أضف سؤال أو موضوع جديد          

نتعت السيارة واشتغلت لمبة الأريباق مشورتكم

up 0 down 0
ms anny 12
قبل سنه



السلام عليكم
الأخوة الكرام بطاريتي فضت ولا حصلت اشتراك على الخط وانا جاي من الدمام الى الرياض المهم لقيت عمال المحطة قلت دفوني وانتعها وفعلا ما قصرو دفوني ونتعتها واشتغلت بحكم انها قير عادي ولا وقفت الا في الرياض المشكلة لما اشتلغت ولعت لمبة الأيرباق والآن رحت لمحل بطاريات وركبت بطارية جديدة ونفس المشكلة اللمبة باقي مولعة كيف اطفيها
رحت لورشة حصلت باكستاني بس ما عنده سالفة قالي بفك الطبلون وبغطيها بمنديل مقابل 50 ريال !! قلت توكل بس انا ابي اطفيها لأنها الأن شكلها يوم ولعت تعطل نظام الأيرباق مشورتكم ؟
قالي زميل افصل البطارية نص ساعة وبتطفى سويتها ولا نفعت







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اخوي فحص كمبيوتر

ممكن تكون لخبطة بسيطة عشانك نتعت السيارة  وهذي يبرمجها لك اللي يفحص

اما اذا طلع بالفحص شي متعطل هذا لازم تصلحه عشان تطفي



up 0 down 0
abdulss 355
قبل سنه



برمجه وانا اخوك
تفصل البطاريه 5 دقايق
اشبكها ان شا الله تختفي
واذا ما نفع .... يمكن صار
مشكله في الفيوز ....
شيك عليه ...


up 0 down 0
لا للغلاء 826
قبل سنه



يمكن مع نتعتها لفيت الدركسون بقوة وخربت
شريحه البوري شغلتها سهله اشترها من محلات
قطع الغيار وركبها بنفسك مليان اليوتيوب مقاطع
شرح لها


up 0 down 0
salem0100 328
قبل سنه



سبق وصارت معي بااكسنت 2010

تعطلت البطاريه ويوم غيرتها غلطتي اني فكيت القديمه وركبت الجديده

المفروض اغير البطاريه والسياره شغاله وتركب البطاريه الجديده على طول علشان ماتخرب برمجة السياره

عموما موضوعك بسيط

احد الامرين اذا عندك قطعه اللي تشبك بالسياره وتحذف الاخطاء بالكمبيوتر

او تروح اي محل عنده فحص كمبيوتر يطفيها لك لان موضوعها برمجه

انا رحت لااحد المحلات وسوولها برمجه ب 50 ريال واختفت اللمبه




up 0 down 0
amear 1347
قبل سنه



برمجة كمبيوتر شغلتها بسيطه ذا اللي قالك بحط منديل قله من العليميه اللي بيضحكون على الناس


up 0 down 0
راكان443 149
قبل سنه