هل تغيير صفايه البنزين ضروري

أي فلتر أو صفاية في السيارة لابد يتغير لكن بعض الشركات توصي بتغييرها 
كل ١٠٠ الف وفي النهاية هي تعتمد على نظافة الوقود

وبالنسبة لي شخصياً ثلاث سيارات سبق ملكتها تجلس معي خمس او ست سنوات
وابيعها ماعمري غيرت الصفاية والممشى حول ٢٠٠ الف

أهم شئ غير بواجي وسير المكينة والفلاتر والجوزات شيك عليها والباقي خلها الين تخرب

اذا الفلتر داخل التانكي مشكلة

نعم الفلتر داخل التانكي هذا اللي مخليني ما اغير لانها شغلانه وبالنسبه للبواجي على طول اغيرها وبالنسبه لسير المكينه الى ما غيرته 

عندي النترا وغيرت الفلتر في البيت عند ال 100 ألف ، أما السوناتا لدى صديقي واحدة 2012 غيرها لأول مرة بعد ال 300 ألف ريال ، وأذكر الفني غير الفلتر عن طريق الركوب في شنطة السيارة

سعر القطعة للسوناتا لا أذكره لكن التركيب ب 40 ريال تقريبا

بخصوص موقعها داخل التانكي ماتاخذ وقت وتغييرها سهل وافتكر غيرت صفاية لكزس ٢٠١٣ لان التانكي يعبي هوا وعلى كلامك اذا محافظ والبنزين ماينزل الربع مافي سبب تغيرها

سيارتي كادينزا ١٥ نفس الصفاية تقريبا
اغلب تفليلات البنزين من محطات معروفة او جديدة واحيان قليلة محطات قديمة

غيرت الصفاية على ممشى ٢١٧ الف وكانت متسخة بس ماكان فيه مشاكل ولله الحمد غيرتها كذا صيانة

اذا انت مقتنع بالتغيير غيرها اما اذا لا اتركها

الكوري والياباني غير عن الامريكي الطرمبة والفلتر يتحملون 10 سنين واكثر ماتفرق

وبالنسبة للفلتر كل فلتر بالحياة حتى فلاتر الماي وحتى لو الماي نظيف لازم تتوصخ مع الوقت

على كلام المصنع في الكتالوج المفروض تغيرها كل ٦٠ الف كيلو وانصحك تغيرها
انا سيارتي ماشيه ١٨٠ الف وغيرتها مرتين حتى الان اوبتيما نفس السوناتا واساسا الفلتر رخيص قيمته ٤٠

بعد ١٠٠ الف تلاقي البنزين اسود

تبغى نصيحتي؟؟؟ 
لاتغيرها دامها شغاله تمام 
عندي توسان ٢٠١٠ الشكل الجديد بعد ٤ سنوات من الاستخدام غيرت مضخة البنزين مع الفلتر 
مع العلم انها كانت شغاله تمام بدون مشاكل 
حتى الميكانيكي قالي بالحرف الواحد المضخة جديد ليش تغيرها؟؟  لكن عشان الفلسفه غيرتها 
كنت اقول خلاص راح عمرها
الآن غيرتها ٣ مرات وآخر مره أمس...
نصيحتي لك لاتفكها الا اذا خربت وبس 

الله يعطيكم العافيه ماقصرتو على ردودكم وارائكم

فلتر البنزين يفضل على 200 الف