أضف سؤال أو موضوع جديد          

رايكم ف صني واكسنت ؟؟

up 2 down 1
ابراهيم بن محفوظ 5
قبل سنه و شهر



السلام عليكم ورحمة الله وبركاته
يا اخواني انا طالب جامعي وادور سيارة بحدود ال ٢٠
و محتار بين الاكسنت او الصني ابى مشورتكم يا أهل العلم واذا ف سيارة افضل بفرق بسيط ممكن تدلوني عليه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله يالغالي أنا أفضل الصني أولا من شركه معروفه مايحتاج أقارن لك بين نيسان وهيونداي ثانيا سعرها معقول حتى لو تبي تطلعها وكاله أصفار تقدر بس تزود دراهمك ٧ أو ٨ آلاف وبتحصل معارض أسعارهم كويسه ثالث شيء الصني أوسع بكثيير من الاكسنت رابعا فرق شاسع في السعر يعني تقريباً فوق ١٠ آلاف زيادة في سعر الاكسنت جيبك أولى فيها خصوصاً إنها ماتستاهل دفع هذا الفرق خامساً يكفيك سيارة جديدة بتفكها على يدك أنت اللي تغسل غبارها وتفك أكياسها وتغيير أول تغييرة زيت لها وعارف كل قطعه بتتغير في السيارة على يدك سادسا الاكسنت برضوا حلوه بس سعرها مبالغ فيه وشكراً


up 8 down 4
ابو فيصل 2788 41
قبل سنه و شهر



الاكسنت اغلى وعلى كل حال 20 ماتجيب جديدولا وحدة فيهم. طبعا الاكسنت تصميم خارجي وداخلي اجمل. وقير 6 سرعات افضل في اي وقت تسرع فوق ال 90كم اما الصني 4 سرعات. والصني اعتقد انها تصنع في الهند. وقطع الغيار اكيد من صالح الاكسنت. الصني افضل مافيها مكيفها وبس.


up 2 down 3
dell2012 1022
قبل سنه و شهر



انصحك بالاكسنت شكل اجمل وقطع غيار ارخص وتقدر تسافر فيها


up 2 down 5
nof55 5
قبل سنه و شهر



الاكسنت قيرها مصيبة cvt وخراباته واجد وال 20 يلا تجيب لك اكسنت 15 او 16 يعني مكروفة بالعربي الصني تجيب 17 بذا السعر وماعليك من اللي مطيرين اسعارها الجديدة ب 30 كاستخدام وتكييف الصني عملية اكثر


up 3 down 2
benz lover -82
قبل سنه و شهر



عندي بالشركة هذي السيارتين وكلها اخذتها وسافرت فيها
الاكسنت مريحه وترتاح نفسيتك فيها وقليل خرابها
الصني مهي مريحه ومشاكلها كثير للامانه بس سياره حق كرف وتعيش ورخيصه

انصحك بالاسكنت بس نظيفه ولو ما لقيت النظيف خذ الصني بس ما راح ترتاح لكراسيها


up 1 down 4
فـــ9ـــد 433
قبل سنه و شهر



والله شوف انا جربت الصني وجربت الاكسنت
وسيارتين صني تحت يدي حقت المؤسسة
الصني اوسع من الالنترا لاحظ اني ذكرت الالنترا مو الاكسنت
العيب الوحيد صراحة الي بهذلني المكيف حقها
مدحوه لنا المكيف
ومكيفها قوي ومكيفها مدري ايش
والله انه زباله بمعنى الكلمة وشي مستغرب منه لأني قيد جربت مكيفات النيسان ما شاء الله تجيك اسكريم
لكن الصني كانت زبالة بكل ما تعنيه الكلمة سواء واقف ولا ماشي والسيارتين مو وحدة بس اتوقع لان السيارة مع أكثر من شخص 12 شخص السيارة تحت يدهم فممكن يكون هذا السبب انه مكيفها تعبان
ومكينتها متعبة غير لازم تقرص لها عشان تمشي
الاكسنت مكيف اسوء طبعا وضيقة بس مكينتها ارجل


up 1 down 2
ms3al 1778
قبل سنه و شهر



الله يعطيكم العافية



up 1 down 0
ابراهيم بن محفوظ 5
قبل سنه و شهر



عندي اكسنت وبخصوص السفر ولافكرت اطلع فيها برى الرياض

يالله اتحملها جوة الرياض تناقز وغير مريحه ومكيفها ابو كلبين

الصني مع اخوي يطق فيها الجنوب من الرياض رايح جاي ومبسوط فيها
مع العلم عنده سيارة 8 سلندر بس مرتاح مع الصني


up 5 down 2
aboahmed2014 1136
قبل سنه و شهر



اكسنت قطعها متوفره ورخيصه الصني مشاكل فالحراره
والجوده لك عليها.


up 1 down 1
نوار الوذيناني 511
قبل سنه و شهر