صوت طقطقة في مكينة سوناتا ؟

هذا صوت التكايات .. بس السوناتا لاشي جديد عن ان مكينتها تحتاج توظيب اوتخبط معروفه بهالشي 

لو كان فيه فيديو كان عرفنا انه صوت مكينة او ثلاجة او غيره

اخوي هذا صوت االعمود للاسف بسبب طرمبة الزيت اغلب الحالات اللي مرت علي على ممشى ٨٠ الى ٩٠ تضرب على طول

هذا عيب مصنعي في السوناتا معروف من زمان اتمنى انهم حلو هذه المشكلة في الموديل الجديد

الله يعوضك عزيزي

شوف لك مكينة مستورد العيب هذا يلاحق السوناتا ووزارة التجارة لاتحرك ساكن

49119146
شوف هذا رقم اعلان عن ورشه متخصصه بمكاين السوناتا
يمكن يفيدونك
انسخ والصق بالبحث بموقع حراج ويطلع لك

خذها مني  وعن تجربة الخراب وتصليحه ،هذا الشيء موجود وملاحظ ولاتخاف المكينة مافيها الا العافية فقط احرص على زيتها ولاتحور عليها سواء بسرعة او تبديل نمر وتسارع او انك تدعس بقوةرفي المرتفعات ويصير القير يبدل كثير ،،،،  اذا ماولعت لمبة الزيت فشغلتك ماهي طرمبة والزيت تمام ويطلع من الكرتير لاجزاء المكينة تمام  وانا قد صارت معي في سيارتي النترا لكن بعد ماولعت لمبة الزيت وغيرت طرمبة الزيت وقالي لازم نغير سير التايمن لان اسنانه متآكله وومسوحة وغيره والامور تمام ولاهي غالية وشغلة يوم  او انصف يوم وهي فقط فك صدر او جنب المكينة فقط  وافضل لك لانك فاك مرة وحدة ولكن حسب حالة موترك و سيره  والحمدلله بعدها طفت لمبة الزيت والامور تمام والمكينة لابأس لكن الصوت احيانا تسمعه خفيف ووقت بداية التشغيل  وقد سمعته مع خويي في ازيرا الشكل القديم وهي موجودة في بعض السيارات هذي ومعروفه لكن مالها علاقة بتخبيط او سبايك يمكن اشياء أخرى . 
 

معي سوناتا طلع الصوت مثل اللي عندك


رحت غيرت بكره شداد سير التيمن

وراح الصوت



الصوت من بكره الشداد

ترى تجي ثلاث بكرات للشدادات

تأكد وين بالضبط منها يطلع الصوت


المكينة اتركها مافيها الا العافيه

المكينه طيبه واتركك من اللي يقول توضيب كلها ورش نصب واحتيال واحد الاخوان ذكر شدادات سير التايمن مايمنع تشيك عليها + غير الزيت الموصى عليه في كتيب الصيانه المعتمد وبأذن الله يروح الصوت ولاتوسوس وتضيع فلوسك على الورش .

الله يجزاكم كل خير

جميع من مر ومن علق ومن افاد

شكراً لكم

---------------


بعد مشاوير للورش و الوكالة

مثل ما ذكر البعض بالاعلى
المشكلة كانت العمود و طرمبة الزيت و الحمدلله على كل حال
وتحتاج توظيب كامل