تأخر المعرض بنقل ملكية السياره

إذا السيارة واقفة في المعرض دون حركة ، نبههم لبيعها بأسرع وقت ، ولكن يا أخي هذا رزقهم نقل الملكية للمعرض ثم نقلها لشخص آخر يزيد من التكاليف ويقلل الربحية ، إذا السيارة واقفة وبأمان أرى أنك تعطيهم مهلة إضافية

نظام المعارض يخليها باسمك
عشان لا يدفع ضريبه
وعشان ياخذ دلاله 1500 سعي فوق قيمة السيارة
وعشان لا يخسر قيمة نقل وتامين
وعشان اذا جاء احد يشتري.. يقول السياره مو للمعرض.. سيارة واحد استخدام شخصي.. ومالي فيها مكسب الا ١٥٠٠ دلاله

قل لهم كلمتين انقلها الان او بيني وبينكم شيخ المعارض بس لازم يكون معاك شي اثبات انك بايعها عليهم من الاثنين الماضي

هل انت بعتها للمعرض او ووقفتها بالمعرض

يختلف الموضوع

صارلي نفسك بعتها والمصيبه طلع فيها قدامي راعي المعرض وهي باسمي 

ونطرت يومين واا جاني مسج بيع 
كلمتهم قاموا يتلكلكون وقلت له عندك للصبح ولا عالمرور 

لان النظام اذا باعها ومانقلها يغرم ٥٠٠٠ 

وفعلا ثاني يوم انتقلت من اسمي 

بسالك لو طلع بالسياره وسوا فيها مصيبه تتحملها او لك خلق سين وجيم 

نصيحه خذ اثبات البيع الي هو سند القبض او اي شيء وروح لكرور المعارض او شيخ المعارض 

لانك ماتدري من الاثنين الى الاحد وشو ممكن سوو بموترك 
( يكفيك لو جاء ساهر اشاره بس ٣٠٠٠ ) 
وتعال فكها لانزلت باسمك اقل شيء شهرين وممكن تبي تجدد شيء خلال الشهرين ولا بتقدر الزبده مرمطه 

رح اشتك والله ييسرلك

البلاء مو بساهر والله إنه بسيطة لو وقفت على ساهر ,,,,, المصيبة ليسوى بها جريمة ( قتل وإلا خطف ) والله لتجي على رأسك لأنها بإسمك . . . . . .

فهذه سلمك الله حركات راعين المعارض والشريطية , عشان مايدفعون قيمة نقل الملكية والسعي والتأمين الجديد فكذا تبي تطلع 1200 ريال على الأقل . . . . .

وبالتالي يخسر كذا الشريطي اللي شراها منك ( خوي راعي المعرض ) . . .هم يتباسطون الموضوع وهو خطير جداً . . فهل أنت تضمن الشريطي وإلا أحد من أخوانه يوم يأخذها ؟؟؟؟

اتصل على راعي المعرض وقل الله عطاك 24 ساعة إن مانقلتها على اللي شراها مني ( طبعاً راح توصلك رسالة بجوالك اللي مسجله بأبشر أنها نقلت ملكيتها ) . . . .

فترى راح أروح للمرور ومعي ورقة المبايعة وأشتكيك وخليتهم يصكونك بغرامة 5 الآف ريال . . . . وخل خويك الشريطي يسددها عنك إن قدرت عليه . . . . .

اشكركم جميعا على الردود
كفيتو ووفيتو لاهنتم

من اسبوع سيارة عملت حادث كبير بالسليمانية واسعفو المصابين
يوم وصل المرور واذ طلعت السيارة باسم واحد بايعها للمتسبب بالحادث وله فترة ست شهور
يطالبه بالنقل لين فترة قريبة اشتكى عليه رسميا
تخيل ما اشتكي وصار الحادث؟ بتطيح براسه مباشرة
و

والله مشكله لو اشتريت شي منهم على طول يسجلونه باسمك
لكن العكس لا
هل استفسرت من المرور