عندك شمعة تنور والثانية طافيه هنا الحل
9
3
إضغط هنا للإخفاء
السلام عليكم ورحمة الله وبركاته
صبحكم/ مساكم الله بالخير
قبل فترة كتبت موضوع انه اللمبات الخارجية جهة السائق ما تشتغل وديتها اكثر من ورشة محد عرف لها وفتاوي واحد يقول كمبيوتر و واحد يقول الظفيرة ودعت وواحد يقول التماس(يعني جاب شي جديد)
في النهاية توقعت اني ممكن انا مركب شي في السيارة ومأثر على الكهرباء مع اني فكيت اغلب الأشياء الي مركبها قبل فترة
بحثت في مواقع اجنبية ولقيت واحد مشكلته قريبيه من مشكلتي وكانت مشكلته لمبة اللوحات الخلفية فكها ورجعت سيارته تمام قلت طيب مو مشكلة نفصلها ولكن للاسف لا زالت نفس المشكلة
بعدين جاتني افكار وربطتها في بعض وقلت ان شاء الله انها تكون المشكلة منها
اول شي الي صاير لسيارتي انه اللمبات الخارجية جهة اليسار تطفي: الليد (الناعس)+ الاصطبات الخارجية +لمبة اللوحة اليسار اما الباقي من انارة طريق(عالي+ واطي)+فلشر لمبات ريوس شغالة الجهتين
والمشكلة ما صارت لي غير بعد الامطار
عرفت على طول انه هذا التماس واذا طفيت السيارة وشغلتها رجعت الامور تمام حاولت ادور المحفز او المسبب للالتماس ما عرفت اوصل له جربت كل شي توقعته
المشكلة ما تجي غير لما امشي بالسيارة
في اضافة انه الماطور الي يطلع وينزل النور معاد يشتغل واصلا كان مشبوك في وصله جات مع الشمعة بحيث في النهار الليد النهاري يشتغل
بعد عدة محاولات جاتني الفكرة هذي
الاسطب يطفي لما تتحرك السيارة + معاير النور بطل يشتغل اجل اكيد المسبب الشمعة الامامية وهنا الالتماس أكيد
فصلت الشمعة الامامية اليسار وطلعت اجرب السيارة الامور ضبطت تماما عرفت ان الشمعة دخلها موية وعدمة منظم الكهرباء حق الليد ولما اتحرك الموية تتحرك داخل
فلغيت نظام النور النهاري حتى تنشف الموية
والحمدلله انحلت المشكلة
ادري اني طولت الموضوع لكن حسب البحث الي لقيته انه اذا جهة عندك طفت كاملة تعرف انه السبب يكون التماس في احد الانارات الخارجية سواء لمبة لوحة او لمبة انارة او لمبة خلفية او حتى فلشر راح تطفي لك جهة كاملة
وايضا هذا من السيفتي بحيث يطفي لك اللمبات الي ما تحتاجها ويخلي لك اللمبات الي تحتاجها
اتمنى الموضوع يكون مرجع لأي شخص واجه هذي المشكلة
او فالمسقبل يواجه المشكلة هذي لحد يقولك ظفيرة ولا كمبيوتر
موضوعك التماس بسيط في أحد اللمبات
إبلاغ
الردود
0
0
يعطيك العافية وان شاء الله اخر المشاكل
0
0
قبل 3 سنه و 9 شهر