أضف سؤال أو موضوع جديد          

مشكلة في النترا 2017

up 0 down 0
hasse.n 1
قبل شهر



السلام عليكم ورحمة الله وبركاته 
اخواني عندي سيارة النترا 2017 رحت عليها امس جده وجيت مع احد نقاط التفتيش وهديت عشان المطبات وفجأة طفت السياره اشغل السياره مهي راضيه الا اذا دعست بنزين تشتغل رحت لي كم ورشه فحصو كمبيوتر قالو ما طلعت المشكله الي طلع لهم انو في رصاص في الشكمان 
قلي المهندس احتمال انه منظم الهوا لان عداد الضغط يرتفع وينزل غيرت منظم الهوا وبرضو نفس المشكله رحت ورشه ثانيه قلي احتمال صفاية بنزين ولا حساس شكمان ولا غيرتها لان المهندس يقول احتمال مو اكيد افيدوني يا اهل الخبره .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا ولعت لمبة الماكينة افحص كمبيوتر هو افضل شي لانه حسب وصفك للمشكلة 
صعب نحدد الخلل يمكن كويلات او حساسات 


up 0 down 0
mr.bdran 31
قبل شهر



كم ممشى السيارة ؟ وهل سبق وغيرت البواجي ؟


up 0 down 0
0abo_waleed0 115
قبل شهر



اهم شي لارحت ورشه وقالك نشيل الفحم حق الشكمان اتركه تراهم كذابين يبون يفرغون الفحم او الرصاص كلن وتسميته عشان يبيعونه
بخصوص مشكلتك صراحه غريبه لاكن جرب تنظف الدعسه الثروتل وتجرب ممكن منها


up 0 down 0
zl1.v8 109
قبل شهر



ممشى السياره 164 الف غيرت بواجي يابو وليد


up 0 down 0
hasse.n 1
قبل شهر



لا مجال للتخمين صراحة
ممكن يكون حساس الكرنك ، أو فلتر البنزين وسخان ، أو البواجي تعبانة

الي أتمناه إذا صلحت المشكلة تشاركنا وش المشكلة الي كانت موجودة


up 1 down 0
anosi 1358
قبل شهر



يوم قلت ان الضغط يلعب والسيارة طفت توقعت ان البواجي رايحة فيها لكن دام المشكلة جتك عند المطب شيك على كل الافياش اكيد ان فيه فيش مو مشبوك زين او ملتمس وهو اللي مسبب لك هالشي لأنها ماطلعت المشكلة الا عند مطب، افياش البخاخات والكويلات وحساس الاكسجين وحساس الهواء وافياش البوابة وافياش الطرمبة يعني سو تشييك كامل وامش على الظفيرة فيش فيش وغالبًا بتلقى المشكلة فيش طالع من مكانه شي بسيييط


up 0 down 0
0abo_waleed0 115
قبل شهر



وشيك على الفيوزات بعد لأن قبل فترة صارت معي مشكلة قريبة لمشكلتك وطلع فيوز طرمبة البنزين طالع من مكانه شي بسيط وركبته زين والامور تمام


up 0 down 0
0abo_waleed0 115
قبل شهر



الله يعطيكم العافيه جميعاً لا خلا ولا عدم وبشيك زي ما قلتم واذا عرفت المشكله بقولكم بإذن الله 


up 1 down 0
hasse.n 1
قبل شهر



طيب شيكت على طرمبة البنزين
لانها تسوي نفس الحركه
باستثناء انها ماتقبل التشغيل الا لما تبرد السياره شوي.. يعني بعد ماتطفى ب٥ دقايق يمكن تشتغل معاك


up 0 down 0



تاكـد من حساس الشكمان مثل اليارس عندي


up 0 down 0
aboahmed2014 1118
قبل شهر



شيك على حساس الهواء جنب قربة حقت فلتر الهواء
افصله وشغل السيارة بعدين اشبكه وشغل وشوف وش يصير معك هل فيه فرق والا لا


up 0 down 0
b or not be 1437
قبل شهر



حساس الكرنك يعمل المشاكل هذه - فك الحساس ونظفه - والفرق بين مشكله الحساس طرمبه البنزين هو لو السياره تتأخر في التشغيل في الصباح ببقي العيب من الطرمبه


up 0 down 0
عمده33 1662
قبل 3 أسبوع و 5 يوم