ازيرا 2015 فل 6 القير معلق على 3-4

ملاحضه ك نصيحه

رحت بترومين وغيرت زيت دركسون شفط وغسيل بزيت من الفلبيني النصاب 
خذيت شهر وصار عندي اصوات طلع به تهريب من مكينتهم خربتت المواصير

وصرت اعبيه كل شهر ربع او اقل 

بترومين بدوا العمال يسوون الحركات اللي هججتنا من حفر المحطات و هي ينزل تحت يكسر لك قطعة و يقول لك هذا البرغي بديل ب25 ريال. و لكن انت شاري السيارة من الوكيل ما رجعت لهم ولا مرة وين لاقي فلوسك

بالنسبه للمكيف شيك على فلتر الهواء
وبالنسبه لمشكله تغيير النمر في القير
ابيك تغسل السياره بالبيت ولكن اول شي بعطيك طريقه وتتبعها
جيب مويه واسكبه على الزجاج الامامي ابيك تغرق الزجاج لين ينزل من تحت السياره وجربها
اذا طبيعي جرب في الرفرف الايمن بين الكبوت والرفرف وجرب تسوي هذي الطريقه لين يبدا العطل معك اذا بدا في الزجاج الامامي تفك الكبوت وتشوف وين المويه منكبه وهل يوجد فيش او حساس وتجيب استشوار وتنشف المويه وتجرب السياره انا اتوقع شغلتك افياش تتاثر من المويه

واذا قصدك غسيل اسفل السياره سوي نفس الطريقه جيب استشوار ونشف فيش واحد لين تتاكد انه نشف وجرب السياره وهكذا لين تحصل الفيش المعطوب

الاخ عبدالله متعب دام طلعوا لك مشكلة بالدركسون فلا تخلي اي احد يلعب فيها.
رح مركز الطاير في الصناعية القديمة هم متخصصين في الدركسون والهيدروليك وسعرهم رخيص بالحيل بتلاقيهم فل ماشاء الله شغلهم طيب

القير هذا المفروض يغطيه الضمان ليش اهملته كل هالسنين؟ المفروض تروح الوكالة توريهم المشكلة وكان غيروا لك القير عالضمان هذا شي ما ينسكت عنه مدة طويلة

مستنير: الله يعين عليهم رجعت لهم وعبوا نص علبه مجانا وقالوا ارجع لنفس المحل اللي غيرت منه
قلت الفرع الثاني بمدينه ثانيه قالوا ارجع.. الدنيا مشاغل وانا استاهل اللي اطيع اجنبي منغر ان الفلبيني ما يغش
صرت اغير الزيت بنفسي عقبهم ودرس
شاري اقصاد واول مره اجرب وكاله ولا اعرف نظامهم انغشيت صحيح منهم وإهمال مني
Qoowoop: ماقصرت يابعد روحي المكيف زبط عقب فلتر الهواء واشكرك كثير الشكر ناوي افك الثلاجه ع كلام المحلات
واللي يقهر محل قالي نقص فريون اقوله الهواء ضعيف يقول فريونك ناقص ولله الحمد
مشت الأمور عقب الفلتر حق المكيف والمكينه سوا ♥️
ابسوي هالطريقه انشاء الله تنفع مثل المكيف
Prince_nayf : القير المشكله اذا غسلت السياره بالبدايه كان ياخذ فتره ساعتين ويتعدل واحيان ليله كامله اقوم الصبح طبيعي
اجي الوكاله يقولون مافي مشكله القير، بعد ماينشف الماء يرجع طبيعي 100٪
لين اخر مره علق بس بعد ماتعديت 100 الف وابحين قبل امس غسلت السياره وشغلته الظهر للدوام
رجع القير طبيعي ومشيت 70كم تقريبا وفجأه قفل القير ع رابع نفس اول 4-3
وصار اول ما اشغل السياره وهي بارده تاخذ 10 دقايق وبعده يعلق القير ع 4


مشكورين عموما ع الردود وماقصرتو جميعا