غيار الزيت النترا 2020

حط زيت فوكس تيتان سوبر ديكسوس لزوجة 5w3وتصنيفه sn وهذي اللزوجه الموصى فيها ...... تحصله عند مراكز ون ستوب الوكيل حقها العلبه حول ٥٠ريال ومن محلات الجمله والموزعين نفسه بالضبط أخذته ١٩ ريال وعليك الحساب مع الضريبه الجديده كم يطلع

وعليكم السلام 
تغيير الزيت برا ما يطلعك من الضمان واختار نفس الزيت واللزوجة اللي توصي فيه الوكالة

اهم نفطة تغيير الزيت يكون عليها فاتورة ومن مراكز معتمدة حتى لاتخرج من الضمان وفالك التوفيق

غير مكان ماتبي اهم حاجه عند مركز معتمد مثل بترومين وخذ فاتوره لاتغير عند البناشر تطلع السياره من الظمان 

معي سيارة النترا
ولا دخلت الوكيل يوم
برضه نسيبي عنده النترا ولا دخلت الوكالة يوم
كلنا نغير زيت كل الناس يذكروه بالسوء
كاسترول 10w30
كل 5000
مع فلتر الزيت مع كل تغيير

سعر التغيير 95 ريال مع بطاقة غسيل السيارة هدية ومع الفلتر الأصلي
بدون فلتر وبدون غسيل للبدي 75 ريال

سيارتي ماشية 250 ألف كيلو متر دون أي مشاكل

سيارة نسيبي ماشية 400 ألف بحكم يسافر عليها كثير وبدأ يطلع عنده صوت في التكايات بعد 400 ألف

لو كنت ناصح لك ، أقول لك خذ فلاتر من الوكيل وزيت بترومين A1 من الموزعين وغير في البناشر بحدود 10-15 ريال شغل اليد

لكن الوكيل نصاب

معي اختها سيراتو 2020 وناوي اكمل لين 15 الف بالوكالة وبعدين اذا ماشفت مشاكل بسحب عليهم وآخذ الزيت بالكرتون والسيفون وكالة واي ورشة تغير لي الزيت ب30 ريال شغل يد،
يعني 4 علب فوكس تيتان 5w30 بـ20 هذي 80 ريال، وشغل اليد 30 هذي 110 ولو الفلتر ب30 بتصير 140 وتمشيني 10 آلاف، ومن ناحية الضمان فبإذن الله اذا مافيها مشاكل اول 15 الف ماراح تواجه مشاكل بعدين لأن القير والمكينة بالالنترا معروفين بالاعتمادية العالية والتحمل، الضمان بيروح طبعًا لكن دام القير والمكينة سليمين وكل شي سليم خلال 6 شهور ماشوف اني احتاجه بعدها