أضف سؤال أو موضوع جديد          

سيارتي متعطلة لأكثر من 5 شهور لم تتحرك ماذا افعل

up 1 down 0
kawaser_2 6
قبل 3 أسبوع و 4 يوم



السلام عليكم ورحمة الله وبركاته

، سيارتي تعطلت قبل 5 شهور تقريباً ووقفتها ولا كان عندي مبلغ اني اصلحها وتركتها فترة طويلة ولها 5 شهور حاولت قبل شهر اشغلها كل شي طافي البطارية وغيره
والان اعتقد الخرابات زادت والدنيا ، وش اسوي اول شي هل اخذها بسطحه لاي ورشة او شلون ، وهل الكفرات تحتاج لتغيير والزيت وغيره وو الخ .. يعني كم ممكن يكلف.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


طيب اعطينا تفاصيل نوع السياره الموديل ايش مشكلتها وليش وقفتها عشان نرد عليك 


up 3 down 0
الخور قريبه 423
قبل 3 أسبوع و 4 يوم



على حسب المشكلة اللي خلتك توقف السيارة اذا كان خراب عادي ما يأثر على قطع ثانية
خمسة شهور ما راح تخرب عليك اشياء كثيرة 
تحتاج بطارية وغيار زيت واحتمال وزن اذرعة 


up 2 down 1
mr.bdran 31
قبل 3 أسبوع و 4 يوم



اول حاجه سو اشتراك لها وشغلها وودها الورشه صلح العطل الي فيها كان اول اذا جيت تطلعها من الورشه شغلها اذا اشتغلت زين كمل على البطاريه مااشتغلت غيرها لى انه مو شرط تكون البطاريه خربانه ممكن فاضيه
بخصوص الزيت حق المكينه الافضل تغيره وتبدل مويه الرديتر
عند الوالد سكويا 2014 نوقفه 6 شهور 7 شهور مانحركه فقط كل فتره نشغله شوي وقبل لانسافر عليه نشيك عليه ونتوكل على الله الحمد لله مايشكي من شي


up 1 down 0
zl1.v8 109
قبل 3 أسبوع و 4 يوم



الله يبارك فيكم جميعاً على الردود الطيبة، في الحقيقة سبب المشكلة او الخراب اني بمرة طلعت فيها الصباح لمشوار ، وكان فيه صوت عند محرك السيارة ة وبعد ماوقفت لقيت فيه دخان يطلع من المكينة مو بضبط منها ولكن شي حولها واظن فييه قطعه عطلانه بالمحرك ف وقفتها وشلتها بسطحه وحطيتها بالبيت ولا كان معي مبلغ اني اصلحها وجلست 5 شهور طافية تماماً يعني م شغلتها إلا من اسبوعين وكل شي طافي والبطارية كنت مغيرها من سنة تعتبر جديدة ..

انا معي مزانية بحدود 2000 وابي بس اصلح الخراب الاساسي اللي وقف لي سيارة واصلح الاشياء الثانية الضرورية اللي ترتبت على وقوف السيارة . ف تكفون ساعدوني لاني م افهم بهالامور واروح عند بعض الورشات وللاسف ياخذ مني كثير ويحط مشاكل من راسه وانا لا افقه
يعني هل ضروري اغير الكفرات؟ مع العلم انه الكفرات بعد مغيرها مالها سنة والبطارية مالها سنة وانا مو حق طلعات ولا شي بس بصلحها من بدري لين م الله ييسر لي واكمل تصليح باقي الامور الثانوية ولكن الان ابي الاشياء الضرورية اللي اصلحها اللي هو الخراب الاساسي ووش بعد؟ اغير زيت وو الخ يعني هل ال 2000 او 2500 كافيه انها ترجع سيارة تشتغل بشكل طبيعي لين م الله ييسر الحال واكمل تصليح الامور الثانوية
وشكرا لردكم واحد واحد قريته ربي يسسعدك يا اخواني


up 0 down 0
kawaser_2 6
قبل 3 أسبوع و 4 يوم



الكفرات لا تغيرها ما امداها تخرب والبطارية اذا شغلت السيارة بتشحن من الدينمو وترجع زي الجديدة شيل سيارتك ع سطحه وودها لورشة واسئل اقاربك ومعارفك عن ورشة ثقه يتعاملون معها ونزلها عندهم يصلحونها 


up 0 down 0
الحكم11 13
قبل 3 أسبوع و 4 يوم



اذا ات بالرياض.. فيه ورشه، اتعامل معها.. لاني جربت ورش كثير وانغشيت كثير.. لكن هالورشه اللي شغال علبهم سوداني كبير بالسن.. وامين بصراحه.. ويعلمك الخلل اللي يحتاج اصلاح.. واللي فيه نص عمر ويمشي.. يقولك تراه فيه نص عمر ويمشي معاك مايحااج تغيره.. بس غير كذا وكذا هذي المهمه
اكتب بخرائط قوقل مركز الروابي لصيانة السيارات.. موقعهم مخرج ١٤.. هم داخل محطه اسمها فيول.. واذا تبي رقمهم ابشر
والله ييسر لك امرك وان شاء الله تطلع مشكله بسيطه.. واذا رحت لهم لا تتعامل الا مع عبدالله السوداني.. حتى بالاسعار كلمه ويرخص لك
انا مره خلطت سيارتي مويه وزيت بالرديتر وحسبتها خبطت ولكن الحمدلله السوداني طمني وقالي مشكله بسيطه وهي من مبرد المكينه وغيرته وغيرت الزيت والحمدلله رجعت السياره مثل اول
موفق


up 1 down 0
ابوخالد1397 2844
قبل 3 أسبوع و 3 يوم



اول شي اشرك البطارية وشغلها وخلها شغالة نص ساعة كذا بعدين ودها لورشة ودام عندك مشكلة بالمكينة فما يحتاج تغير الزيت لأنك بتغيره اذا جيت تصلح المشكلة


up 0 down 1
0abo_waleed0 115
قبل 3 أسبوع و 3 يوم



الله يعطيكم العافيه جميعا ردودكم اثلجت صدري ، ابو خالد الله يسعدك عطني رقم ورشتك وبروح لهم ، الله يسعدك


up 1 down 0
kawaser_2 6
قبل 3 أسبوع و 3 يوم



الله يعافيك ويسلمك
هذا رقم المكتب اللي بالورشه 0114919927 واحد اسمه عبدالاله حتى هو سوداني
وعندهم واحد يتعاملوا معه حق سطحه ان شاء الله يرخص لك عن باقي السطحات
اذا رحت لهم لا تتعامل الا مع عبدالله لان هو اللي بيشخص لك المشكله وبيقول لك وش فيها وكم تكلف
وان شاء الله يطلع الموضوع بسيط ومايكلفك كثير.. وترا اليوم مايداومون.. بكره الصباح يفتحوا يمكن ٨
واسأل الله في هالجمعه.. ان الله ييسر لك امرك ويفرجها عليك وعلى كل مسلم
موفق يالحبيب


up 2 down 0
ابوخالد1397 2844
قبل 3 أسبوع و 3 يوم



الله يعطيك العافيه يا ابو خالد انت والشباب البقية، انا حفظت الرقم عندي وباذن الله في اقرب وقت راح اتواصل معهم واروح لهم واحطها عند عبدالاله ، وجزاك الله خير يا ابو خالد انك كنت بعون اخيك المسلم ووجهتني وعلمتني وساعدتني انت وباقي الاخوان ، الف شكر واله ، الله يفتحها عليك ويوفقك ويسهل امورك ..



up 2 down 0
kawaser_2 6
قبل 3 أسبوع و 3 يوم



وياك يارب وابد ماسوينا الا الواجب وأقل وانا اخوك
وعسا الله ييسر لك امرك وباذن الله تطلع مشكلة بسيطه
وعشان لا تنسى.. اسمه عبدالله اللي وصيتك عليه.. اما عبدالاله هذا إداري بالمكتب حق الورشه
واول شيء خل عبدالله يفحص السياره ويعطيك وش فيها بالظبط ووش الاشياء اللي تحتاج تتبدل والاشياء اللي مايحتاج تتبدل
ويعلمك السعر وكاسره بالسعر تراه طيب وان شاء الله يراعيك.. وباذن الله تطلع بأقل التكاليف يارب
موفق ان شاء الله


up 0 down 0
ابوخالد1397 2844
قبل 3 أسبوع و 3 يوم



الله يعينك ويسهل امرك والشباب ماقصرو
سؤال يبو خالد الورشه تخصص اي نوع سيارات ولا فقط هونداي وكيا
شكرا


up 1 down 0
midnight_963 627
قبل 3 أسبوع و 2 يوم



الورشه عادي تستقبل اي سياره.. صغيره وداخل محطه.. لكن الزول اللي فيها فاهم شغله.. واهم شيء اهم شيء الامانه عنده اللي تفتقدها الورش الثانيه.. يعني يعلمك العطل الحقيقي بالسياره بدون مايلف ويدور ويغير اشياء ماتحتاج تغير.. وبعيد عن الصناعيات ووجع الراس
انت لو تشوفها تقول مايعرفوا شيء.. لكن كل سيارات العائله نصين عنده.. اكسبدشن كرايزر جمس ماليبو تاهو اوبتيما فورد والحمدلله مستمرين معه والرجال امين
لكن خبرتهم ميكانيكا.. ماعندهم فحص كمبيوتر لكن فيه ورشه قريبه منهم عندهم فحص كمبيوتر لو احتاجت السياره.. اي شيء ميكانيكي عندك باذن الله يعرفوا له.. سوا داخل الكبوت او بالبطن
التكيف للامانه مايعرفوله لكن دلوني على محل تكيف ممتاز جدا لو احد احتاجه يتواصل معي موقعهم مخرج ١٥
اكتب بخرائط قوقل مركز الروابي لصيانه السيارات بيطلع لك.. وشوف تعليقات الناس وتجاربهم وان شاء الله يفيدوك اكثر مني
موفق يالحبيب


up 0 down 0
ابوخالد1397 2844
قبل 3 أسبوع و 2 يوم



https://maps.app.goo.gl/1LaX1cxEa4brLoo86

هذا موقع الورشه وتعليقات الناس وتجاربهم


up 0 down 0
ابوخالد1397 2844
قبل 3 أسبوع و 2 يوم