تجربتي مع سيارة جديدة
6
1
إضغط هنا للإخفاء
السلام عليكم
بكتب تجربتي مع صيانة سيارة النترا جديدة:
انا منتظم بالصيانة بالوكالة والسيارة النترا 2015 لكن امنعهم من تبديل قطع اشوفها غير ضروية
وتشوفها بالعين المجردة لا تحتاج تبديل للحد من استغلال والامور ماشية الحمد لله.
على 60 الف بدلت البواجي وفلتر البنزين
على مية الف طلبوا مني 2900 ريال
قال تبديل زيت القير والسير وبالعين المجرده سليم وماء الرديتر وفلتر الهواء وفلتر المكيف وغطاء الرديتر والزيت والسيفون
وامور اخرى مثل التربيط الشامل وتزييت الابواب وغيرها.
ورفضت وبدلت زيت القير وماء الرديتر (ماء الرديتر اشتريته من الوكيل وبدلته بنفسي عند البيت ويفترض ابدل معه غطاء الرديتر لكن تركته لانه سليم)
من تجربة لا تروح للوكيل (الي يجرب المجرب عقله مخرب)
نصحوني كثير ابتعد عن الوكالة لكن بما انها اول سيارة جديدة مع اني اسوق من 35 سنه قلت بجرب التزم بصيانة الوكالة.
لا تروح للوكالة إلا لتبديل الزيت والسيفون ولا تبدل إلا زيت خمسة آلاف, انا كنت ابدل عشرة الاف إذا برد الجو فقط لكن من كثر نصائح الناس
وبالفيديو تشوف تأثير زيت العشرة آلاف نويت اتركه وكنت ببدله بعد شهر من الآن إذا برد الجو اليوم 3/نوفبر وباقي عن المربعانية شهر تقريبا.
الحل اترك صيانة الوكالة عدا للزيت والسيفون:
على ممشى مية الف وفر لك مبلغ وسو صيانة شاملة عند الوكالة (فلتر البنزين + زيت القير + البواجي + تربيط + ماء وغطاء رديتر+فلتر مكيف)
وعلى ميتين الف اعمل نفس الطريقة واضف لها تبديل سير المكينة. وصلى الله وبارك.
اما زيت المكينة كل خمسة آلاف مع السيفون وفلتر الهواء بدله كل ثلاث تغييرات زيت يكفي او اربع مرات بالسنة
او إذا مشيت بغبار وبعده جاء مطر
خلاص يصير طين بالفلتر لازم تبدله ما ينفع معه التنظيف والتنفيخ. والافضل قبل المطر تنظفه حتى لما يجي المطر وتصير رطوبه ما يعلق فيه الغبار
ومع الرطوبة يصير طين متراكم. وإلا بتضطر تبدله.
القطع الي بدلتها لحد الآن والسيارة بتدخل الخمس سنوات وممشى 125 الف:
- فحمات خلفية وحده من الفردات الأربع تأكلت أسرع من البقية اتوقع تجارية مع انها شد بلد.
- المسحات وفلتر البنزين على 60 الف وحاليا بحاجة تبديل المساحات للمرة الثانية
- زيت القير وماء الرديتر والبواجي بدلتها على ممشى مئة ألف.
- فلتر المكيف بدلته يمكن ثلاث مرات وهذا خطأ صراحة.
- مشكبيات او كلبسات الصاجة تحت الصدام من اثر دقشات بسيطة انفكت وضربة قطعة كفر بالخط ماقدرت اتلافها. فقط بدلت الكلبسات.
- الكفرات بدلتها بعد اربع سنوات ونصف على ممشى 104000 (مئة وأربع آلاف كيلومتر)
هذه تجربتي
إن أصبت فمن الله وإن أخطأت فمن نفسي والشيطان.
إبلاغ
سيارات للبيع
الردود
1
0
استغلال الوكالات في اجبارنا على
تغيير شي ماله داعي من الاستغلال
الصريح الواضح .... وضوح الشمس
وبعد ذا كله يقولك ما يشملك الضمان
ويعطيك اعذار كذب ... بكذب ....
لكن وثق نفسك ولا تتركهم ....
1
0
2
0
تخيل صيانة السيارة من طلعتها ماقد لمستها يد عامل خارج اللهم مره الوكيل مقفل يوم سبت اعتقد مادري جمعة وغيرت الزيت في بترومين
الباقي كلها عندهم بالفواتير
من شان رفضت كذا خدمة كتبوا لي على الفاتورة اقترحنا كذا وكذا والعميل رفض.
لما جيت ابدل زيت القير طلعوا لي ورقة تعهد اني اتحمل عطل القير وانه خارج الضمان وانه وانه,, قلت ليه التعهد شغلكم او زيتكم فيه مشكلة؟ قالوا انت عندك مشكلة؟ قلت سيارتي
صياناتها كلها عندكم ليه التعهد ولسى ما ممشت إلامية الف لو جايكم ماشية 120 الف يحق لكم تقولوا مطوف بتبديل زيت القير, ويطلع لي تعهدات للناس لكل عميل بدل زيت القير
قال شوف كل العملاء!!
واشري الزيت واروح لبترومين لقيتهم اغلى واضطر اروح لفرع للوكيل ثاني
ويستلم الجوال يكلم الفرع الي رفضت ابدل الزيت عندهم!
اخيرا كتب بالفاتورة ان السيارة خارج الضمان والعميل غير منتظم بالصيانة هههه عشان رفضت خرط هوبات ورفضت تبديل سير المكينة وماء الرديتر ولكها ليس لها علاقة
بزيت القير!
طيب يا فهيم معروف ضمانكم 100 الف او ثلاث سنوات ايهم اسبق.
السيارة لها اربع سنوات لما جيت اغير زيت القير يعني ما تبي لها كلام خارج الضمان فعلا ليه كل ذالكلام الي كتبته بالفاتورة!
رحت ابحث بالانترنت لقيت اغلب الناس تقول تبديل زيت القير لكل السيارات إذا تعدا وقته يخبط القير فهم شكلهم الوكالة قارين ذالكلام ومصدقينه!!
واغير الزيت ولله الحمد لم الاحظ اي شي.
انا كتبت الموضوع يا اخوان لان نصحوني شرواكم بالابتعاد عن الوكالة والي يجرب المجرب عقله مخرب.
رحت وجربت وشفت الاستغلال
وكنت اقنع نفسي انها سيارة صغيرة ومراح تكلف كثير عند الوكيل وانها اول سيارة جديدة ومن ذالكلام.
اخيرا اقتنعت لا تجيهم للزيت لتلافي الغش وعلى مية الف غيروا الي ذكرت فوق وبس.
بالمناسبة الوكيل هو الوعلان - الرياض
وصار لي موقف معهم دخلتها طافيه مادري اش فيها مالها ست اشهر ماشية 6 الاف واشركها ولا تقبل واخذتها بسطحه
قالوا لك سيارة بديلة إذا سيارتك جلست يوم كامل بعدين جحوني قالوا مرسلين لك رسالة على جوالك تجي تستلمها بعد ساعتين من التسليم المشكلة بطارية فقط وبدلناها على الضمان.
قلت ليس صحيح لم تصلني رسالة. وجلست السيارة عندهم الخميس والجمعة والسبت
المصري استلمني بحلاوة اللسان ولا يهمك وبتاخذ حقك ومن ذالكلام زل لساني وقلت مسجل جوال العمل وعرف اني ماقدر اجيب برنت من الاتصالات.
لو كنت مسجل جوال الشخصي كان رحت للاتصالات وجبت برنت يثبت انهم لم يرسلوا اي رسالة
واكلت اجار سيارة ثلاث ايام وسطحة التكلفة اكثر من 500 ريال
لو اخذتها من قصيرها وشريت بطارية من اقرب محل وفكيت عمري
لا وبطاريتهم الي ركبوها على الضمان تركية ماجلست سنة وتعطلت!
السبب الي خلاني استبعد انها بطارية اني عندي خبرة بالسيارات واقيس البطارية تعطي 12 فولت وهي يفترض تشغل على 10 فولت
غير اني اشركها بسيارة ثانية ولا تقبل!! ولا كأني اشرك فقط يشتغل الريموت! هذا السبب الي خلاني استبعد البطارية.
4
1
سيارتي الباثفايندر كنت حريص على الوكالة لين 2013. و من 2013-2015 كنت اغير الزيت بالبناشر و الحمد لله الامور طيبة
و في 2015 صرت اصين في العيسى و شفت انها مايفهم في السيارات القديمة لو طلعت البحرين واجد ابرك. العيسى فشل في وكالة
نيسان مثل ما فشل مع الامريكي. يوم الخميس دقوا علي الصبح عندهم عرض للصيانة زيت + فلتر مع 20 نقطة ب 90 ريال و سحبت
عليهم و الله واغير زيت و فلتر مع تشييك كل سوايل السيارة عند بنشري امين اتعامل معاهم و اغلب تصليحات السيارة في ورشتهم
و مرتاح و مستانس. يعني اللي بقوله سيارتك قدمت و مر عليها وقت خلاص اسحب على الوكالة الا اذا لاقدر الله اشياء كبيرة مثل ماكينة
او قير ذيك الساعة اوكيه اما الزيت و الفلتر عندك مراكز محترمة مثل ون ستوب و بناشر امينين . بترومين العن من الوكالة بيغيرون لك اشياء ما
محتاجة تتغير
1
1
قبل 5 سنه