مشكله في قير النترا 2017
13
1
إضغط هنا للإخفاء
بقولكم اللي حصل معاي قبل اسبوعين تقريباً ... اللي حصل وانا كنت واقف بسيارتي من نوع النترا 2017 قير توماتيك ... وحطيت السياره عال d عشان تمشي الا عزمها ضعيف ومعلقه على النمره رقم 4 لاني حطيتها عادي وطلع الرقم 4 ... المهم طفيت السياره وخليتها خمس دقايق ورجعت زبطت وبعد ربع ساعه رجعت نفس المشكله علقت عالنمره الرابعه ... فصلت البطاريه ورجعتها وزبطت ونفس المشكله رجعت بعد دقايق حاولت اطبق نفس الطريقه افصل البطاريه واشغلها مازبطت قعدت شابكه عالنمره ٤ ... المهم قلت لا اتفلسف وخليني اوقفها وبكره اوديها الشركه ... وللعلم السياره ماشيه 120 الف تقريباً يعني طلعت من الضمان ... فاليوم الثاني تواصلت مع الشركه وقالو لي لازم تحجز موعد واقرب موعد بعد اربع ايام ... وانا فنفسي ضاربتني النفسيه ومقهور والسياره جديده .. قلت خلاص احجز بعد اربع ايام ... وقلت خليني اوديها الورش اشوف اش المشكله ... لان من كثر ماني موسوس ومقهور ماخليت موقع فالنت مابحثت فيه على نفس مشكلتي ... المهم فاليوم الثاني شلتها بالسطحه ورحت للصناعيه ... و الله لا يوريكم وش صار معي ... كل واحد يعطيني من راسه ... اللي يقول القير ضرب ولازم تغير قير واللي يقول مخ القير وسخان ولازم تغيير مخ قير او تغير قير كامل واللي يقول غير الزيت يمكن يزبط معك واللي يقول كلتشات ... كل واحد يعطيني من كيسه ... المصيبه سالت عن سعر القير قالو فالوكاله سعره فوق العشره وتشليح فوق الثلاثه الاف ... وبعد ومارحت الصناعيه زادت النفسيه علي حتى المواقع الاجنبيه دخلت عليها ... المهم قلت خليني انتظر موعدي فالشركه واخلي النتيجه الاخيره عندهم ... وداومت فعملي وشافني واحد من خوياي مهموم وعلمته سالفتي ... وقالي اسمع موعدك حق الشركه باقي عنه يومين ... وفيه ورشه فالحي حقي صاحبها واللي يشتغل فيها سعودي وشخص يخاف الله وخبره ... خله يكشف عليها ... المهم سمعت كلام خويي ورحت بالسطحه للورشه اللي قال عنها ... الا جا السعودي وطلع جهاز الفحص وقام يفحص كمبيوتر وقال ماطلع لي اكواد فالجهاز ... وراح طفى السويتش وفصل اصبع البطاريه وقام يصقع اصبع البطاريه عالبطاريه 10 مرات ... شوي قالي شغل ... شغلت وقال عشق وعشقت الا القير يرجع عالنمره الاولى ويزبط ... وقالي تعال اركب نجربها وفعلاً جربها وقال القير عندك زي الحلاوه وتغييرته كلها مافيها لا حنه ولا تاخر ولا شي ... وقال مشكلتك كانت تعليق الحساس عالقير الرابع وانا سويت لك اعادة تهيئه للكمبيوتر وان شالله معد ترجع لك المشكله ... انا انصدمت ولا صدقت .. لي يومين حاط فراسي ان القير تالف واني لازم يا اغيره يا اوضبه ... فالاخير حل مشكلتي بس برمجه ولا اخذت ثواني .... بعد ماطلعت من عنده باقي فراسي الوسوسه ... قلت اكيد المشكله بترجع مو معقوله راحت واخذت اجرب السياره يومين قبل موعدي فالشركه وفعلاً السياره زي اللوز ولا رجعت المشكله ولا شي .. ورحت لموعدي فالشركه عشان اتطمن زياده ... وقلت لهم اللي حصل وشيكو عالسياره وقالو سيارتك مافيها شي ... ولها الحين اسبوعين من المشكله والحمدلله زي الحلاوه معي ... فحبيت انصحكم لا تاخذون بكلام حقين الورش وحاول انك تستشير ناس كثير لانه ممكن مشكلة سيارتك تكون تافهه
إبلاغ
الردود
1
0
اول ماتفحص حساس القير وا انك تغيره
اغلب المشاكل بسبب الحساس فقط وقميته ماتتجاوز 250﷼ ان ماخاب ظني لاني قبل كذا سويته بنفسي بالبيت
اقل ورشه قالتليانه القير فيه مشكله مو حساسات ولاشي
توكلت على الله وغيرت حساس وزبط
واحد من الشباب كان نفس مشكلتك وقلت اشتر حساس وانا اغيره لك وزبط معاه
اسف على الاطاله
0
0
ولو بدالك والله لارجع لصاحب الورشه السعودي واعطيه 500 ريال
0
0
اما بعد انا صارت لي هاذي المشكلة ودرت الصناعية كاملة ٨٠٪ منهم توضيب وقير وزي كذا و٢٠٪ منهم غير قير بس الحمدلله باجتهاد شخصي وشغفي في تصليح السيارات اكتشفت المشكلة بنفسي وطلع حساس واقدر استقبل السيارات وتتصلح وترجع زي ماكانة باذن الله وبدون تغير القير ولا ينفك مسمار
رقم جوالي 0578210809
0
0
دايما اسمع على موضوع الحساس وقبل لا تصلح اي شي حاول انك تفحص كمبيوتر وترا الكمبيوترات اللي تفصح صارت موجوده بالسوق واي احد يقدر يطلبها وانصحكم فيها بشده.
ولكن احيانا فيه مشاكل ما ادري هل لي حساس او ولا ولا يبين بالمكمبيوتر، احيانا وانا اخفف السرعه احس الموتر يعشق نمر والسياره تنتع شوي كأن دخلتها بالقير قاسيه مع ان الموتر جديد ٢٠٢٠ 2.0 النترا
0
0
السيارات الجديدة اكثرها حساسات تتبرمج او تتغير وتنحل المشكلة
قبل 4 سنه و 7 شهر