أضف سؤال أو موضوع جديد          

هل اغير اول تغي للزيت في الوكالة لسوناتا ؟

up 1 down 1
سبحان الله عدد خلقه 4607 1
قبل أسبوع و 5 يوم



سلام عليكم 
يالربع معي سوناتا
ماشية الحين ٢٠٠٠ كيلو ماشاء اللهز
وش تنصحوني 
هل اغير او اول تغيرة في الوكالة ام في مركز معتمد ام اغيره عند بنشري 
وش افضل زيت لها الي ممتاز للمكينة 
لاني اسمع اغلبية ملاك سوناتا تتخبط مكاينهم في حدود ممشى ٨٠ الى ١٠٠ الف 
ياليت تفيدوني وشكراً







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اتصل علوكيل من الرقم على موقعهم واسالهم عن تكلفة التغيير
ومن ثم قارن بينها وبين بترومين والزيت الي تختاره لازم يكون "تخليقي" اذا الوكيل مايوفر تخليقي او سعره جدا مبالغ فيه
فشوف فبترومين واذا الاثنين بالغوا بسعر التخليقي ووصلوه فوق180ريال بهذه الحالة شف المراكز الثانية وقبل ماتبدل عندهم تروح تسال الوكيل
هل المركز معتمد عندهم او لا لأن كثيرين غيروا بمراكز برا والغى تأمينهم بسبب انه مركز غير معتمد

ونهائيا لاتمر البنشريي ولاتقرب له ولاتفكر فيه وبالنسبة للمراكز هذه لستة وزي ماقلت قبل تغير تتاكد انه معتمد عند الوكيل حقك :

1- بترومين
2- ون ستوب
3- اي سي ديلكو
والفاتورة اهم شي ماتضيعها وتطلب منها 3 نسخ مختومة او اكثر واذا رفض العامل انشب لين يعطيك نسخ منها الورقة تكلف هللات وانت دافع مبلغ


up 1 down 1
انت اخر امالي 691
قبل أسبوع و 5 يوم



اول صيانه سوها فى الوكاله الى هي على ممشى 5000 ميلو تكلفه الصيانه عند الوعلان 199 ريال يحطون لك زيت 15w40 
بعدها بترتفع سعر الصيانه الى هى على 10 الاف كيلو 700 ريال 
الافضل بعد صيانه 5000 تسوي الصيانه عند مركز معتمد مثل بترومين  عشان مايلغي الضمان تكلفه الصيانه عند بترومين كل 5000 كيو تقريبا 120 ريال وفيه عروض تجي اخر الشهر يصير 89 تقريبا 
نوع الزيت الي يحطه بترومين فيه 10w30 وفيه اخف الي يمشي 10 الاف كيلو عن نفسي احط 10w30 ماشاءالله صوت المكينه ناعم مااشكي من شي واغيره كل 4000 كيلو 


up 1 down 2
fhody44 739
قبل أسبوع و 5 يوم



انصحك تاخذ الزيت من محلات قطع الغيار اسمه A1 بترومين
رقمه 5w30 ويطول من عمر المكينه
معي 2014 واستخدمه لها والحمد لله امورها عسسل يارب لك الحمد
خذلها ٥ علب اعتماد ديكسوس.. سعر العلبه ٢٢ ريال.. تكلفك ١١٠ريال تقريبا والسيفون خذه من الوكاله بحول ٢٠ريال
وغيره عند بنشري ياخذ شغل يد ٣٠ ريال
تكلفك الشغله ١٥٠ ريال
وتطول من عمر محركك
ومضمون ١٠٠٪ لانك مشتري الزيت بنفسك وعليه اعتماد ديكسوس وشاري السيفون من الوكاله
اللي يخبط مكاين السوناتا.. هو زيت ٢٠في٥٠ دايم بترومين الغبيه تغير لهم هالرقم وهذا ثقيل جدا
وتغير لهم سيفون غير اصلي.. يقولون اصلي لكن ماهو مطابق للوكاله ابدا ابدا

فاسحب على الوكاله وبترومين.. واشتر الزيت والسيفون بنفسك وغيره عند بنشري وياخذ ٣٠ ريال شغل يده.. والسوناتا تشيل ٤علب ونص مع السيفون


وعشان احمسك.. واحد معه كادينزا 2014 عداده حاليا اكثر من 350 الف ماشاءالله. ويسوي هالطريقه.. يشتري زيت بترومين A1 وسيفون وكاله ويغير كل ١٠ الاف او ٩ الاف.. واموره ممتازه ماشاءالله

للعلم بترومين تبيع العلبه ب ٦٠ ريال.. خذه من محلات قطع الغيار ب٢٢ ريال

موفق


up 1 down 4
ابوخالد1397 2521
قبل أسبوع و 5 يوم



اخوي سيارتك جديدة ماشاءالله ليش تغامر وتسويه عند محلات عاديه؟

الله يعينك او شي سوي بالوكالة بعدين سوي بمراكز متخصصه ومعتمدة
واحتفظ بالفواتير او على الاقل راح تكون محفوظه عند المراكز المعتمدة بالسستم
ولوا احتجت فواتير يطبعونها لك
يعنى خلك في السليم لين ينتهي الضمان


up 2 down 0
bander03 196
قبل أسبوع و 5 يوم



في السعودية هواندي لهم ٣ وكلاء وكل وكيل وله زيت
الناغي يغير زيت اسمه سيرفو servo ٣٠/١٠ وعندهم منه ٣٠/٥ وخيروني بينهم وكانت الصيانه الاولى ٥ الاف .. جرب الوكاله كأول مره وبعدين اختر الي يريحك انا شكلي بسحب عليهم


up 0 down 1
alshehri1985 25
قبل أسبوع و 5 يوم



كان معي سوناتا 2017 كنت اغير الزيت عند الوكالة ( الخدمة السريعة ) لو تكتب بقوقل ماب يوصلك لأقرب فرع عندك اكتب ( الخدمة السريعة هونداي ) طبعاً هذا بالرياض مدري عن المناطق الثانية
المهم الوكالة يحطون زيت ثقيل مرة لزوجة 20W50


up 1 down 0
المميز دائما 1
قبل أسبوع و 4 يوم



كان معي سوناتا 2017 خبط وانا مواظب على التغيير بالوكالة والله على ما اقول شهيد ، ولا مرة غيرته عند بنشري والنهاية مؤلمه ، اعتقد عيوب مصنعيه وبعتها على طول


up 1 down 0
المميز دائما 1
قبل أسبوع و 4 يوم



المميز دائما
خبطت عليك لانك تقول الوكاله يحطون لك زيت 20w50
هذا سبب رئيسي للتخبيط
ثقيل جدا جدا جدا على السياره
الزيت اللي يطول من عمر المحرك ويعمر به هو 5w30 تخليقي كامل.. وغيره على ٨٥٠٠ الى ٩٠٠٠ الاف كيلو
واشتر بنفسك الزيت والسيفون. اضمن لك وارخص بمراحل.. وسوه برا ب ٣٠ريال.
تصدق كنت احسب مراكز بترومين اللي تغير للسوناتا 20w50 طلعت حتى الوكاله.. حسبي الله عليهم


up 0 down 0
ابوخالد1397 2521
قبل أسبوع و 3 يوم



ابو خالد 1397
حنا بلانا من الوكيل نفسة ، ولو خبط موترك وانت ماسويت الصيانة الدورية ما يعطونك وجه وهذي حجتهم حتى لو ممشى السيارة 10 الآف


up 0 down 0
المميز دائما 1
قبل أسبوع و 2 يوم