أضف سؤال أو موضوع جديد          

معاناة في بيع السيارة .. بالحراج

up 8 down 2
احب الحبيب 787
قبل 2 أسبوع و 5 يوم



يا شباب .. مدري اذا ها الشيء يقابلني انا فقط
ام عندكم نفس الهرجة ..
مرات احط اعلان عن بيع سيارة ..
واحط كلللل التفاصييييل عن السيارة من الالف الى الياء + الصور بكل وضوح

يجو لك مجموعات من الناس .. يتصلوا عليك او يرسلولك واتس
يسألوك ؟؟
كم موديل السيارة ؟؟
كيف البدي ؟؟
كم الممشى ؟؟
كم حدك ؟؟
سيارتك نص فل ولا ؟؟


وانا حاط المعلومات هذه في الاعلان ... طيب يا غالي لو ضاع عليك الاعلان .. قلي ارسلي الاعلان ارسلك اياه ثاني مو مشكلة
مو تسألني كل الاسئلة..
تخيلوا اذا بتحط اعلان كامل المواصفات .. وعشرين واحد يسألك هذه الأسئلة ولا كانه شاف الاعلان ..

والمصيبة الأدهى والأعظم وممكن نسيمها كارثة ..
انه يقلك خلاص انا شفت الاعلان وموافق عليها وتمت .. واعتبر سيارتك انباعت .. ومتى اجي لك علشان نسوي نقل الملكية ؟

وبعد ما يجي يشوف السيارة وتروح مع بعض قريب المعارض وتضرب مشوار .. وممكن كنت مخطط تروح اماكن ثانية ..
بس علشان انك بتبيع سيارتك اجلت المشوار

..يجي يسأل هو كم موديلها ؟؟ اووه في حكة هنا ؟؟ اووه هذه خربانة .. ؟؟ هي السيارة مجددة ولا مش مجددة ؟
طيب يا عمري يا قلبي يا حبيبي ... ليش قلتلي انك شفت الاعلان .. ليش ليش .. الله يهديك .. وفي الاخير يقلك خلاص بيننا اتصال .. اذا ابغى اشتري اكلمك
ماني فاهم ايش القصة ..
والغريب انه كل اللي يتصلوا يقولولك انا صامل وانا جاد وانا والله وانا شراي .. وانا فلوسي جاهز .. ووو انا مستخدم ..
نصدق مين ونكذب مين ؟؟
ماني فاهم .. ايش الهرجة ..ليش اللعب هذا ؟؟
مع اني كاتب في الاعلان .. (((((رجاء لا تتصل او تستفسر الا بعد قراءة الاعلان كاملاً)))))
لكن لا حياة لمن تنادي ..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


والله انك صادق والمشكله بعض الاحيان تسوي اعلان مطلوب سياره وموضح بالاعلان انه مطلوب ومكرر الكلمه كمان وتعال شوف الاتصالات كم حدك انا صامل ومن الكلام هذا يعني صراحه ماتدري هل هم فعلاً يبون يشترون سيارات او لعب بس


up 0 down 1
1919. 33
قبل 2 أسبوع و 5 يوم



صحيح كلامك واظن نصهم يقولو ياليت اخذنا الموتر ،،،، لكن المشكلة او السبب الناس صارت تخاف ومافي ثقة وبتشوف اختلاف الكلام بعد المقابلة وان شاء بتجيك البيعة اللي تسرك ،،، وبرضو حط نفسك مكان الشخص اللي بيشتري ،،، ومن ناحية اللي يسأل عن مواصفات انتا ذكرتها فالاعلان هذي نوعية جديدة ولازم كتالوج عشان تعرف تتفاهم معاهم


up 2 down 0
zax_makkah 235
قبل 2 أسبوع و 5 يوم



هههههههههههههههه

ي رجال بعض الاحيان القى اعلان وواحد حاط صورةة سيارة ( توضيحيةة ) يدور قطع غيار لها .. يجو يكتبلوك للبيع ؟ ي ابن الحلال الراجل طالب قطع غيار مو بيع سيارة او قطع هههه احسهم ربورتات تلقائية


up 1 down 0
khalid3329 55
قبل 2 أسبوع و 5 يوم



مثل ماحصل معي بالظبط
كاتب جميع التفاصيل والصور وكل المعلومات
وبالاخير يتصل علي واحد يقول كيف البدي
قلت له موضح بالاعلان
قال ماقريته كامل
قلت شوف الاعلان مره ثانيه وشف كل المعلومات
واذا اعجبك الموتر اتصل علي عشان تحدد موعد تشوف الموتر
انا انسان مشغول وعندي اشغال من هنا لبكره.. عندي عمل و عندي اهلي ومدارس واغراض للبيت و و و
ما اقدر ارد على كل واحد يستفسر
عشان كذا وضحت كل شيء بالاعلان
اتمنى تقراه بعدين تتصل

صار كذا ردي
والحمدلله ارتحت كثير






up 1 down 1
ابوخالد1397 2624
قبل 2 أسبوع و 5 يوم



والله العظيم انك صادق بكل حرف


up 0 down 0
حلـم مستحيل 50
قبل 2 أسبوع و 5 يوم



صحيح
هذولا شكلهم من الفضاء
اذكر اذا جيت تسجل بموقع ما يقولك ادخل رمز الكود لانتاكد انك بشر
او يحسبونه مكان دردشه يسال بس يبيك ترد وهو كل شي واضح


up 0 down 0
باترول 2020 2621
قبل 2 أسبوع و 5 يوم



الافضل اي شخص يستفسر تقله تعال شوف السيارة هي قطعة حديد وحدها بسعرها في السوق وبيجيك الشرا. ويبعد عنك الي جالسين يتسلو هذا بعد تجربتي ببيع ٤ سيارات شخصيه في الموقع


up 0 down 0
gh_1977 44
قبل 2 أسبوع و 5 يوم



اعتقادي ووالله اعلم ان فيه صغار سن تتلاعب بالموقع بس تقضي وقت 

لان كثرة اساله واستفسارات واصلا ماتلقى الصامل بس يزعجك عالواتس بالاسئله ويروح 




up 0 down 1
مشاااووير 95
قبل 2 أسبوع و 5 يوم



هل وجود الجوال مهم !!!!
... لو حطيت الجوال انسى الراحه
لانك تتعامل مع مئات او الوف البشر
كلن له تفكيره .. وقناعته ... ومستواه
لذلك اتوقع لو تحط التواصل ع الخاص
راح تعرف من الصامل او اللي يبي
يضيع وقت ... ولا تحط جوالك .....
وما رأيكم ... اشتراط العربون للجديه
بكذا الجاد واللي اعجبه الموتر راح يعربن
وتقول له اذا طلعت مشاكل ارجع لك
بكذا تضمن المبزره ما يقربون منك !!
وش رايكم ....(: (: (:




up 1 down 0
لا للغلاء 765
قبل 2 أسبوع و 5 يوم



لا تحط رقم جوالك في الاعلان والصامل يجيك انا بعت كذا سيارة بنفس الطريقة إما إذا حطيت رقم جوالك صدقني ما يوقف لا ليل والنهار والعشرة منهم واحد جاد والباقين طقطقة


up 1 down 0
mohammed shareef 1043
قبل 2 أسبوع و 5 يوم



اللي يبي يشوف الموتر لاتقابله بمكان يجيك لين البيت الله لايهينه ان جازله الشكل العام والقيادة تروحون الفحص غير كذا يمسك الباب لا تضيع وقتك


up 2 down 4
benz lover -42
قبل 2 أسبوع و 5 يوم



اغلب اللي يتصل او يرسل واتساب ويسال عن شي ذكرته بالاعلان
اقوله مكتوب بالاعلان هذولي يناظر في الصور ويدق عليك
طنشه ماهو شراي لانه غير مهتم بالسلعه لو صادق وصامل كان قرا كل شي مذكور بالاعلان


up 1 down 1
qoowoop 127
قبل 2 أسبوع و 5 يوم



والله العظيم انك صادق بكل حرف دائما كذ ولا في نوعيه جديده يعلقك يقلك خلاص تم و يتفق معاك و ارسلي رقمك و بعد كذا يسحب ليش ما تدري


up 0 down 1
majed34911 34
قبل 2 أسبوع و 5 يوم



الامر والادهي يرسل لك واحد يبي رقمك تقول له تواصل واتس يجي مدرعم واول ما ترسل رقمك يدق عليك اتصال حتي لو اخر الليل


up 0 down 1
الشرقية ماركت 107
قبل 2 أسبوع و 5 يوم



شيل رقم الجوال حط اصفار وخلهم يكتبون السوم بالعام


up 0 down 1
علي ال506 -1
قبل 2 أسبوع و 5 يوم



ودك اللي يبي يبيع ويشتري يخصص له جوال خاص بالموقع عشان مايجيك ازعاج وتحطه عالصامت وترد وقت فراغك  وعلى الجادين  وايضا بالعادة صاحب الحاجة هو اللي يجي يشوف السلعة عشان ماتتعب وتروح مشاوير وايضا وعن تجربه  يوجد أناس  يستخدم  كثرة الأسئلة  وتنويعها لهدف في نفسه ويعتقد أنه صحيح وهوغير كذلك وهذا الهدف هو معرفة البائع ونفسيته وخبرته في البيع والشراء على أمل  أن يحصل على أكبر قدر من الربح إذا كان البائع شابا صغيرا أو تنقصه الخبرة او معرفة القيمة وهذا لايصلح وليس من الشطارة في شيء بل ربما يعتبر تحايل فلبيع بالمعقول وليس بالمخادعة  فلاضرر ولاضرار.


up 0 down 1
جبال معانيق 278
قبل 2 أسبوع و 4 يوم



البيع الألكتروني عادة ينقصه الترابط والثقه فلا تستغرب ان المشتري او الراغب بالشراء قد يسئل اسئله قد تكون اوضحتها في عرضك للسيارة ليتأكد ويطمئن وبالنسبه لأكتشافه عيوب بالسيارة لم تذكرها هذا طبيعي للسيارات المستعمله .

( ياشباب بارك الله فيكم ادعموني بالتصويت الايجابي عشان اقدر اقيمكم بالايجاب ان شاء الله ) .


up 0 down 2
عبدالله الحربي40 1
قبل 2 أسبوع و 4 يوم



١- لا تحط رقمك
٢- قفل خاصية الردود 
٣- وضح التفاصيل كاملة ب شكل مختصر 
٤- صورة لكل اتجاه من السياره تكون واضحه ( الوجهية الخلفية الجوانب داخل الكبوت داخل الشنطه الداخليه وحده قدام ووحده ورى )
٥- اطلب سعر معقول اقل من سعر السوق ب ١٠٠٠-٢٠٠٠
٦- اكتب موقعك المنطقة و الحي .. 

بهذي الحالة بتجيك السومات بالرسايل الخاصه ومنها بتعرف الصامل وحتى لو حط لك رقمه لاتدق عليه 
اعجبتك سومته اكتب له رقمك ( ان دق يبي يشتري ما دق يعني يطقطق )

ان دق عليك واتفقت على سعر ضروري الاتفاق عالسعر ( لاتقوله بجيك او شي ) هو يجيك لو ب اقصى الدنيا الله لا يهينك 
ولا تخليه يجيك عند البيت ماله داعي يدل بيتك عطه عنوان بريب منك مثلاً بقاله او مطعم 
تواعد معه بوقت مناسب لك 
ويكون المكان يبعد عن بيتك دقايق 
اذا وصل المكان المطلوب تروح له 

^ كذا افضل طريقة للبيع 

المعروف في البيع والشراء ( ان الشاري هو المهتم والباحث عن سلعه ومحتاجها ) 

يعني لو انا حصل سياره بالموقع واعجبتني نظافتها وسعرها ( بروح له لو ب اقصى مكان ) 
( هذا دليل الجدية والرغبه ) 

^ طبعاً اتكلم معك وانا بايع اكثر من ١٠ سيارات عالموقع ( اعرض مواتر ربعي ) 


up 2 down 1
m7md 33 1093
قبل 2 أسبوع و 4 يوم



مع الاسف عن تجربة اغلبهم يطقطق ولايكسر السعر بشكل غير طبيعي ولا يعطيك سومة تعجبك وفي الاخر يسحب عليك
لايقورن الاعلان زي الناس بش شاف الاعلان ركض على التلفون يتصل حتى لو ماعندة قروش
سيارة عرضتها 6 شهور وياكثر الاتصالات والشراية والمواعيد ووقت الجد محد حولك كأن الناس ماعندها شغل غيرهم
يكرهونك بالسيارة علشان تبيها بسعر بخس
الله يعين


up 1 down 0
salehhd 860
قبل 2 أسبوع و 3 يوم



هاذول هم الشريطية يحاول يعذرب بالسيارة ويمشورك ويكثر الكلام عشان يجس نبضك يشوف انت متوهق وتبي تبيع
بسرعه عشان يبخسك


up 0 down 0
faisa8000 15
قبل أسبوع و يوم