توضيب او تغيير مكينه رايكم يهمني

*****واذا احد يعرف ورشه محترمه في الخبر-الدمام يدلني عليها

غير مستورد اهم شي تشوف النظيفه والامور طيبه ولا توضب

نسيت اذكر انا مافي دخان ابيض يخرج من الشكمان

قبل لاتسوي شي  عندك نقص زيت فحصو السلندرات بساعه الضغط ولامجرد تخمين فقط ؟؟ 
اخوي غير بلف التبخير وافحص السلندرات واحد واحد بساعه الضغط حقه السلندر لاتفك اوتغير الى متئكد من الخلل ترا اكثر الورش تخمن من راسها اسئل مجرب قالو لي سيارتي يبي لها توضيب بمبلغ وقدره واخر شي صار من بلف التبخير خربان وسعره مايتعدا 100 ريال 

اخوي فهد انا فحصت السياره عند مراكز الفحص عند المعارض
وقالولي توضيب ونسبة المكينه كانت 75 وخروج دخان من
غضاء الزيت كثيف. وانا ما صدقتهم رحت عند اكثر من ورشه
وقالو توضيب/تغيير وهم كلهم فحصو من نظره فقط
وان شاء الله نازل الصناعيه وبشيك على بلف التبخير

ماانصحك بالتوضيب ولا المجددة الي فمحلات المكاين شوف فالتشليح مكينة من موديلات جديدة وفك وركب عند نفس المحل الي شريت منه او شوف المكاين المستوردة الشد بلد مافكت وتستلم سيارتك فنفس اليوم وتجرب وبالتوفيق 

وانتبه بعض محلات التشليح فيه غش تشوف السيارة نظيفة وهم يركبون ويبعون منها المكينة الف مرة ، ولا تاخذ من المكاين الي مفكوكه خارج السيارة فالتشاليح ، وكل شي اشرطه وسجله فالفاتورة و خذ معاك واحد فاهم وبالتوفيق 

بتقول ( ونسبة المكينه كانت 75 وخروج دخان من
غضاء الزيت كثيف )

إذا الدخان يخرج من غطاء الزيت فأكيد بلف التبخير تأكد من بلف التبخير أو يمكن يكون بخار مار ماء من الراس

نصيحة لا توضب ولا تغير

امش على السيارة بالراحة وعاير الزيت كل اسبوع ورح تمشي معك بهذا الوضع على الأقل سنة

وطالما بتغير مكينة فكل يوم تكسبه بالمكينة القديمة مكسب

شوف ياحبيبي الشباب ماقصرو بأقتراحاتهم لاكن أنت أول تأكد
شوف هي المكينه قبل كذا توظبت اذا هي موظبه من أول فأنصحك
تغير مكينه أما إذا ماتوضبت فشوف لها ورشه كويسه ووضبها وخذ كل قطع
التوضيب أصلي وبتوفيق

الدخان يخرج من غطا زيت المكينة ولا الشكمان؟
اذا من غطا المكينة ولافيه نقص واجد ابد باذن الله تمشيك ولاتضر وهذا سبق وحصل لي بنفس سالفتك واخذت السيارة معي 5 سنوات امسك خطوط واروح واجي ولافيه اي مشكلة
وكان يمديها تاخذ اكثر بس انا اهملتها ..لذلك اتركها ولاتوضبها حتى توقف عليك خاصه اذا استخدامك داخل البلد...وغير مستورد ب3000

المهم حط ببطنك بطيخ صيفي وتوكل ع الله...والحمد الله ع كل حال

حبيبنا شوف بلف التبخير
وتاكد من وضعه زييين
ولا تستعجل ع التوضيب
من رأيي تأخر التوضيب
حتى المكينه يثبت انها
انتهت .....
........بالتوفيق لك وللجميع

اخي الكريم تبخير الزيت امر طبيعي لذلك المصنع قام باضافه بلف او صمام التبخير في حاله خروج الدخان من غطاء المكينه
غسيل دوره الزيت اولا و غسل غطاء الزيت
يتم تغير بلف التبخير
تركيب فلتز زيت اصلي
تغير الزيت الي نوع تخليقي كامل 5ًW30
بعد ذلك تابع مستوي الزيت بشكل يومي في الصباح قبل التشغيل
حسب كلامك 75 % حاله المكينه تعتبر جيده مع العمر و الممشي

شف وانا اخوك من واقع تجربة سنين وتغيير مكاين وتوضيب وكذلك ناس وظبوا ، لاتوضب لاتوضب ، ليش لأن المكينة هي أساس السيارة  وأصعب قطعة فيها هي والقير ونادر تلقى اللي يقدر يرجعها تشتغل بشكل جيد اما انها ترجع مثل شد مصنع انسى ، نجي للتغيير هنا الشغلة حظك نصيبك وهم يعطونك ضمان والضمان  يكفي انك تجرب وتشد عليها ويبيت انها تمام او تنقص  ويمديك تبدلها وخذها من التشاليح وابعد عن المستوردة المجددة الا مضطر واعرف ناس احصلوا مستورد كويس ، وفيه واحد اعرف معه سوناتا غير مكينة على الضمان وخربت على طول ثم غير ثانية ولاضبطت والثالثة جلست معه خمس ستوات وباع السيارة وهي تمام  فهي توفيق من الله ، وانا مع رأي (( مفقود وsaleh.m) بشرط ماتضر الناس بالدخان وتكتمهم  وايضا جوى البلد لاتسافر ابد .

مثل ما تفضلو،
الاخوه، استخدم الموتر وانتبه لزيته بتخدم معك فتره طويله ان شاء الله

الله يعطيكم العافية جميعا على الردود طبعا كلمت راعيها الاول وقال ان يحط زيت 50/20 ونشاء الله بستخدم الموتر الى ان تنتهي المكينه ولان سياره ماشيه 220الف

امشي عليها لين تنعدم كليا وغيرها .