تغيير الزيت خارج الوكالة

لا تهتم بما (يقولون)
الكلام لا يودي ولا يجيب
اهتم بالنظام (المكتوب) ...
يعني العقد .. او النظام عندهم للتعامل مع الضمان
ومتى يلغى الضمان يجب ان يكون مصدرها كتابه
وليس كلام .. قلهم اعطوني نص النظام
وانا راح اعمل الصيانه واثبتها ب مستند
مطبوع ومختم ... ف ما يقدرو يلزموك
تصين عندهم .. لانهم يبون يستفيدون
منك ... ولا تنسى الاهم من الوكالات
نظام وزارة التجارة)

ترا صيانات بترومين و ون ستوب يعطونك ورقا مطبوعة و مختوم عليها.
و صيانات 5,000 كلها زيت و فلتر و تشييك على السوايل و يمكن تدوير كفرات.
يعني السالفة كلها ما تجي نص ساعة. و طلع قرار في وزارة التجارة بأنه صيانات المراكز المعتمدة ما تلغي الضمان.

اخ بدر وش قصدك بالمراكز المعتمدة ؟ معتمدة عند وزارة التجارة و لا معتمدة عند الوكيل ؟ لان الوكيل يقولون بترومين مو معتمد عندهم اللي معتمد عندهم مراكز الوعلان و المجدوعي و الناغي فقط يعني الوكالة

المراكز المعتمدة اللي هي مثل بترومين و ون ستوب
و فيه مراكز تابعة للوكالات زي اسي ديلكو و ون ستوب هذا للحمراني تشوفه يصين سيارات نيسان الى الآن و وكيل زيوت فوكس

سو اول 4 صيانات بالوكالة وبعدها عند اي مركز معتمد او سوها بنفسك، بالنسبة لي بسوي كذا لأن غالبًا لو فيه مشاكل بتبين معك اول 20 الف كيلو

الصيانة حسب النقاط المذكورة في دليل مالك السيارة ( وعددها كثير يقارب ثلاثين نقطة )  اذا سويتها بالوكالة او خارج الوكالة   ضمانك مستمر بشرط الاثبات بالفواتير الالكترونية والختم 

اما تغير زيت وسيفون فقط هذه لا تعتبر صيانة وتطلع سيارتك من الضمان

شف سالفة إنها نهب فلوس فنعم هي نهب الفلوس والدليل . . . . . . .

موديلات 1970 - 1996 هل كان أبائنا وأجدادنا يعرفون شيء اسمه صيانة وكالة وضمان ومن هالخرابيط إذا اشتروا سيارة جديدة ؟؟؟؟؟؟؟

أصلاً ماكانت الوكالات منتشرة على أيامهم ,,, اللهم أول 1000 كيلو كانوا مايتعدون السرعة 60 . . . . بس هذه اللي كانوا يعرفونه ويلتزمون فيه ومنتشر هالكلام بينهم . . . .

جدي اشترى ددسن موديل 90 جديدة بقراطيسها على وقتها والله لا يعرف لا وكالة ولا صيانة ولا شيء وكان شاريها من معرض بالديرة . . . .

والوكالة كانت على بعد 120 كيلو من الديرة . . . . وجدي ماعمره تعدى الديرة . . . . والموتر والله ماشاء الله لهالحين موجود وبقوته . . . . .

بس كانت السيارات على وقتهم ( سيارات ) على اسمها ضمان وجودة وقوة وبدون أي عيوب مصنعية ,,,, لذلك ماكانوا يلجأون للوكالة وضمانها . . . .

الحين الله بالخير سيارات ماتدري وش يطلع لك منها من خراب وعيوب مصنعية . . . . فلذلك أنت مضطر تسايسهم حتى لا تفقد الضمان . . . . .

ضريبة السيارات الجديدة انك تغير عند الوكاله الله يعينك

هذي تقاصيل نظام الصيانة وضمان السيارة من موقع وزارة التجارة

هذي هي بنود النظام الي يفصل بينك وبين الوكالة اذا صار خلاف


وفقكم الله


https://mci.gov.sa/ar/guides/CustomerGuide/Pages/MCI_CarMaintenance.aspx