أضف سؤال أو موضوع جديد          

بخصوص مكيف النترا وخراب الكمبرسور

up 0 down 0
ابو علوه ...
قبل شهر و أسبوع



السلام عليكم ياشباب
انا عندي النترا ٢٠١٥ المكينه الكبيره ٢٠٠٠ سي سي
خرب علي الكومبريسور مرتين المره الاولى غيرته وكاله ورجع خرب بعد ٨ شهور
والثاني كوري درجه اولى وخدم اكثر من حق الوكاله بس المشكله كلها يجي فيها بلف وماتبرد كويس وتخرب بسرعه

المهم في ناس نصحوني ارهم كوبريسور تيرسل او كورولا ٢٠٠٥
بس سمعت انه يسوي رجه في المكينه ويثقلها ويقلل عمرها
وفي ناس قالو ركب حق النترا ٢٠١٣ كلتش

اتمنى تنصحوني يا اصحاب الخبره والتجربه .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا بترهم كمبرسر احسب حسابك انه بيرهم لك قواعد وبيركب لك كتاوت عشان يوصل كهرب 12 فولت وبيقص ويلحم فى الماصوره الواصله لكمبرسر 
انامرهم حق كامري على كابرس تقدر تخش على اسمي وتقرا موضوعي 
من ناحيه رجه المكينه مافيه رجه بس ثقل العزم صراحه اذا شغلت المكيف ثقل العزم شي بسيط 
الكمبرسر ابوكلتش تبريده ثلاجه ماشاءالله الي مركبه حق كامري 2002 ماشاءالله ممتاز ورخيص 


up 1 down 0
fhody44 803
قبل شهر و أسبوع



اشكرك لمرورك اخوي fhody
ماشاء الله تبارك الله مكينه الكابرس كبيره وتستحمل كلتشات كبروسر الكامري
مكينه النترا صغيره وما ادري تستحمل ولا لا


up 0 down 0
ابو علوه ...
قبل شهر و أسبوع



وقت تغير الكمبروسر، سويت تنظيف للدائرة وغيرت رديتر المكيف؟


up 0 down 0
dell2012 881
قبل شهر و أسبوع



ما فيه كمبرسر يخرب بعد 8 شهور

الا اذا فيه مشكلة ثانية هي السبب بخراب الكمبرسر، ويمكن تسبب ضعف التبريد

حل هذه المشكلة هو الي يفيدك وليس الترهيم، لانك مهما رهمت وركبت كمبرسرات كلها بتخرب


اول خطوة ابحث عن فني مكيفات شاطر يعرف سبب خراب الكمبرسرات وبعدين فكر وش تركب اصلي او ترهيم


up 3 down 0
نديم الطيف 145
قبل شهر و أسبوع



نعم الفني قام بتنظيف الدائره كامله اخويdell2012
بس المشكله الكمرسور ابو حساس(بلف) مايتحمل زي الكلتشات


up 0 down 0
ابو علوه ...
قبل شهر و أسبوع



اخوي نديم انا في مدينه الرياض والحراره الف
وكثير يشتكون من كمبروسور الحساس لانه مايتحمل حراره وخرب بسرعه


up 0 down 0
ابو علوه ...
قبل شهر و أسبوع



متآكد مكينتك 2.0 ؟ اخبرها تجي كلتش حتى موديل 2014 كلتش ماهو بلف


up 0 down 2
7amood1930 241
قبل شهر و أسبوع



حبيبي حتى اللي ولف هنا بالمنتدى كمبروسر كلتش خرب عليه
اول شيء دور على ورشة تكييف امين وشاطر
ثانيا انصحك لا تولف
منت اذكى من اللي صنع السيارة
ثالثا ماذكرت هل لما غيرت الكمبروسرات غيرت معها رديتر المكيف
لان ضروري تغيير الرديتر وتنظف الدارة كاملة

رابعا استخدامك للمكيف هل انت تشغل المكيف وانت ماشي بالسيارة بسرعة كبيرة
ترى الحركة ذي تخرب الكمبروسر



بالنسبة لتوليف فيه من يسب وفيه من يذم ولا نجح معه خسر فلوسه واضطر يبيع السيارة



up 1 down 4
مساعد2018 51
قبل شهر و أسبوع



 ركب كمبريسور الكوري HCC ابو كلتش حق الموديل القديم حدود ٧٠٠ ريال
مع تغيير راديتر المكيف ب٢٥٠ تقريبا
وتنظيف الدائرة بالكامل.من الاوساخ 
واشتري معك كتاوت اصلي ياباني او امريكي حدود ٥٠ ريال
واشتري زيت كمبروسور اصلي اي سيدلكو حدود ٥٠ ريال
بعد.التنظيف خلي الفني يسوي فاكيوم سحب لكل الهواء والرطوبة في المواسير تم تعبة زيت كمبريسور ثم فريون اصلي امريكي نوع هوني ويل جينترون 

بالتوفيق 
ولاتنسانا من اي دعوة طيبة



up 1 down 0
mr-x911 17
قبل شهر و أسبوع



الله يجزاكم خير يا اخوان وماقصرتو على النصايح


up 0 down 0
ابو علوه ...
قبل شهر و أسبوع



بالنسبه للكمبريسور Hcc اركب حق اي موديل؟!
ولا قصدك الشكل القديم ؟


up 0 down 0
ابو علوه ...
قبل شهر و أسبوع



السلام عليكم ورحمة الله وبركاته
عندي النترا 2016م المكيف أتعبني
سنتين ممتاز بعد ذلك المكيف مرة حار ومرة بارد
غيرت حساس الكمبروسر واشتغل شهرين ممتاز
بعد ذلك عادت المشكلة من جديد مرة حار ومرة بارد
غيرت الكمبروسو ولديتر المكيف واشتغل شهرين أو ثلاثة
وعادت المشكلة من جديد مرة حار ومرة بارد والأغلب حار
هل لدى احد حل لهذه المشكلة أو يعرف مهندس يحلها
أنا من مكة .. جزاكم الله كل خير .



up 0 down 0
مركز 2015
قبل 2 أسبوع