و 3 شهر



يا اخوان قبل كم من يوم رحت انا وخويي للصيانه هونداي كان عنده مشكله في الجلب حقت الدرايش المهم مالكم بالطويله رحنا دخلنا الموتر لقينا واحد يشتغل فالصيانه وشكله ابن حلال وسألناه عن عيوب السونتا والازيرا المهم قالنا ان الازيرا 2012 فيها المكيف يحتر فجئه يعني يقفل الكمبرسر وبعد فيه صوت فالمكينه يطلع لك بعد فتره اذا شريتها اما السونتا 2011و2012 فيها السقف يعلق عليك فجئه ,,اذا كانت بصمه فانها بعض الاحيان ماتشتغل معك الا بعد كم مره وبرضوا فيه مشكله المكيف نفس الازيرا ... ايضا القير يعلق او يطق طقه قشرا ,, طبعا كل هذا الكلام اللي قلته يعتبر اخطاء مصنعيه والوكاله تفادت هذا الاخطاء في موديل 2013 زبده الموضوع اللي معه سونتا او ازيرا من الموديلات اللي ذكرتها يركز على الاشياء اللي قلتها اول ما يصيرلك شي من الاشياء على طول رح للوكاله وهم يزبطونك ... حبيت بس افيدكم وانبهكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافية وماقصرت ...

لزوم أبلّغ أخوي بالسالفة :)


up 0 down 1
فانتازي 1794
قبل 8 سنه و 3 شهر



حياك الله اخخوي ..


up 1 down 1
ابوعبدالله 055 62
قبل 8 سنه و 3 شهر



اعرف كم واحد معه سوناتا وازيرا ماشيات فوق ٧٦ الف كيلو يمدحونها 


up 2 down 3
fahad77777 1071
قبل 8 سنه و 3 شهر



مو كلها بس الاغلب انا بعد اعرف واحد معه سونتا 2011 معلق السقف معه



up 1 down 0
ابوعبدالله 055 62
قبل 8 سنه و 3 شهر



الحمدلله اخر مره شفت الوكاله
فيه يوم اطلع موتري 
والحين ماشيه ٣٦٠٠٠ ولاصار اي شي الحمدلله
وماشفت الا كل خير ماشاء الله



up 0 down 0
azera .. 2012 3505
قبل 8 سنه و 3 شهر



يا اخوان اقرو الموضوع زين تنبيه فقطط ... هذا جزا اللي بيساعدكم او بينبهكم !؟


up 3 down 1
ابوعبدالله 055 62
قبل 8 سنه و 3 شهر



مشكور يا ابو عبدالله ع المعلومه الطيبه من هالوجه الطيب وجزاك الله الف خير 

بالنسبه للازيرا مع واحد من الزملاء 2012 وفيها مشكله تحت يعني اصوات وقربعه ولما يروح الوكاله يقولون طبيعيه ولما رجعها مره ثانيه جاه واحد طيب شرواكم وقال له خل الموتر هنا وانا بضبطها والحمد لله يوم خذا السياره العصر والموتر تغير مره وصار طبيعي 

بس التنبيه مهم والسيارات الكوريه حظك نصيبك والله يستر من الجاي 

بالتوفيق 


up 3 down 0
camry grandi 99 7274
قبل 8 سنه و 3 شهر



اخوي ابو عبدالله
مشكور وماقصرت وماقلنا شي يالغالي
انا اتكلم عن نفسي


up 1 down 0
azera .. 2012 3505
قبل 8 سنه و 3 شهر



ابو عبدالله والله انك صادق اغلب الي بالموقع سبب بيع السياره يقول لـ التغير مع انها مديلها 2011 -2012 ؟ شي غريب ؟ بالنسبه لي اخوي ازيرا من حسن حضك جاك موتر كويكس .. ماشاء الله ~) عشان ما تقول عطيتك عين خخخخ


up 1 down 0
yazeed793 7884
قبل 8 سنه و 3 شهر



طقة القييير موجوده عند اخوي وغالباً تكون اذا جا يوقف ويعشق الموتر بدون مايسحب الهند بريك قبل فيكون الحمل على القير فتلق السياره تتحرك شوي وتسمع الطقه ،، جرب اذا وقفت تسحب الهند بالبدايه وشيل رجلك من البريك الين تستقر السياراه وعشق ،، شكرا ع النصااايح ياعسل


up 1 down 0
شكلين مابحكي 3160
قبل 8 سنه و 3 شهر



مشاكل السوناتا في موديل 2011 اما 2012 و2013 مافيها مشاكل بخصوص السقف والازيرا ماسمعت عنها مشاكل
ابدآ .. طقة القير مع خويي النترا اول دفعه نزلت في الوعلان 2012 فيها صوت طقة بالقير ولا راح للوكاله ولا سوا شيء
هو اساسآ مهمل السياره قالبها رالي ف البر وينقز رصفان عليهآ .. شكرآ ع التنبيه


up 1 down 0
الالنتراوي 5150
قبل 8 سنه و 3 شهر



اكسنت + النترا + سوناتا + ازيرا + اوبتيما + سيراتو كلها احلى من بعض كشكل وعملية وسعر ومواصفات وقطع رخيصة شكرا هيونداي وكيا 


up 1 down 0
majid__120 410
قبل 8 سنه و 3 شهر