كيف امرن السياره الجديده

في الممشى حق الحي
مع اني افضل توديها البحر هالايام الجو خيالي ههههههههههههههه

امش طبيعي ولا تجور على الموتر والسرعة عادي ١٢٠ ١٤٠ بس اهم شيء بالراحة لين اول تغييرة زيت

عادي كانك رايح لدوام ورايح السوق وتفر بالشوارع
السواقه الطبيعيه لاكن لاتشد عليها ابدا بالقومه يعني بركاده
ناس الاكثر ينصحو 1000 ميل يعني حدود 1600 كيلو
ولاتسوي شي اذا قالو لك تشيك بعد الف كيلو ودها بعد خمسه ودها

الله يرزقنا جميعا ذي اللحظة وحنا نمر موترنا الجديد وريحة الوكالة في خشمك وتقفل الدريشة من صوت اكياس المراتب :)

صادق اخوي بنز ريحة الوكالة اطلق شي تفضلها على العطور ومن ناحية التمرين خذها قاعدة لاتشد على السيارة سواء جديدة ولا قديمة الا عند حاجة ولا من الشد على السيارة فايدة  لامن ناحية محافظة على القير ولا المكينة ولا صرفية البنزين  وصدقني بعد الله المحافظة على السيارة تخلي السيارة تصبر معك وسواء في سيارة ولا جهاز كهربائي حاول ماتحطه على القدرة القصوى الا للحاجة فقط عشان تحافظ على سلعتك .

وعليكم السلام
الف مبروك الموتر والله يعطيك خيره
مكتوب في بدايه الكاتلوج طريقة تمرين السياره وومكتوب انها ما تحتاج لكن للوقايه اتبع اشياء معينه مثل . عدم التسارع بشكل مفاجي وتجنب الوقوف المفاجي وحاول ما تكون على سرعه ثابته لفتره طويله وغيرها من الاشياء البسيطه
وبالتوفيق لك وللجميع

استخدم السيارة في مشاويرك اليومية واحرص أنه ما يرتفع عداد RPM عن 3 ولا تنسى مراجعة الوكالة على 1000 كم حتى تعمل فحص مجاني على كل وظائف السيارة وتطمئن