أضف سؤال أو موضوع جديد          

الى متى على هاذي الحاله ...؟

up 4 down 0
ابوعبدالله 055 62
قبل 6 سنه و 3 شهر



سلام عليككم ... فيه موضوع قاهرني وفاقع مرارتي اللي هو مواصفات السونتا والازيرا ملعوب فيها لعب تروح للوكالات يقولك عندنا اربع فئات وتروح للمعارض تحصلها جنط مقاس 17 وفيها بصمه وا شاشه والمشكله اذا سالت الوكاله وقلتلها كذا قالك مستحيل يصير كذا .!! طيب كيف يعني انا اكذب!! والمشكله انا اكتشفت ان بعض المعارض يركب الشاشه مو حقت وكلتها يعني تروح للغرابي تحصلها .!! وهذا بعد غير االاكسسورات صراحه لازم ينشاف حل ... ابعطيكم مثال: اللحين عبداللطيف جميل مع انه حرامي بس مايلعب فالموصفات كثير زي الهونداي يعني شف الافلون فالوكاله عندهم الظاهر اربع فئات اللي هي سياحي. نص فل .فل كامل بدون شاشه . فل كامل بشاشه ... وتروح للمعارض تحصل نفس المواصفات اللي فالوكاله ,, السؤال اللي يسدح نفسه ليش اللعب في سيارات هونداي اللي هي السونتا والازيرا.؟!







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


آللي يلعب فيهآ على كلآمك آنهم آصحآب آلمعآرض و تلقآه يعدل في آلسيآرآت آللي عنده علشآن يرفع سعرهآ و يجذب آلزبآين ..



بس ترى فيه آلآنوآع آلخليجيه موآصفآتهآ تلقى فيهآ شآشه و بصمه و في آلوكآله مّ تلقى آلسبب آنهآ خليجي ..


up 1 down 0
saeed 7 330
قبل 6 سنه و 3 شهر



اخوي بالنسبه للهونداي لا تتعجب لانه نزل منه الخليجي والخليجي مواصفاته تختلف عن السعودي 

ولا تستغرب اذا الوكالات نفسها تفك وتركب وانا ضد كلامك يوم تقول عبداللطيف جميل ما يلعب في السيارات الا والله هو اكثر واحد نصاب 

بالتوفيق يارب 


up 2 down 0
camry grandi 99 7272
قبل 6 سنه و 3 شهر



يابو عبدالله الشركه الام مالها علاقه في هالتلاعب هذا .. كله من الوكاله او المعرض .. وعلى فكره بعض المعارض هم يركبون
فيها شاشه  وكاميرا خلفيه ويعرضها بالسعر اللي يعجبه :) على اساس انها شاشة وكاميرا اصليه .. بغض النظر عن السيارات الخليجيه
اللي هي افضل من السيارات السعوديه بألف مرره يكفيك انضمة السلامه اللي فيها...


up 2 down 0
الالنتراوي 5154
قبل 6 سنه و 3 شهر



عبدالطيف جميل ما يلعب في السيارات الا والله هو اكثر واحد نصاااااااااااب ههههههههههههه
احسها من قلبك طالعه ياكامري قراندي.


up 0 down 0
saher200 600
قبل 6 سنه و 3 شهر



المشكله بعضهم يقولك انا سيارتي فل كامل وتلقى فيه نواقص ككثير زي الازيرا الناس تحسب الفل كامل جلد وبصمه وشاشه وهذا غلط الفل ياطويل العمر يجيك فيها الجلنط بزر وفيها مساج لمرتبه السواق وفيه رادار والانوار تلف معك طبعا الموصفات هاذي موجوده عندنا بس اغلب الناس ماتدري عنه



up 0 down 0
ابوعبدالله 055 62
قبل 6 سنه و 3 شهر



اللي يبي ازيرا او سوناتا فل كامل ويكون معه كاش يروح ياخذها من الامارات افخم ومواصفات كامله مو زي اللي عندنا كلهم يفكون ويركبون نصابين


up 0 down 0
ســامــر 1055
قبل 6 سنه و 3 شهر



انا اقول لكم الحين

السوناتا الخليجي العراقي وغيره يجيك جنط 17 وقماش وبدون مثبت لكن فيه اي بي اس وبانوراما ..!!بينما فيه فئة بالوعلان والمجدوعي جميع مواصفات الفل ماعدا الشاشة والبصمة ..!!

خط الانتاج السعودي غير الخط العالمي

واللي تشوفها بالمعارض هذي غالبها عراقية وتنباع بابخس الاثمان لانها تخرج من المصنع عشان تنباع للديلرز على ضمانهم الخاص مو ضمان هيونداي

وبعدين

وصلت اسعار السوناتا الفل بالمعارض 104 الاف بينما هي بالوكاله ب 85 الف ..!!!!!

تدرون ليه المعارض مستمرين ؟؟؟


مو لاقين احد يردعهم

ولاقين ناس ماتدري وين الله حاطها ويشترون بهالاسعار


up 1 down 0
YASSER505 4157
قبل 6 سنه و 3 شهر



تبي الصراحه يا ساهر 200 والله طالع من قلب ههههههههههههه 

الله يسعدك يارب 


up 0 down 0
camry grandi 99 7272
قبل 6 سنه و 3 شهر



ترا المعارض تجيب وارد الأردن ويقولون أنه خليجي <--- شطحة بس لا مانع منها للفائدة
أنا شريت هيونداي 2012 كان يقولي المصري الي بالمعرض انها خليجية ويوم رحت للوعلان أبدخلها في الضمان
 قالي الموظف سيارتك ماتدخل ؟؟
قلت له ليه ؟
قال سيارتك وارد الأردن واحنا عندنا تعميم من الشركة ما نستقبل السيارات الي تجي من الأردن
لأن مصدرها غير مصدر السيارات المخصصة للسوق الخليجي ولا عندنا لها معلومات 
طبعاً راح ذاك اليوم تلعين في المعرض والرجال الي باعني (استغفر الله بس)

طبعاً جاب الطاري اخونا الي تكلم عن وارد العراق


up 0 down 0
naac 2383
قبل 6 سنه و 3 شهر