أضف سؤال أو موضوع جديد          

بكرت الكمبرسر ما تتحرك

up 0 down 0
saeed-ksa 206
قبل 4 شهر و 2 أسبوع



السلام عليكم ورحمة الله وبركاته

انا اليوم الصبح شغلت الموتر وحركت تقريبا 3 دقايق والمكيف قلب هواء حار وسمعت صوت السير انقطع
لبقت الموتر وطفيته وفتحت الكبوت وشفت السير مقطوع جميع البكرات تتحرك إلا بكرت الكمبرسر مجيمه
والنترا سيرها واحد وبلشت ما اقدر أشغل الموتر وتروح المكينه وبنقلها الصبح لورشه لكن الحين في عندي عدة خيارات فك الكمبرسر واني أشوف
مدى أمكانية تصليح رمانة الكمبرسر اذا تتصلح تمام واذا ما تتصلح أكيد كمبرسر جديد للاسف وهذا خيار دائم للورش
والكمبرسر فيه أنواع اللي يجي كلتش من 2013 وتحت او كهرب اللي مثل الراكب عليها حاليا
وانا بشتري اصلا النوعيه الكوريه ورديتر مكيف كوري
وش تنصحوني لو كان الكمبرسر فعلا خربان ناس قالوا رهم حق ترسيل لكني ما احب شغل التلفيق يسحب كهرب وصرفيه








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الالنترا الي شكل 2012 وانت طالع جا الكمبروسر الي نظام الكلتش الداخلي
من 2011 وانت نازل هو الي يجيب بنظام الكلتش الخارجي

شوف بكل امانة انت في مجال ممكن انه الكمبروسر يتصلح لأنه في 3 سنون ماسكه الكلتش والسنون هذي ما فكت يعني باقي في امل في الكمبروسر لكن التصليح راح يكون صعب خصوصا انه فك الكمبروسر متعب انك تخرج الكلتش وتفك الكمبروسر معقد شوي وما تدري هل راح تضبط او لا لكن غير الكمبروسر وريح راسك


فك الكمبروسرالقديم وغير فلتر الفريون شكله مخروطي قيمته 34 ريال شي زي كذا ومحله يجيك في الجهة اليسرى من ردييتر المكيف تخرج رديتر المكيف تفك المسمار الي فوق تخرج الفلترالقديم تجيب الفلتر الجديد و تركبه
واشتري فريون تنظيف الي هو 11 او 502 ونظف الدورة بفريون التنظيف بعدين تدور كمبروسر اسمه هينون الكمبروسر هذا يركب بدل حق الوكالة وعلى الافياش وعلى نفس القاعدة وتبريده ما شاء الله اسكريم انا اخذته ب 700 وشي قبل ما تفرض الضريبة قبل سنتين وشهرين تقريبا ولحد الان شغال تمام ما شاء الله


up 1 down 0
ms3al 1778
قبل 4 شهر و 2 أسبوع



يعطيك العافيه
رحت الصبح للصناعية قالوا غير أحسن لك غيرته مع الرديتر وفريون امريكي



up 0 down 0
saeed-ksa 206
قبل 4 شهر و 2 أسبوع