اشتريت سيارة وكان فيه تلاعب في العداد

قدم شكوى لشيخ المعارض

واتوقع بيقدر لك الفرق في المبلغ

الخوف لو اروح لهم المعرض ويطلعون عدلو مره ثانيه في العداد ويطلعوه ١٢٠ الممشى الحقيقي
لاني امس احتديت معهم ورفضت استلم السيارة .
انا اثباتي في السيارة ممشى ٧٧ ولو عدلوه بيروح الاثبات

اشتكهم عند شيخ المعارض واذا ما حلت ارفع الشكى للشطة بس حاول تاخذ اثبات ان العداد 77 الف

رح للمعرض وصور السيارة والعداد ورقم الشاص وخل وجهك ثقيل
وحمل تطبيق موجز ودخل رقم اللوحه ويطلع لك كم الممشى الفعلي الفعلي وكم واحد فوض للسياره.. ممكن صح مالك واحد.. لكن ٢٠٠ مفوض او اكثر لانها تاجير
دام الموتر غشوك فيه لا تأخذه ولا تحركه من مكانه
لانك اصلا ماراح ترتاح له
وبتقعد مغبون
فخله ولا تحركه
حركات المعارض مايخلونها.. لا زالوا يلعبوا بعداد السيارات الخليجيه.. والحين حتى حولوا ع السعوديه
ويحسبوا الناس جاهله زي اول
صور الموتر وعداده وطلع له تقرير موجز واطبعه وقدم شكوى لشيخ المعارض وحقك يرجع باذن الله
والسياره تراها بسم المعرض
لكن للان مانقل الملكيه
عشان لا يدفع رسوم تامين ونقل..وضريبه القيمه الضافه
وعشان لا طلع فيها عيب.. يقول انها موب باسمي
لكن لو درا حق التاجير انها باقي باسمه وهو باعها لهم ومعه ورقه مبايعه
يتغرم المعرض لانه يتهرب عن دفع هالفلوس للدوله
وكل المعارض كذا.. لكن للان محد وقفهم عند حدهم
وان شاء الله بتوقفهم عند حدهم
لان لو المعرض انكر انه لعب بالعداد.. بيستعدوا المالك السابق؛. وراح يتفاجيء انه السياره لا زالت، باسمه. وبيغرموا المعرض ويعرفوا انه حق تلاعب. وبيجيك حقك

الله يعينك

سو الكلام اللي قال لك ابو خالد

قدم الشكوى لشيخ المعارض يايردون لك قروشك

او ينقصون لك من المبلغ اقل شئ 3000 الاف ريال اذا انت نفسك بالسيارة

طيب فيه سؤال مهم يتعلق بموضوع التلاعب بالعداد ::
كيف معرفة المشي الحقيقي للسيارة ؟؟
وكيف الرسالة اللي جت لصاحب الموضوع بينت المشي الحقيقي ... كيف عرفوا هذا ؟؟

الاستاذ/ ناجي

المرور تكون سجلت لديه سابقا مبايعة على السيارة وتم تدوين العداد ، يعني السيارة ذي تجاوزت الارقام المذكررة، شف عاد متى تاريخ أخر نقل ملكية

وأنا أخوك بأتكلم معك بالعقل ولن أتكلم معك بالعاطفة ,,,,, إذا السيارة نقلت ملكيتها لك ,,, فخلاص فاتت ياونيان . . . يقدر راعي المعرض يطلع ورقة المبايعة . . . .

ويقول مادريت إنها ماشية أكثر من 77 ألف ولا ني مشتكي شركة التأجير اللي حطوا السيارة عندي عشانهم ضحكوا علي وتلاعبوا بالعداد . . .

وممكن يكون رجعها الآن لـ 120 ألف وأنت تكتب الموضوع . . . . تبي تقول إنها لهالحين بإسم شركة التأجير ,, شركة التأجير متأكد مليون بالمية عندها علم أن السيارة لا زالت بإسمها . . . .

وأكيد راعي المعرض ( وسيط ) لهم ومصرف لسياراتهم لذلك ماراح يخسرونه عشانك ولا راح يشتكونه وأكيد بينهم تعاون من زمااااااااااااان من قبل ماتجيهم . . . .

وأكيد هو معه تفويض من قبل شركة التأجير . . . . لذلك من ناحية شكوى عدم نقل الملكية والتغريم و و و و فلن تفيدك بشيء . . . . . فللمعرض أكثر من درب ومخرج . . . .

فنصيحة روح لراعي المعرض وذكره بالله وأن الغش حرام ولا يجوز وقل أنا ما أبي شيء إلا إنك تقدر لي الفرق في الممشى فقط وتعطينياه . . . . .

أما سالفة أن السيارة تأجير وغشني فيها فمع احترامي لك يوم توقع على ورقة المبايعة عيونك وين ماتقرأ اسم البائع وتسأل عنه ؟؟؟؟؟؟ والقانون لا يحمي المغفلين . . . .

انا صارلي نفس الشي .. اشتريت افالون والعداد ١٧٦ الف ولما دخلت على موجز اكتشفت العداد فوق ٣٠٠ الف وكسور عن طريق اخر فحص مسجل السنة الماضية. مدري وش اسوي الحين انغشيت

المشكلة غلطي اني ماقريت العقد وانا غشيم ولااعرف بذي الامور
واول مرة اشتري سيارة. كنت استخدم سيارة الوالد وخبطت المكينة علي كثير وتعبت منها ومن الحرارة.
 حرمت نفسي وضغطت على نفسي وبيتي عشان اوفر سيارة لنا.
 ولا عرفت تطبيق موجز الا بعد ماشريت السيارة
جاني فضول اشوف وانصدمت والله ملاك السيارة قبلي ٦ وحوادث ٧ والعداد فوق ال ٣٠٠. الحمدلله على كل حال. الله ياخذ حقي منهم.

اهم شي لاتحركها من المعرض ولا تستلم ولا تتنازل عن حقك يا يعوضك بمبلغ مالي يا يرجع فلوسك والاهم شيخ المعارض لاتضيع حقك لانه بتتعبك السياره وتندم وتقول ريتني ما استلمتها ومع الاخ ابو خالد باللي قاله

اعوذبالله الناس صارت ترضى تاكل بالحرام ولا همها شي المسلمين مات ضميرهم الله المستعان

شكرا لك يابو فوز .....ياليت تطبيق موجز هذا عندما يقدم معلومات عن السيارة تكون فيه صور عن كل سيارة ساعة حصول حادث عليها .... كيف يعرف الشخص قبل شراء سيارة مقدار الحادث الذي حصل عليها وهل هو جسيم ام بسيط ؟؟

انا ماعرف تطبيق موجر ولم استخدمه قبل ...


بالنسبة للي يحبط ويقول فاتت ..... فالحق يبقى حق والغش او التلاعب يبقى كذلك حتى وإن تقادم وهذا هو المعروف في النظام او القانون
المهم هو إثبات الحق والبينة عليه

ياليت تعلممنا وش يصير معك

اذكر اسم المعرض ولا تتنازل عن حقك 

اعتقد ان الرسالة اللي توصلك تكتب كتابة عادية وليس لها دخل بالممشى الحقيقي
بمعنى ان اللي دخل العداد في العقد كتب لك 120 فبالتالي توصلك رسالة ان الممشى 120 وليس لها دخل بالممشى الحقيقي

الممشى الحقيقي احتمال وليس اكيد تلقاه عند الفحص الدوري (اذا فيه فحص بالسيارة تاكد من العداد في شهادة الفحص) بشرط ان لا يكون ملعوب بالعداد قبل الفحص

عشان كذا ما يبين العداد الا بحالتين الوكالة (لو انه يسوي الصيانة الدورية ) وهذا نادر فينا يالسعوديين الا بالسيارات الكبيرة الفخمة
او الفحص الدوري اذا هو فحص قبل ما يغدل بالعداد

لكن انا اعتقد ان العداد يكتب بالعقد (اي كلام ،،، يعني خانة وعبوها فقط) مثل السعر في بعض الاحيان ما يكتبه نفسه

لك خيار العيب

انشب لهم لو تروح المحكمة
لكن إذا تأخرت تروح عليك ويسقط خيار العيب