أضف سؤال أو موضوع جديد          

سبب الدخان الابيض من العادم؟

up 1 down 0
ii.mohammed 3
قبل 4 شهر و أسبوع



السلام عليكم ورحمة الله 

قدر الله علي وانا ماشي بالسيارة، دعست فجأة عالبانزين وطاح عزم السيارة وطلع دخان ابيض بشكل كبير، فالغالب انه زيت 
الجو كان حار وكنت مستخدم السيارة تقريبا ساعتين 

وقفتها تقريبا ساعة ورجعت شغلتها الدخنة خفت ومشيت فيها شوي اللين الورش تقريبا ١٠ كيلو 
طبعا مشيت عليها على اساس ان الزيت ما نقص ولا الموية، والحرارة طبيعية والعزم طبيعي 

وديتها عند كم ورشة معروفه ولا احد عرف المشكلة، بس اقترحو تسقيط شمبر وتغيير وجه المكينة او توضيب كامل، بس قالو قبلها غير بلف الحرارة والزيت والفلتر يمكن بنسبة 20٪؜ المشكلة تنحل 

الان مشيت عليها مشي خفيف مافي اثر للدخان، العزم طبيعي والحرارة طبيعية ولا فيه نقص مويه 

نصايحكم؟ هل امشي عليها مشي خفيف واشوف اذا نقص الزيت وتنحل المشكلة ولا فيه امور ثانية اشيك عليها قبل التوضيب ؟ وهل التوضيب راح اعتمد عليه اقل شي سنتين قدام ؟ 

السيارة النترا ٢٠١٣ الممشى ١٩٠ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انتبه لاتصدقهم
صارت كثير الحركة هذي ويطلع سببها بلف التبخير او بنزين مغشوش او زيت المكينة نوعه تعبان


up 0 down 0
باترولاوي 26
قبل 4 شهر و أسبوع



ماعليك منهم طالما ان السياره شغاله وتمشي لاتفكر فالتوظيب الا اذا السياره طلع بالمكينه صوت او تعطلت نهائي لاكن غير الزيت والسيفون كحل مبدئي وشوف 


up 0 down 0
راكان443 149
قبل 4 شهر و أسبوع



كان يطلع من مكينتي دخان ابيض
طلع ان ب الثلاجه حقت المكينه زيت
ويتبخر ويطلع من الشكمان
شفطوا الزيت من الثلاجه واختفت المشكله يارب لك الحمد
طبعا سيارتي بي ام

طبعا رحت ٣ ورش وخسرت صراحه.. لكن الحمدلله طحت بواحد امين.. فانت لا تعتمد على كلام شخص واحد..اسال اخوياك عن مراكز صيانه ممتازه وامينين.. ومر على كذا واحد وشف وش بتطلع المشكله معاك

والله ييسر لك امرك


up 0 down 0
ابوخالد1397 2878
قبل 4 شهر و أسبوع



الله يجزاكم خير جميعًا ما قصرتو

هذا اللي سويته الان، غيرت الزيت مع الفلتر وغيرت بلف التبخير، شغلتها ودعست على خفيف والسيارة واقفة ومافي دخان والعزم تمام ولا فيه اصوات ابدا
ان شاء الله الليل بمشي عليها واشوف ايش المستجدات..

هل يحتاج اشيك على امور ثانية ؟ تنظيف البوابة ؟ بواجي واسلاك البواجي ؟ حساس الهواء ؟ او اذا فيه امور ثانية ؟

الله يعطيكم العافية وييسر اموركم






up 0 down 0
ii.mohammed 3
قبل 4 شهر و أسبوع



التوظيب مكائن الألمنيوم لم ينجح فيه كفتره طويله


up 0 down 0
abcdefg123 6
قبل 4 شهر و أسبوع



سيارتي النترا ودائما سرعتي ما تزيد عن 120 ويوم كنت متجاوز شاحنة وكان التجاوز خطر
اضطررت لضغط البنزين كامل وما تجاوبت السيارة بسرعة وطلع دخان أبيض كثيف جدا ، ثم خف الدخان حتى أنقطع
وبعدها مشيت عالسيارة حوالي 30 ألف دون مشاكل ولا زالت معي
فإن شاء الله الأمر طبيعي


up 0 down 0
anosi 1357
قبل 4 شهر



الدخان الابيض يأتي اثناء الدعس ع البنزين بقوة والسيارة ماتستجيب بسرعة فيطلع دخان

صار لي مرتين الموقف هذا لكن نظامي ماوديها لورشه الا اذا طاحت او شفت خرابها بعيني لانهم نصبو علي كثير مايخافون الله


سيارتي انترا ٢٠١٦
اللهم لك الحمد والشكر

والله يكفيني و يكفيكم الشر عاجل وآجله


up 0 down 0
محمد 3120
قبل 2 شهر و 2 أسبوع