مشكلة هيونداي النترا

كثرت الاصلاحات لكن لعلها صيانة وتخدمك بعدها سنين ... التفتفة اسبابها واجد لكن من اهمها البواجي يكون نوعها نفس النوع واصلي وتركيبها صح وبوزن صح انا سيارتي النترا مثلك وركبت بواجي  عند واحد ولكن ماضبط ورحت لواحد ثاني باكستاني وبالفعل طلع واحد فقط مع انه جديد الا انه ماركبه صح وقال انه بعض يفكه وينعفط راس البوجي والمفروض يركب بشويش ويوم طلعه لقى الرأس مسود وقام ووزنه بشريط حديد وصنفره بالفرشة الحديد وبالفعل ضبط وكنت احسبه حساس هواء قال لا لو انه حساس هواء الضغط rbm يقعد يتحرك بسرعه واما بخصوص النزول عند التهدية القوية فهذي عندي وكل اللي سألتهم يقول كرنك سواء حساس او خراب وانا قد صلحت الحساس زمان لمشكلة في الطرمبة الزيت ولا ادري وهي للحين عندي وربما تمون شائعة في النترا وخصوص حجم 1600 والله اعلم .

موجود الشرح في اليوتوب بس اكتب رمز الكود و النترا بالانجليزي 
الرمز P0130 حساس الاكسجين 
الرمز P2188 حساس فلتر هواء الماكينة 

الاخ جبال معانيق ، الاصلاحات هذه كلها سويتها بعد ما طلعت التفتفه
والاكواد كتبتها في موقه auto codes وسويت اغلب الاصلاحات المذكورة
.
التفتفتة تحصل اذا السيارة حميت و الجو حار
اما اذا الجو بارد ما يحصل شيء السيارة طبيعية

ومشكلة المكينة الصغيرة اسمع عنها مشاكل اكثر من الكبيرة ، وايضا قليل الي ياخذون الصغيرة ،، حتى الورش خبرتهم مع المكينة الكبيرة

اخوي انا جربت مكينة ١٦٠٠ لسنين طويلة   اما المكينة ٢٠٠٠ ماجربتها وتقييمي للمكينة  ٦٠٪؜ او اقل  وانا ما أذمها لانه خدمتني وجيدة جدا لكن ليست ممتازة وعليها ملاحظات كثيرة بالنسبة لي  وايضا عزمها في شوارعنا شوي  عليه ملاحظات لماذا لأن في شوارعنا الغالبية يسرعون  وايضا يتسارعون اقصد من البداية فتضطر الى التسارع  احيانا مثلهم وهذا يسبب التبديل للقير لنمرة اقل وهذا يسبب صرف بنزين اكثر ويأثر ايضا على القير اما في الوضع الهادي وهذا نادر يصير فصرفيتها اقل وجيدة ولايؤثر على القير. أما من ناحية الورش والقطع فجميعهن سهل صيانتهن وقطعهن متوفرة وفي اغلب الورش .

قد جربت غيرت الطرمبة؟