استفسارات عن بعض المشكلات في سيارتي ...

صوت تكتكه عند سيور   وماء ينقص ؟؟   تاكد من طرمبه مويه  

 شكمان روح عند شكامين معروف وخله يسوي لك لحام بارد وانشاء الله يزبط 

مشكور وما قصرتو 

في شي نسيت اني اكتبه قربة الموية لمن افتحها واطالع فيها القى اللي اللي رايح على اللديتر يطلع فقاعات 

الفقاعات تنسيم بسيط بالرديتر اتوقع اعانك الله

أعراض اعوجاج رأس المكينة ( انشعار الراس )
1/نقص ماء اللديتر.
2/وجود فقاعات عند فتح غطاء اللديتر
3/صوت تكتكة البلوف
4/ تفتفة بسيطة في السيارة
5/ وهو المحدد الأخير ( عند فتح غطاء زيت المكينة تجد مثل نقط الحليب على الغطاء )

اخوي يضهر عندك حرارة في السيارة ولكن أما مشاويرك قريبة ما تفلل الحرارة على الاتش أو عيار الحرارة عندك خربان،،
والدليل ان السيارة فيها حرارة تغييرك للقزوز كل فترة والثانية.

أتمنى توقعي يكون مو مكانه وان الشغلة بسيطة ولكن بنفس الوقت أخاف تغير وتغير شغلات كثيرة مالها علاقة بالمشكلة وبالآخر ما تستفيد شيء
فيه شغلات كثيرة أبي أسألك عنها يمكن تحدد المشكلة ولكن روح لميكانيكي فاهم وحط تحت فاهم 100 خط واترك عنك العليمية، ولعلمك عشان 
تعرف ان ممكن المشكلة بسيطة ترى احيانا البنزين الأخضر يسبب تكتكة البلوف والموية العادية أحيانا تتبخر من غطاء اللديتر هذي أمثلة على بعض
المشاكل اللي يمكن يتفلسفون فيها الورش 

هاذا الصوت انا ماسمعته على شان اقولك كلام بس دايم الاصوات الي زي كذا احصلها با الدينمو 

قبل سنتين انا كان عندي صوت يطلع في بداية التشغيل السيارة بالصباح ويزيد مع دعسة البنزين واذا وصلت الحرارة الطبيعية للسيارة اختفى الصوت،، كانت ايام مطر
المهم رحت وغيرت لسيور كلها سير المكينة والدينمو والمكيف ثلاث سيور وبعد التغغير ما استفدت شي الصوت ما زال موجود ،، وظل فترة شهرين واختفى والى اليوم ماسمعته
الظاهر هالصوت يجي من لغبار او من الامطار والله اعلم
اذا الصوت يختفي لما توصل درجة الحرارة الطبيعيه يعني مثل حالتي ومافيها شي سيارتك طبيعيه..

والشكمان مو بدون سبب ينخرق واتوقع السبب من الحرارة الزايدة

saudi___07
اخوي اذا السيارة كانت باردة وفتحت غطاء الرديتر وشغلت السيارة وطلعت فقاعات من الرديتر يعني راس المكينة منشعر ؟

وهل فيه فرق بين لما يطلع فقاعات ولما ماء الرديتر يتطاير برى؟

شكرا يا شباب ما قصرتو 
الفقاعات اكتشفت السبب ان من غطاء اللديتر غيرته زبط الموضوع
وصوت التكتكتة رحت لكم واحد قالو لي الصوت من التكايات ورحت لواحد متعامل معاه من زمان قال لي تعال بكرة ان شاء الله 
وراح افتك لك الكرتير حق الزيت وانظف فلتر طرمبة الزيت بالتنر وانفخها وان شاء الله تزبط بعدين سألني متى اخر مرة غيرت
فيها الزيت قلت له من حوالي الاسبوع قال لي ايش نوعه قلت كاسترول قال لي الزيت اول مرة تحطه قلت ايوة بعدين قال لي
ايش نوع الزيت سابقا قلت له مدري وش اسمه بس علبته حمرا قال لي طيب قلت له سلامات عسا ما شر ايش لازمت الاسئلة 
ذي قال لي على ما اظن ان الزيت الجديد مو مناسب المكينة قلت له صدقت قبل ما اغير للكاسترول كان صوت التكتكة يروح ويجي
قال خلك على زيتك واصحك تغيره وسألني وقال لمبة الزيت بتأشر عندك والا والسيارة شغالة تطلع عندك في الطبلون قلت
لا قال لي اكيد  قلت ان شاء الله وقال لازم في كل تغيرة زيت تغير معها السيفون قلت له انا اصلا ما امشي على الزيت 
كثير يعني بالكثير مرررة 2500 وكل تغيرتين اغير السيفون قال اذا انت ما تبي الصوت يطلع مع كل تغيرة زيت تغير معها
السيفون
بس دحين السؤال بكرة ان شاء الله اروح انظف فلتر طرمبة الزيت والا لا انا اصلا ان شاء الله كذا كذا راح اروح بغير السيور 
طيب سؤال اخر سير التايمن والسيور اللي حولينه يتغيرو كل 100 الف والا حسب المدة 
وزيت القير اليدوي يتغير والا ازيد عليه وزيت الكلتش والفرامل والدركسيون يتغيرو والا ازيد عليهم
وعندي عداد الار بي ام يلعب مو ثابت 

واسف على الاسئلة الكثيرة انا ما اعرف ناس اصحاب خبرة ما شاء الله مثلكم وسامحونا 

وسلامتكم 

زيت الدريكسون + زيت الفرامل .. انا ازيد عليهم اذا فيه نقص..
وبالنسبة للسير .. انا مثلا سيارتي بالكاتلوج مكتوب
كل 90 الف او كل 6 سنوات في الظروف العاديه ،،
وكل 60 الف او كل 4 سنوات في الظروف القاسية ،،
وغيرت السير على 90 الف والسيارة احين ماشيه 134 الف وصار له سنتين ونص

يعني افتح الكاتلوج وشوف ايش مكتوب في جدول الصيانة ..
او اذا ماتذكر متى غيرت السير خلي الميكانيكي يفحصه ويقدر يحدد يحتاج تغيير او لا..

ونسيت اكتب ترى مسافة 2500 قليلة مره لتغير زيت للمكينة .. غير الزيت كل 5 الاف ولا تنسى كل مره تغير زيت غير السيفون ومابتشوف مشاكل ان شاء الله..
واعتقد سعر السيفون رخيص العادة السعر ب10 ريال او ب12 ريال وواذا مره مره ب15 ريال

الحمد لله كل اللي كنت اعاني منه اختفى الموية اللي تنقص كان سببها تهريب غطاء اللديتر وغيرته
وصووت التكتكة كان السبب السيور وغيرتهم
والحمد لله الامور حتى الان طيبة 
بس عندي استفسار الحين الميكانيكي قال لي غير الزيت وانا الزيت ما مشيت عليه ولا 600 كيلو اغيره والا لا 
انا غيرت لكاسترول 20 - 50 كنت اول اغير ارلوب 20 - 50 قال لي غير موبيل 20 - 50 انتو
ايش رايكم مع اني ما امشي كثير بالسيارة 

يشباب  انا عندي مشكلة بالسيارة لما ادعس ع البنزين دعسة شبه خفيفه يطلع صوت طقطقه او قرقعه زي حديدتين يدقو في بعض ما عرفت الحل 

اسلام عليكم انا ابي اسأل عن غطا البلوف وش وضعه وكم تكلفته اي ذا با الصحه ازبده اني ابي اشتري النترا وفيها غطا البلوف