رأيكم بالسوناتا 2020 للي جربو فقط

روعه السياره
ومكينتها في اي لحظه تضرب من الزيت والسبب عيب في التصنيع.
لاتفوتك بس

أفخم سيارة في فئتها وتفرقت على اليابانيين بكل جدارة

لكن فيها مسششاكل بالمحرك وكذلك التكييف
على كلام اخوي

لاتفوتك بس وحاول تأخذها تأجير بدون دفعه

قصدك الجديدة ٢٠٢٠ ؟
مكينتها غير عن ٢٠١٩
امدى اللي جربها يخبط مكينتها !

ارتفع سعرها و الصرفيه تحسنت شوي
يعني بنفس السعر الالتيما افضل صرفيه و مواصفات
بقير CVT
و ان كانت هالفئة زاد سعرهاعلى ٨٠ او اكثر
الافضل الفئة الاصغر او تزود فلوسك و تشوف لك كروس اوفر
جويب صغير ارفع عن المطاب و اوسع و تنفع الشنطه و على البر يوديك

اخذ اخوي سوناتا ستاندر مكينه 2.5 قير اتوماتك 6 سرعات ( ماهو سي في تي) طبعا تبترونك
المميزات:- جنوط- رموت - شاحن لاسلكي

العيوب :- القير ازرار نمره وحده D مافيه نمر 12345 ولا فيه سبورت وايكونمي مثل الالنترا
صرفيتها عاليه (مقارنه مع الاكورد والكامري اكثر من 18) والسوناتا 14
عيوب المكينه بدري عليها مشت الان 10000 فقط والله يستر الموديلات الاقدم تخبط على 90 ألف

بما اني استخدمها احياننا فاي جديد باضيفه هنا

+1 لايك للجميع

ايه بالفعل قيرها ما تقدر تحوله تعشيق يدوي
الا ممكن في فئة من ورا الطاره
و هذا عيب غريب
السوناتا تميزت من موديلات قديمه سنة ٢٠٠٠
ان قيرها ممكن تحوله يدوي

حلوه وفخمه وترا الكوري ماعاد زي اول 
تحسنت جودته وصار ينافس واخذ العرش على الياباني 
بس ترا مكينته تنقص زيت على ٥٠٠ كيلو وتخبط على ١٠٠٠ 
بس الموتر فخم ونقص الزيت والتخبيط ما يعيبه 

الكوري اغلب سياراتهم ماعليها كلام من ناحية صبر وتحمل
ورخص قطع وسهولة صيانه

لكن عيبين بالكوري الاول عام والثاني خاص
العام عيب التكييف مكيفات فاشله الثاني خاص بالسوناتا
محرك2.4 معروف يخبط بعد ممشى قربب الميه ولاهو كلام
شخص واحد او اثنين او ثلاثه او حتى عشرة كثير خبطت معهم

السوناتا2020 محرك2.5 ماحد يعرف خيره من شره ولاحد مشى عليها كثير الا انه
حصل فيه عيب بنقص زيت وشفنا مقاطع لكن البعض قال ماهو كلها
حصل فيها هالعيب

انا انصحك تشوف غيرها سيارة كثر الكلام عليها ليشش تدفع مبلغ وقدره فيها
خصلت السيارات ؟؟
عندك المنافسين افضل كامري اكورد التيما مازدا

عيب المكينة الى الان ماانحل اصرف النظر عنها نهائيا 

الدليل انها تخبط روح افتح النت وتعرف الدليل الشركة هونداي بنفسها معترفه وساحبه ٦ موديلات مو بس السوناتا في ٥ مع السوناتا واعلنو بعدد السيارات

تنقص زيت بالمكينه والبرمجه مانفعت ونصيحه لاتشتريها 

الموتر جميل شكله وحلو
مشكلته السعر مرتفع
وللان المكينه والجربكس نفس الشكل القديم ف السعر يعتبر غالي جدا عليها