رايكم اكسنت أو يارس 2020

استأجرت الاكسنت واستأجرت اليارس كلها كانت CVT
اعطيك الفروق
المكيف صراحة كان بطل في السيارتين مع الافضلية لليارس بس اول مرره يمر علي مكيف سيارة كورية بالبرودة هذي في الوقوف
العزم الاكسنت وبجدارة اليارس كانت متعبتني في العزم
الراحة والعزل والله اليارس كانت اريح من الاكسنت بكثير جدا وعزل اليارس ما توقعته كذا قريب من سيارتي الالنترا سواء كان هواء او ارضي
الصرفية بكل امانة اليارس جبارة في الصرفية داخل البلد كنت افرفر فيها ما يطيح شي لكن لما كنت اروح من الجبيل الهيئة للجبيل البلد تشوف عداد البنزين ينزل قدامك
يعني داخل البلد جبارة اما خط سيئة والتانكي حق اليارس صغير اللمبة مولعه وعبيت ب 15 ربال وجابت لي قبل النص بتكة
الاكسنت الي اذكره كانت صرفيتها بطلة كنت امشي بسرعة 120 من الخرسانية للجبيل يجيب لي معدل صرف الوقود 3.8 لتر لكل 100 كيلو
صراحة انا عن نفسي راح اكون محتار اذا كانت سيارة داخل البلد اقولك لك اليارس وبقوة لكن لو تمسك خطوط الاكسنت ممتازة لكن غير مريحة

ي رجال سالفة صحراوي ذي كلها مبالغات للآسف

طبعا ماننكرر مكيف تويوتا ابرد من هونداي لاكن اتحدى اي شخص يقدر يجيب فرق البرودة الخارجة من الثلاجة اكثر من درجتين ونص
بين سيارات هونداي وتويوتا ولازم تكون نفس الفئة

انا من ناحيتي اذا كلهم قير تقليدي خذ الاكسنت اوسع واريح

اذا الاكسنت او اليارس قير cvt ماينفع

يارس و لا تحتار تكييف ابرد صرفيه احسن و قوة و جوده افضل من الاكسنت

انا اشوف الاكسنت أفضل من نواحي كثيرة. واعتقد ان القير الجديد صار 6 نمر رغم ان القديم ما فيه اي مشاكل وانا مجربه وما عرفت انه CVT الى لما رجعتها. يعني مشكلة 5-10 سيارات في سيارة من اعلى المبيعات وتفوقت على اليارس في النص الاول من 2019 ما تسمى عيب مصنعي. اليارس لو باخذها اشوف اني اوزد شوي واخذ النترا

اليارس احسن انا مو متعصب بس كمجرب اليارس اقوى

كلهم حلوات وخدومين شف وش الي عاجبك شكلها فيهم وخذها 

خذ كل وحده يوم ايجار وجربها تمش فيها واطلع فيها طريق سريع وجربها على سرعه 120 و 140 شف ثباتها وعزلها

انا استأجرت اكسنت ٢٠٢٠ والله السيارة روعة وراسية، ومع ذلك يذهب صوتي لليارس بحكم انها تويوتا

كلهن غاليات على غير سنع
اذا تقدر تزيد دراهمك تاخذ نيسان سنترا
او خذ صني او على الاقل انتظر الشكل الجديد
ممكن تكون الافضل بهالفئة

وش جاب لجاب
يارس بدون تفكير

يارس تصميم و قوة و مكيف ثلج
اوسع من اكسنت
انا جربتها ايجار
الكوري شكل و مولصفات
لاكن اليباني مكيف و اداء اقوى ويعيش اكثر

يارس بدون تفكير